ગાંધીનગર / ક્લાર્ક, હેડ ક્લાર્ક, આસિ ક્લાર્કની કોમન ઉમેદવારની ખાલી જગ્યા પર નિમણૂંક આપવા GSSSB ખાતે ઉમેદાવારોનો દેખાવો

• ગાંધીનગરમાં વિવિધ ભરતીને લઈ વિરોધ
• ઉમેદવારોને નિમણુંક આપવા રજૂઆત
• બેનર સાથે ઉમેદવારોનો વિરોધ

ગાંધીનગરમાં વિવિધ ભરતીને લઈને ગૌણ સેવા પસંદગી મંડળ( gsssb) ખાતે ઉમેદવારોએ દેખાવો કર્યા હતા. બિન સચિવાલય ક્લાર્ક, હેડ ક્લાર્ક, આસિ ક્લાર્કની જગ્યા સંદર્ભે વિરોધ કરવામાં આવ્યો હતો. ડોક્યુમેન્ટ વેરીફીક્શન બાદ કોમન ઉમેદવારખાલી જગ્યાઓમાં નિમણુંક આપવા રજૂઆત કરવામાં આવી છે. જેમાં ઘણી પરીક્ષાઓમાં પાસ થયેલા ઉમેદવારો ઓપટાઉન સિલેક્શનનો ઉપયોગ કરે તેવી માંગ કરવામાં આવી છે.બેનર સાથે ઉમેદવારો દ્વારા વિરોધ કરી સૂત્રોચ્ચાર કરવામાં આવ્યો હતો.

ઘણી પરીક્ષાઓમાં પાસ થયેલા ઉમેદવારોથી બિન સચિવાલય ક્લાર્કની પૂરેપૂરી 3901 જગ્યા નહીં ભરાય: વિરોધ કરનારા ઉમેદવારો
અત્યારે બિન સચિવાલય ભરતી 150 નંબરમાં ડોક્યુમેન્ટ વેરિફિકેશન બાદનું પરિણામ આવી ચૂક્યું છે. પણ હાલમાં ગુજરાત સરકારની ઘણી ભરતી જેવી કે PSI, ATDO, તેમજ અન્ય ઘણી ભરતીઓમાં કોમન ઉમેદવારોનો મોટો પ્રશ્ન ઊભો થયો છે. કારણ કે ઘણા ઉમેદવારો 2 થી 3 ભરતીમાં પાસ થયા છે. બિન સચિવાલય કરતાં જે ઊંચા ગ્રેડ પે છે તેણે જ ઉમેદવારો નોકરી માટે સિલેકટ કરશે. પણ ઓપટાઉનનો ઉપયોગ એક પણ પસંદગી પામેલ ઉમેદવાર કરતો નથી જે ઊંચા ગ્રેડ પે પાસ થયેલા છે. તેનાથી નીચા ગ્રેડ પે વાળી ભરતીમાં ઉમેદવારી પાછી નથી ખેંચતા.

શું છે ઉમેદવારોની માંગ?
ત્યારે ઉમેદવારોની માંગ છે કે ગૌણ સેવા પસંદગી મંડળ આ મુદ્દાનો સુચારું ઉકેલ લાવે ભરતીમાં જાહેર કરેલી જગ્યા 3901ને સપૂર્ણ પણે ભરી દેવામાં આવે, એ માટે જરૂર પડે તો ઉમેદવારોનું પણ વેઇટિંગ લિસ્ટ બહાર પાડવામાં આવે, અને રિસફલિંગ કરે, જેથી અન્ય ઉમેદવારોને પણ તક મળે. ત્યાં હાજર ઉમેદવારોના દાવા મુજબ 2255 લોકો એવા છે જે અન્ય પરીક્ષામાં પણ પાસ થયા છે સાથે જ બિન સચિવાલયમાં, જો કોઈ નિર્ણય લેવામાં નહીં આવે તો 1500થી વધુ જગ્યા ખાલી પડેલી રહેશે જેનો કોઈ જ મતલબ નથી.