રાજકારણ / ગુજરાતમાં અહીં 70 વર્ષ બાદ કોંગ્રેસ પાસેથી સત્તા આંચકી લેવામાં ભાજપ થયું સફળ

• સહકારી ક્ષેત્રે ભાજપને મળી મોટી સફળતા
• 70 વર્ષનો રેકોર્ડ તોડીને ભવ્ય જીત હાંસલ કરી 
• 17માંથી 14 બેઠકો ભાજપ પાસે 

ચૂંટણી પહેલા ભાજપ હવે ધીરે ધીરે સક્રિય થતું જોવા મળી રહ્યું છે. સહકારી ક્ષેત્રમાં ભાજપે હવે જોરશોરથી ઝંપલાવ્યું છે. છેલ્લા 70 વર્ષથી આ બેંક પર કોંગ્રેસનો કબ્જો હતો. ગઇ ચુંટણી દરમિયાન મેજોરીટી ભાજપની હતી પરંતુ માત્ર 1 જ સીટ કોંગ્રેસ કરતા વધારે હતી ત્યારે આ વખતે 17 બેઠકમાંથી 14 બેઠક ભાજપ પાસે છે.

2 સભ્યો બિનહરીફ ચુંટાયા 

જોકે મહત્વનું છે કે 14માંથી 2 સભ્યો બિનહરીફ ચુંટાયા છે. જેથી હવે આ બેંક પર ભાજપનો કબજો રહેશે. સામાન્ય રીતે સહકારી સંસ્થાઓ પર શાસક પક્ષની પકડ હોય છે. પરંતુ રાજ્યમાં છેલ્લા 27 વર્ષથી ભાજપનું શાસન હોવા છતાં સૌથી જૂની એવી ખેતી બેંક પર ભાજપનો કબજો નહોતો. 

70 વર્ષ બાદ મોટી સફળતા 

આ વખતે ભાજપને સફળતા મળી છે. ખેતી બેકની યોજાયેલી ચુંટણીમાં ભાજપના સહકારી આગેવાન ચેરમેન તરીકે ડોલર કોટેચા અને વાઈસ ચેરમેન તરીકે ફલજી પટેલની વરણી થઇ છે. 1960માં રાજ્યમાં અસ્તિત્વ ધરાવતી બેંક ગુજરાત સ્ટેટ કો-ઓપરેટિવ લેન્ડ મોર્ગેજ બેંક લીમિટેડ નામે ઓળખાય છે. 

ખેડૂતોને ઉમદી કામગીરીની આશા 

ઉલ્લેખનીય છે કે ગુજરાત સ્ટેટ કો-ઓપરેટિવ લેન્ડ મોર્ગેજ બેંક 181 તાલુકામાં ખેડૂતોને અલગ અલગ 300 યોજનાઓમાં ખેડૂતોને ધિરાણ કરે છે. કુલ 4 હજાર 391 કરોડ ધિરાણ ધરાવતી બેંક હવે 70 વર્ષે ભાજપને શાસન મળતા ખેડૂતો ઉમદા કામગીરી આશા સેવી રહ્યાં છે.