રાજનીતિ / રાજનીતિના ચાણક્ય અમિત શાહે મમતાને હરાવવા રાખ્યા 'ગુરૂ', જાણો કારણ

• પશ્ચિમ બંગાળમાં બે વર્ષ બાદ યોજાશે ચૂંટણી
• અમિત શાહ શીખી રહ્યા છે બંગાળી 
• ચૂંટણી સભાની શરૂઆત કરશે બંગાળીમાં  

ન્યૂઝ એજન્સી આઈએએનએસ અનુસાર, અમિત શાહે આ માટે એક શિક્ષક રાખેલ છે, ઉદ્દેશ એ છે કે ભાજપ અધ્યક્ષ ઓછામાં ઓછી આ ભાષાને સમજી શકે અને પશ્ચિમ બંગાળની ચૂંટણી સભાની શરૂઆત બાંગ્લાથી કરે જેનાથી ભાષણમાં વધારે અસરકારકતા જોવા મળે. 

મમતા બેનર્જી અમિત શાહને બાહ્ય વ્યક્તિ તરીકે કરે છે સંબોધન 

પશ્ચિમ બંગાળના મુખ્યમંત્રી મમતા બેનર્જી 'મા, માટી અને માનુષ' ના નારા લગાવતા રહે છે, અને તાજેતરમાં જ તેણે બંગાળી ઓળખને ઘણું પ્રોત્સાહન આપવાનો પ્રયાસ કર્યો છે. મમતા તેની બેઠકોમાં ભાજપ અધ્યક્ષને બાહ્ય વ્યક્તિ તરીકે સંબોધન કરે છે.

અમિત શાહ શીખી રહ્યા છે બંગાળી 

ઉલ્લેખનીય છે કે, અમિત શાહને ચૂંટણી રણનીતિના મહારથી માનવામાં આવે છે અને ચૂંટણી માટે શાહ અલગ-અલગ રણનીતિ બનાવતા બનાવે છે. પરંતુ મહારાષ્ટ્ર અને હરિયાણા વિધાનસભામાં સરકાર નહીં બનાવી શકવાને કારણે તથા ઝારખંડ વિધાનસભામાં હાર બાદ અમિત શાહ બંગાળમાં ચૂંટણીની કમાન પોતાના હાથમાં રાખવા માગે છે. જેના કારણે તેમણે અત્યારથી જ બંગાળી શિખવાનું શરૂ કર્યું છે. 

ભાજપના નેતાએ આપ્યું નિવેદન 

પશ્ચિમ બંગાળમાં ભાજપના એક મોટા નેતાના જણાવ્યા મુજબ, તેમાં કાઇપણ નવું નથી. ભાજપા અધ્યક્ષ બંગાળી અને તામિલ સહિત દેશના વિવિધ વિસ્તારોમાં બોલાતી 4 ભાષા શીખી રહ્યા છે. 

ગુજરાતમાંથી બહાર રહ્યા તે સમયે અમિત શાહ શીખ્યા હિન્દી 

કેટલાક લોકોએ આશ્ચર્ય વ્યક્ત કરતા જણાવ્યું કે, વર્ષો સુધી ગુજરાતમાં સમય વિતાવ્યા છતાં અમિત શાહ હિન્દી કેવી રીતે આટલું સરળ શૈલીમાં બોલી શકે છે. ત્યારે આ મામલે સૂત્રો પાસેથી પ્રાપ્ત થયેલી વિગત અનુસાર જેલમાં રહ્યા બાદ કોર્ટ દ્વારા ગુજરાતમાં પ્રવેશ પર પાબંધી લાદવામાં આવ્યા બાદ અમિત શાહે હિન્દી પર પક્કડ જમાવી હતી.