અનોખી ચેલેન્જ / ભાજપના સાંસદે 15 કિલો વજન ઘટાડી 15 હજાર કરોડની કરી કમાણી, દુનિયાના સૌથી મોંઘા MP બન્યા

• નીતિન ગડકરીએ ભાજપના સાંસદને આપી અનોખી ચેલેન્જ
• એક કિલો વજન ઘટાડો તો મળશે 1000 કરોડ રૂપિયા
• લોકસભા મત વિસ્તારમાં વિકાસના કામો માટે વાપરી શકાય

મધ્ય પ્રદેશના ઉજ્જૈનથી ભાજપના સાંસદ અનિલ ફિરોઝિયાને કેન્દ્રીય મંત્રી નીતિન ગડકરીએ ફિટનેસ ચેલેન્સ આપી છે. નીતિન ગડકરીએ ફિરોઝિયાને ચેલેન્જ આપી હતી કે, તેમણે દર એક કિલોએ વજન ઘટાડવા પર 1000 કરોડ રૂપિયાનું ફંડ મળશે. જેનો ઉપયોગ તેઓ પોતાના લોકસભા વિસ્તારમાં વિકાસના કામોમાં ઉપયોગ કરશે. ફિરોઝિયાએ સવા સો કિલો વજનના હતા, અને તેમણે આ ચેલેન્જ ઉજ્જૈનના વિકાસ માટે સ્વિકારી લીધી છે.

નીતિન ગડકરીએ ભાજપના સાંસદને આપી અનોખી ચેલેન્જ

આ વર્ષે ફેબ્રુઆરીમાં કેન્દ્રીય સડક અને પરિવહન રાજમાર્ગ મંત્રી નીતિન ગડકરીએ માલવા વિસ્તાર માટે 5772 કરોડ રૂપિયાના 11 રોડ પ્રોજેક્ટનો શિલાન્યાસ કર્યો હતો. પ્રોજેક્ટની કુલ લંબાઈ 534 કિમી હતી, એક કાર્યક્રમ દરમિયાન નીતિન ગડકરીએ સાંસદ અનિલ ફિરોઝિયાને કહ્યું હતું કે, જેટલા કિલો વજન ઉતારશો, દર કિલોએ તેમને ઉજ્જૈનના વિકાસ માટે 1000 કરોડ રૂપિયા મળશે. અનિલ ફિરોઝિયાએ આ ચેલેન્જનો સ્વિકાર કર્યો. 

1 કિલો વજન માટે 1000 કરોડ

નીતિન ગડકરીએ કહ્યું કે, અનિલ ફિરોજિયા સતત મારી પાસેથી વિકાસ માટે બજેટની માંગ કરી રહ્યા છે. મેં તેમના માટે એક શરત રાખી છે, હું 135 કિલોનો હતો. હવે મારું વજન 93 કિલો છે. મેં તેમને મારો જૂનો ફોટો બતાવ્યો. લોકો મને ઓળખતા નથી. હું 1,000 કરોડ આપીશ. ઉજ્જૈનના વિકાસ માટે તમે જેટલા કિલો વજન ઘટાડશો, તેમને કરોડોનું ભંડોળ મળશે. હું તમને કહીશ કે આ કેવી રીતે કરવું. નિતિન ગડકરી ફેબ્રુઆરીમાં ઉજ્જૈન આવ્યા ત્યારે સાંસદનું વજન 127 કિલો હતું.

BJP MP from Ujjain @bjpanilfirojiya is on a mission to shed excess flab, not just to become fit, but also to fund the development of his Lok Sabha constituency as promised by Union Minister @nitin_gadkari @ndtv @ndtvindia pic.twitter.com/t7qv7K0FAB

— Anurag Dwary (@Anurag_Dwary) June 11, 2022

ભાજપના સાંસદે ચેલેન્જ પૂરી કરીને 15000 કરોડની કમાણી કરી

આ પછી અનિલ ફિરોજિયાએ પોતાની ફિટનેસ પર કામ કરવાનું શરૂ કર્યું. સાંસદનો દિવસ 8 કિમીની મોર્નિંગ વોકથી શરૂ થાય છે, ત્યારબાદ તે એક કલાક સુધી કસરત કરે છે. આ સિવાય તે યોગા અને ડાયટિંગ પણ કરે છે. ત્રણ મહિનાની મહેનત બાદ અનિલ ફિરોજિયા 15 કિલો વજન ઘટાડવામાં સફળ રહ્યા છે. હવે તે કેન્દ્રીય મંત્રીની શરત મુજબ 15000 કરોડના હકદાર બની ગયા છે.

અત્યાર સુધીમાં 6000 કરોડનું ભંડોળ પ્રાપ્ત થયું છે

ભાજપના સાંસદ અનિલ ફિરોજિયાએ કહ્યું, હું દુનિયાનો સૌથી મોંઘો સાંસદ છું, હવે 6000 કરોડ આપ્યા છે. વિકાસ થઈ રહ્યો છે, મેડિકલ કોલેજ મળી. મને પૂરો વિશ્વાસ છે કે હું 15 કિલો વજન ઘટાડીશ તો વિકાસના કામો માટે વધુ પૈસા મળશે. બીજેપી સાંસદ અનિલ ફિરોજિયા ખાવા-પીવાના ખૂબ જ શોખીન છે, પરંતુ હવે તેઓ ત્યાગ કરી રહ્યા છે અને કસરત કરી રહ્યા છે. ફિરોઝિયા ડાયટ પ્લાન ફોલો કરી રહી છે અને દરરોજ એકથી બે કલાક શારીરિક કસરત, સાઇકલિંગ, સ્વિમિંગ અને યોગ કરે છે.