કેટલીકવાર એવું થાય છે કે કંપનીઓ એવી પ્રોડક્ટ ડિઝાઇન કરી લે છે કે બાદમાં તેમને માફી માંગવી પડે છે. હાલમાં જ એમેઝોને એક એવી બિકીની લૉન્ચ કરી હતી કે જેને લઇને ખળભળાટ મચી ગયો હતો.
બિકીની પર મચ્યો ખળભળાટ
બિકીની હટાવવાની કરી હતી માગ
ગૂગલે પણ માગી હતી માફી
કેવી હતી બિકીની
ઇ કોમર્સ કંપની એમેઝોને હાલમાં જ કર્ણાટકના ઝંડાના રંગ અને રાજ્ય ચિહ્નવાળી બિકીની વેચાણ માટે સાઇટ પર મૂકી હતી. જે બાદ કન્નડ અને સંસ્કૃતિ મંત્રી અરવિંદે કહ્યું કે, આ વાત પર સરકાર કાર્યવાહી કરશે. આ કન્નડ લોકોના સ્વાભિમાનનું અપમાન છે અને આ પ્રકારની વસ્તુઓેને વખોડે છે અને એમેઝોન કેનેડાને માફી માંગવા માટે કહ્યું છે.
એમેઝોને હટાવી પ્રોડક્ટ
આ પ્રકારની ઘટના થયા બાદ સરકારનું અપમાન ગણાવતા પૂર્વ મુખ્યમંત્રી કુમારસ્વામીએ સરકારને એેમેઝોન વિરુદ્ધ કાર્યવાહી કરવાની સંભાવનાઓ પર ધ્યાન દોરવા માટે કહ્યું હતું. તેમણે માગ પણ કરી હતી કે એમેઝોન કેનેડા માફી પણ માંગે. બાદમાં એમેઝોને પ્રોડક્ટ હટાવી લીધી છે અને તેમની કોઇ અન્ય પ્રતિક્રિયા સામે આવી નથી.
ગૂગલે પણ માંગી હતી માફી
થોડા સમય પહેલા અફઘાનિસ્તાનના ક્રિકેટર રાશિદ ખાનની પત્નીનું નામ સર્ચ કરતા અનુષ્કા શર્માનું નામ આવતુ હતું. તેવું શા કારણે થતુ હતુ તેનો ખુલાસો બાદમાં થયો હતો પરંતુ હવે ગૂગલ એક વાત પર ફસાઇ ગયુ છે.
ભારતની સૌથી ખરાબ ભાષા
ગૂગલ પર જો તમે ugliest language in India સર્ચ કરશો તો તમને કન્નડ ભાષા બતાવશે. જેના કારણે કર્ણાટક ગવર્મેન્ટ હરકતમાં આવ્યું હતુ. ભારતની સૌથી ખરાબ ભાષા તરીકે કન્નડ ભાષાનું નામ આવતા કન્નડ લોકોમાં ભારે રોષ જોવા મળી રહ્યો છે.
2500 વર્ષ પહેલા અસ્તિત્વમાં આવેલી કન્નડ ભાષાનો પોતાનો એક ઇતિહાસ છે. આ ભાષા અઢી શતાબ્દીથી કન્નડ લોકોનું ગૌરવ રહી છે અને હવે તેને ugliest language in Indiaના સર્ચ રિઝલ્ટમાં બતાવવનું કન્નડના લોકોને અપમાનજનક લાગ્યુ હતુ.
ગૂગલે માંગી માફી
ઇન્ટરનેટ પર અને સરકારે આલોચના કરી તે બાદ ગૂગલે માફી માંગી લીધી હતી અને ગુરુવારે સાંજે એક નિવેદન આપ્યુ હતુ. ભાષા અનુસાર ગૂગલના એક પ્રવક્તાએ કહ્યું કે, સર્ચ હંમેશા સંપૂર્ણ રીતે પરિપૂર્ણ નથી હોતું. આ પ્રકારે આશ્ચર્યજનક પરિણામ હોઇ શકે છે.