અગાઉ મધુ શ્રીવાસ્તવે બરોડા ડેરીના શાસકો પર કર્યા હતા આક્ષેપ, હવે MLA કેતન ઇનામદારના આરોપથી રાજકારણ ગરમાયું
બરોડા ડેરીમાં ભ્રષ્ટાચારનો આક્ષેપ
ભાજપના સાવલીના MLA કેતન કેતન ઇનામદારે કર્યા આરોપ
સત્તાધીશો સભાસદોનું શોષણ કરી રહયા છે : MLA કેતન ઇનામદાર
શું ભાજપ શાસિત બરોડા ડેરીમાં બધુ વ્યવસ્થિત ચાલુ રહ્યું છે. જવાબ ના પણ હોય શકે છે કારણ કે સાવલી ભાજપના MLA કેતન ઇનામદારે બરોડા ડેરમાં ચાલતા વહીવટને લઈ મોટા આરોપ કરી રહ્યા છે. MLA ઇનામદારનો સહકાર મંત્રી ઇશ્વર પટેલને સ્ફોટક પત્ર લખી બરોડા ડેરીમાં ચાલતા ભ્રષ્ટાચારનો ભાંડો ખુદ ભાજપના સાવલી ધારાસભ્ય કેતન ઈમાનદારે ફોડ્યો
બરોડા ડેરીમાં ભ્રષ્ટાચાર અને સભાસદોનું શોષણ : ભાજપ MLA કેતન ઇનામદારે
સાવલી ભાજપના MLA કેતન ઇનામદાર ફરી એક વાર ચર્ચામાં આવ્યા છે. આ વખતે તેમણે બરોડા ડેરીમાં ચાલતા અણધડ વહીવટની સરકારને જાણ કરી છે. મહત્વનું છે કે બરોડા ડેરી ભાજપ શાસિત લોકો ચલાવી રહ્યા છે ત્યારે ભાજપના MLA કેતન ઇનામદારે બરોડા ડેરીમાં ભ્રષ્ટાચારનો આક્ષેપ તેમજ સભાસદોના શોષણનો મોટો આરોપ કરી રહ્યા છે. ઈનામદારનું કહેવું છે કે દાણના કાચા માલની ખરીદી મળતિયા એન્જસીઓ દ્વારા કરવામાં આવી રહી છે, કાચા માલમાં ભેળસેળ, તેમજ દૂધ ઉત્પાદકોની રકમ પર જમાખોરી કરવાનો આરોપ કર્યો છે, મહત્વનું છે કે અગાઉ મધુ શ્રીવાસ્તવે બરોડા ડેરીના શાસકો પર આક્ષેપ કર્યા હતા. જે બાદ કેતન ઈમાનદારે કરેલા આરોપ દર્શાવી રહ્યા છે કે બરોડા ડેરીમાં ગોલમાલ હૈ ભાઈ..સબ ગોલમાલ હૈ
આમાં સરકાર જવાબદાર છે તેવું નથી : કેતન ઇનામદાર
ભાજપના ધારાસભ્ય કેતન ઈનામદારે કહ્યું હતું કે આમાં ભાજપ કે ગુજરાત સરકારના અણઘડ વહીવટનો સવાલ જ નથી. તેમણે કહ્યું હતું કે સહકાર ક્ષેત્રમાં તો ભાજપ અને કોંગ્રેસના નેતાઓ પણ હોય છે એટલે એવું નથી કે આમાં સરકાર સીધી રીતે જવાબદાર છે. પરંતુ જે-તે સહકારી મંડળીઓમાં સત્તાધીશોની ઈચ્છાશક્તિનો અભાવ જવાબદાર છે.
નીતિન પટેલ આપી પ્રતિક્રિયા
આ મામલે ડે.સીએમને સવાલ પૂછતાં નીતિન પટેલે પ્રતિક્રિયા આપી હતી. તેમણે કહ્યું હતું કે રાજ્યની ડેરીઓમાં ઓડિટ થાય છે. ડેરીઓના સંચાલનની વ્યવસ્થા માટે દેશમાં સૌથી મોટું અને સુવ્યવસ્થિત સહકાર ક્ષેત્ર ગુજરાતમાં છે. આવામાં જો કોઈને એવું લાગતુ હોય છે કે ગેરરીતિ થઈ રહી છે તો તેઓ તપાસ કરાવી શકે છે. હવે તો સહકાર વિભાગ પણ છે અને જો સહકાર ક્ષેત્રમાં કોઈ ખોટું થતું હશે તો તેના પર કાર્યવાહી કરવામાં આવશે.
MLA કેતન ઇનામદારે શું કર્યા આક્ષેપ ?
બરોડા ડેરીમાં ભ્રષ્ટાચારનો આક્ષેપ
બરોડા ડેરીમાં સભાસદોના શોષણનો આક્ષેપ
સત્તાધીશો સભાસદોનું શોષણ કરી રહ્યા છે
દાણના કાચા માલની ખરીદી મળતિયા એન્જસીઓ દ્વારા કરાઈ છે
કાચા માલમાં ભેળસેળનો પણ આક્ષેપ
SNFની પ્રથાથી સભાસદોનું હિત જળવાતુ નથી
ડેરી મંડળીઓને હાલમાં દૂધના રૂ.675 કિલો ફેટે ચૂકવાય છે
મંડળીઓ રૂ.650 જ કિલો ફેટે દૂધ ઉત્પાદકોને આપે છે
મંડળીઓ રૂ.25 જમા રાખે છે,વ્યાજ પણ ઉત્પાદકોને નથી અપાતું
કેતન ઇનામદારના વારંવાર આરોપ
સાવલીથી ભાજપના ધારાસભ્ય છે કેતન ઇનામદાર
કેતન ઇનામદાર વાંરવાર સરકાર સામે મુદ્દા ઉઠાવે છે
પોતે સરકાર હોવા છતાં પણ ઇનામદાર પ્રશ્નો કરે છે
બે દિવસ પહેલા સ્કૂલ મર્જ કરવા માટે પણ પત્ર લખ્યો હતો
અગાઉ સાવલીમાં સ્ટીટ લાઇટ મુદ્દે પણ પ્રશ્નો કર્યા હતા
સાવલી નગરપાલિકાના બીલ મુદ્દો ઉભો કર્યો હતો
અગાઉ અધિકારીઓ સાંભળતા નથી તે મુદ્દે પ્રશ્નો ઉભા કર્યા હતા
વડોદરાના પાંચ ધારાસભ્યો પણ આ મુદ્દે સરકારને મળ્યા હતા