દિલ્હી વિધાનસભા ચૂંટણીના પરિણામોએ જ્યાં આમ આદમી પાર્ટીને ત્રીજી વાર સત્તા સોંપી દીધી છે, ત્યારે આ પરિણામોએ બીજેપી (BJP)ની ટેન્શન વધારી દીધી છે. દેશની રાજધાનીની વિધાનસભામાં સત્તાની ચાવી બીજેપી કોઇપણ ભોગે પોતાની પાસે રાખવા માંગતી હતી, પરંતુ સફળતા ન મળી. આટલું જ નહીં 70 બેઠકો વાળી દિલ્હી વિધાનસભામાં બીજેપી બે ડિજીટના આંકડા સુધી પણ ન પહોંચી શકી.
દિલ્હીની જનતાએ ફરી એકવાર આમ આદમી પાર્ટીના હાથમાં સોંપી સત્તા
છેલ્લા બે વર્ષમાં બીજેપીના હાથમાં થી એકપછી એક 6 રાજ્ય નીકળી ગયા
ડિસેમ્બર 2017માં ભાજપ અને તેની સહયોગી પાર્ટીઓની 19 રાજ્યોમાં સત્તા હતી
લોકસભા ચૂંટણી બાદ અત્યાર સુધીમાં થયેલી તમામ વિધાનસભા ચૂંટણીમાં માત્ર હરિયાણામાં બીજેપી જેમ તેમ જીતી છે, બાકી તમામ રાજ્યો તેના હાથમાંથી નીકળી ગયા છે.
જો છેલ્લા બે વર્ષ પર નજર નાંખીએ તો બીજેપી અને એનડીએ (NDA) ના હાથથી 6 રાજ્ય એક પછી એક નીકળી ગયા. લોકસભા ચૂંટણીથી ઠીક પહેલા ચાર રાજ્યોમાં ચુંટણી યોજાઇ હતી. મધ્યપ્રદેશ, રાજસ્થાન, છત્તીસગઢ અને મિઝોરમ. તેમાંથી મધ્યપ્રદેશ અને છત્તીસગઢમાં બીજેપી પાસેથી સત્તા છિનવાઇ ગઇ. લોકસભા ચૂંટણીમાં વધું એક રાજ્યથી બીજેપી અને એનડીએ બહાર થઇ ગઇ.
આંધ્ર પ્રદેશમાં બીજેપી તેલુગુદેશમની સાથે સત્તામાં હતી. પરંતુ ચૂંટણીથી પહેલા ટીડીપીએ બીજેપીનો સાથ છોડી દીધો. વિધાનસભામાં આંધ્ર પ્રદેશની સત્તાથી બીજેપીની સાથે ટીડીપી પણ બહાર થઇ ગઇ.
લોકસભા ચૂંટણીમાં થયેલી વિધાનસભા ચૂંટણીમાં મહારાષ્ટ્ર અને હરિયાણામાં બીજેપીને જેમ તેમ હરિયાણામાં જીત મળી પરંતુ ઝારખંડમાં તે સત્તા ગુમાવી બેઠી. મહારાષ્ટ્રમાં સૌથી મોટી પાર્ટી બનીને પણ તે વિપક્ષમાં બેઠી છે. આમ તેણે એક પછી એક 6 રાજ્યો ગુમાવી દીધા.
દિલ્હીમાં એકવાર ફરી બીજેપીને મોટી હારનો સામનો કરવો પડ્યો છે. દેશની રાજધાની હોવાને પગલે દિલ્હીની હારની અસર મોટી છે. બીજેપી આ વાત સારી રીતે સમજતી હતી તેથી આમ આદમી પાર્ટી ચૂંટણીમાં મજબૂત સ્થિતિમાં હોવા છતા પોતાની તમામ તાકાત લગાવી દીધી. પરંતુ દિલ્હીમાં આમ આદમી પાર્ટીને એકવાર ફરીથી 62 બેઠકોની સાથે સત્તા સોંપી દીધી. બે વર્ષ પહેલાની વાત કરીએ તો ડિસેમ્બર 2017માં ભાજપ અને તેની સહયોગી પાર્ટીઓની 19 રાજ્યોમાં સત્તા હતી.