BIG NEWS / ગુરુગ્રામના મોલમાં CBIના દરોડા, મોલમાં જ બિહારના નાયબ મુખ્યમંત્રી તેજસ્વીની આવેલી છે ઓફિસ

• બિહારમાં CBIના દરોડા બાદ હવે ટીમના ગુરુગ્રામ મોલમાં દરોડા  
• ગુરુગ્રામના મોલમાં છે બિહારના DyCM તેજસ્વી યાદવની કંપનીની ઓફિસ 
• વ્હાઇટ લેન્ડ કોર્પોરેશન પ્રાઇવેટ લિમિટેડ કંપનીનો તેજસ્વી પરિવારનો સંબંધ ? 

બિહારમાં CBIના દરોડા બાદ હવે ટીમે હરિયાણાના ગુરુગ્રામ જિલ્લાના સેક્ટર 71 સ્થિત એક મોલમાં દરોડા પાડ્યા છે. ગુરુગ્રામના આ મોલમાં બિહારના ડેપ્યુટી સીએમ તેજસ્વી યાદવની કંપનીની ઓફિસ છે. નોકરીના બદલામાં જમીનના કેસમાં સીબીઆઈએ આ કાર્યવાહી કરી છે. આ પહેલા કેન્દ્રીય તપાસ એજન્સી (CBI)એ આજે સવારે જ  બિહારમાં 24 સ્થળો પર દરોડા પાડ્યા છે. કહેવામાં આવી રહ્યું છે કે,મોલમાં આવેલી વ્હાઇટ લેન્ડ કોર્પોરેશન પ્રાઇવેટ લિમિટેડ કંપની તેજસ્વી યાદવના પરિવાર સાથે સંબંધિત છે. દેશભરમાં કુલ 25 સ્થળો પર સીબીઆઈના દરોડા ચાલુ છે. ગુરુગ્રામ પણ તે 25 બેઝમાંથી એક છે.

CBIની ટીમોએ બિહારમાં RJDના 5 નેતાઓ સહિત 25 સ્થળોએ દરોડા પાડ્યા હતા. તેમાં રાજ્યસભાના 2 સાંસદો ઉપરાંત પૂર્વ ધારાસભ્ય અને આરજેડીના ફાયનાન્સર અબુ દોજાનાનો પણ સમાવેશ થાય છે. ટીમ ગુરુગ્રામના એક મોલમાં પણ પહોંચી છે, જ્યાં તેજસ્વી યાદવની ઓફિસ છે. દોજાની કંપની બનાવી રહી છે. ભરતી કૌભાંડમાં સીબીઆઈએ ત્રીજી વખત દરોડા પાડ્યા છે. 

CBI raids are underway at 25 places in connection with land for job scam case at different places in Delhi, Haryana's Gurugram and Bihar's Patna, Katihar, and Madhubani. pic.twitter.com/6onI7V2HUp

— ANI (@ANI) August 24, 2022

આરોપ છે કે, લાલુ યાદવ જ્યારે રેલવે મંત્રી હતા ત્યારે નોકરી અપાવવાના બદલામાં જમીન અને પ્લોટ લેવામાં આવ્યા હતા. આ મામલામાં તપાસ કર્યા બાદ સીબીઆઈએ લાલુ યાદવ, રાબડી દેવી, મીસા યાદવ, હેમા યાદવ અને એવા કેટલાક ઉમેદવારો સામે કેસ નોંધ્યો છે જેમને પ્લોટ અથવા પ્રોપર્ટીના બદલામાં નોકરી આપવામાં આવી હતી.