બિહારમાં નીતિશ કુમારની સરકાર ગત પાંચ વર્ષમાં મીડિયા પર ઘણી મહેરબાન રહી છે. પાંચ વર્ષમાં ઇલેક્ટ્રોનિક અને પ્રિન્ટ મીડિયાને રેકોર્ડ વિજ્ઞાપન આપ્યા. 'ધ વાયર' દ્વારા સૂચનાના અધિકાર (RTI) હેઠળ મળેલ જાણકારીનો હવાલો આપતા એક રિપોર્ટ જાહેર કરી છે.
બિહારમાં નીતિશ કુમારની સરકાર ગત પાંચ વર્ષમાં મીડિયા પર ઘણી મહેરબાન રહી છે. પાંચ વર્ષમાં ઇલેક્ટ્રોનિક અને પ્રિન્ટ મીડિયાને રેકોર્ડ વિજ્ઞાપન આપ્યા. 'ધ વાયર' દ્વારા સૂચનાના અધિકાર (RTI) હેઠળ મળેલ જાણકારીનો હવાલો આપતા એક રિપોર્ટ જાહેર કરી છે. જેમાં દાવો કરાયો છે કે નીતિશ કુમારની સરકારે પાંચ વર્ષમાં વિજ્ઞાપનો પર 498 કરોડ રૂપિયા ખર્ચ કર્યા છે. જેમા ટીવી, રેડિયો, ન્યૂઝ પેપર, વગેરેમાં વિજ્ઞાપનોના ખર્ચની સીમા બાકી વર્ષની તુલનામાં ચૂંટણી વર્ષમાં વધારે રહી છે.
RTI મુજબ કોંગ્રેસ અને આરજેડી સાથે મહાગઠબંધન વાળી નીતિશ કુમારની સરકારે 2014-15 માં વિજ્ઞાપનો પર 834328851 રૂપિયા ખર્ચ કર્યા. વર્ષ 2015-16માં આ ખર્ચની સીમા 15 કરોડ રૂપિયા વધી ગઇ. જેમા 984214181 રૂપિયા ખર્ચ કરવામાં આવ્યો. રિપોર્ટ મુજબ 2016-17ના વર્ષમાં 868520318 રૂપિયા અને 2017-18માં 9253175849 રૂપિયા ખર્ચ થયા. પરંતુ 2018-19 માં વિજ્ઞાપનોના ખર્ચની સીમાએ બાકી તમામ વર્ષોના ખર્ચનો રેકોર્ડ તોડી નાંખ્યો.
આ દરમિયાન જેડીયૂ અને બીજેપીની ગઠબંધન સરકારે મીડિયાને 1335318694 રૂપિયાના વિજ્ઞાપન આપ્યા. 'ધ વાયર' સાથે વાતચિતમાં આરટીઆઇ એક્ટિવિસ્ટ નારાયણ ગિરીએ બતાવ્યું કે વિભિન્ન મીડિયાને વિજ્ઞાપન બતાવવા માટે આપવામાં આવેલા પૈસાની પણ જાણકારી પણ માંગી હતી. પરંતુ રાજ્ય સરકારે જણાવ્યુ કે તેમની પાસે એનો રેકોર્ડ નથી.
ધ્યાન આપવા જેવી બાબત છે કે બિહાર સરકારે વિજ્ઞાપનો પર ખર્ચ કરવા મામલે 2010 બાદથી ઘણી દરિયાદિલી દર્શાવી છે. આ પહેલા 2010માં એક આરટીઆઇમાં બતાવવામાં આવ્યું કે 2000-01ના નાણાકીય વર્ષમાં બિહાર સરકારે મીડિયાને 4.96 કરોડ અને 2001-02માં 4.89 કરોડ રૂપિયાના વિજ્ઞાપનો આપ્યા હતા.
નીતિશ કુમાર પહેલાની સરકાર (રાબડી દેવીના નેતૃત્વ વાળી આરજેડીની સરકાર)ના કાર્યકાળમાં (2001-01થી 2004-05)માં વિજ્ઞાપન પર કુલ 23.48 કરોડ રૂપિયા ખર્ચ કરવામાં આવ્યો હતો. જો તેની તુલના વર્તમાનમાં પાચં વર્ષના 500 કરોડ રૂપિયા સાથે કરવામાં આવે તો આ આંકડો ઘણો મામૂલી છે.