વાયરલ / ચારેય કોર લાગ્યા પોસ્ટર! ધારાસભ્ય ગાયબ થયાં છે, શોધી આપનારને ઈનામમાં 1 મરઘી

• ભાજપના ધારાસભ્ય નિતેશ રાણે અને શિવસેના વિવાદ  વચ્ચે હોબાળો
• મુંબઈમાં MLA નિતેશ રાણેના વાંધાજનક પોસ્ટર દેખાયા
• આ પોસ્ટરમાં માહિતી આપનારને એક મરઘી ને આપવામાં આવશે

નિતેશ રાણેના પોસ્ટર પર શું લખ્યું છે?

પોસ્ટરમાં ભાજપના ધારાસભ્ય નિતેશ રાણે વિશે લખવામાં આવ્યું છે કે જે ગાયબ છે, નામ- નિતેશ નારાયણ રાણે, ઊંચાઈ- દોઢ ફૂટ, રંગ- ગોરો, ઓળખ- નેપાળી જેવી આંખો, ચમકદાર,માહિતી આપનારને એક મરઘી ને આપવામાં આવશે 

વિવાદાસ્પદ પોસ્ટરમાં મરધીનો ઉલ્લેખ કેમ?

એવું કહેવામાં આવી રહ્યું છે કે આ પોસ્ટરમાં મરધીનો ઉલ્લેખ એટલા માટે કરવામાં આવ્યો છે કારણ કે મહારાષ્ટ્રમાં નારાયણ રાણેના વિરોધીઓ ઘણા દાયકાઓથી 'મરઘી ચોર'ના નામથી તેમની મજાક ઉડાવી રહ્યા છે. હાલ પોલીસ અને વહીવટીતંત્ર દ્વારા આ પોસ્ટર-બેનરો હટાવી દેવામાં આવ્યા છે.

નિતેશ રાણેના જામીન ફગાવી દેવામાં આવ્યા છે

આ પહેલા ગુરુવારે સિંધુદુર્ગ સેશન્સ કોર્ટે શિવસેનાના કાર્યકર પર હુમલાના કેસમાં નિતેશ રાણેની આગોતરા જામીન અરજી ફગાવી દીધી હતી, જેને તે ટૂંક સમયમાં હાઈકોર્ટમાં પડકારી શકે છે.

મહારાષ્ટ્ર વિધાનસભામાં 'મ્યાઉં મ્યાઉ' વિવાદ

આ સિવાય મહારાષ્ટ્ર વિધાનસભાના તાજેતરના શિયાળુ સત્ર દરમિયાન આદિત્ય ઠાકરેની એન્ટ્રી વખતે નિતેશ રાણેએ 'મ્યાઉં મ્યાઉં' કહ્યું હતું. તેનો વીડિયો સોશિયલ મીડિયા પર ખૂબ જ વાયરલ થયો હતો.