ગુજરાતના વલણો ભલે ભાજપ માટે બમ્પર બહુમતીનો સંકેત આપી રહ્યા હોય પણ અન્ય ચૂંટણી પરિણામો ભાજપ માટે નિરાશા લાવી રહ્યા છે.
હિમાચલ વિધાનસભામાં સરકાર બનાવવા માટે 35 સીટો જીતવાની જરૂર
ભાજપે 15 વર્ષ પછી દિલ્હીમાં MCDની સત્તા ગુમાવી
બિહારની કુધાની વિધાનસભા પેટાચૂંટણીમાં બીજેપી બીજા નંબર પર ચાલી રહી
ગુજરાત વિધાનસભાની ચૂંટણીના પરિણામો હાલ જાહેર થઈ રહ્યા છે અને ગુજરાતમાં સતત સાતમી વખત ભાજપ સરકાર બનાવવા તરફ આગળ વધી રહ્યું છે. ગુજરાત વિધાનસભા ચૂંટણીના પરિણામોમાં હાલ ભાજપ આગળ ચાલી રહ્યું છે. જણાવી દઈએ કે વિધાનસભાની ચૂંટણીના 182 બેઠકોના વલણ સામે આવ્યા છે. જેમાં ભાજપ 154, કોંગ્રેસ 20, AAP 5 અને 3 બેઠકો પર અન્ય આગળ ચાલી રહ્યું છે. ગુજરાતના વલણો ભલે ભાજપ માટે બમ્પર બહુમતીનો સંકેત આપી રહ્યા હોય પણ અન્ય ચૂંટણી પરિણામો ભાજપ માટે નિરાશા લાવી રહ્યા છે. ભાજપ સતત બીજા દિવસે સત્તા ગુમાવી રહ્યું હોય તેવું લાગી રહ્યું છે.
ભાજપે 15 વર્ષ પછી દિલ્હીમાં MCDની સત્તા ગુમાવી
જણાવી દઈએ કે બુધવારે ભાજપે 15 વર્ષ પછી દિલ્હીમાં MCDની સત્તા ગુમાવી હતી તો ગુરુવારે એટલે કે આજે બીજેપી બીજું રાજ્ય ગુમાવી રહ્યું હોય હોય એવું લાગી રહ્યું છે. હાલ પહાડી રાજ્ય હિમાચલ પ્રદેશમાં ભાજપની વિદાય થઈ રહી હોય તેવું લાગી રહ્યું છે.
તાજેતરના વલણોમાં હિમાચલ પ્રદેશ ભાજપ પાછળ જોવા મળે છે. બપોરે 1 વાગ્યા સુધી ભાજપને માત્ર 26 બેઠકો મળી રહી છે જ્યારે કોંગ્રેસને 39 બેઠકો મળી છે અને એ સામે 3 બેઠકો પર અપક્ષો આગળ ચાલી રહી છે અને આપ એ ખાતું નથી ખૂલ્યું. 68 સભ્યોની હિમાચલ વિધાનસભામાં સરકાર બનાવવા માટે 35 સીટો જીતવાની જરૂર છે.
જણાવી દઈએ કે બુધવારે દિલ્હી MCDમાં બીજેપીનો પરાજય થયો હતો અને પાર્ટી 15 વર્ષ બાદ સત્તાથી બહાર થઈ ગઈ હતી. એ ચૂંટણીમાં ભાજપને 104 બેઠકો મળી હતી અને તેની સામે AAPને 134 બેઠકો મળી છે. આ પરિણામ પછી AAP પ્રથમ વખત અહીં MCDમાં પોતાની સરકાર બનાવવા જઈ રહી છે. આ સિવાય કોંગ્રેસને MCDમાં 9 બેઠકો મળી છે, જ્યારે 3 અપક્ષ ઉમેદવારોએની જીત મેળવી છે.
આ સિવાય અન્ય રાજ્યોની પેટાચૂંટણીમાં પણ ભાજપની હાલત પતલી જોવા મળી રહી છે. જણાવી દઈએ કે બહુચર્ચિત મૈનપુર લોકસભા સીટ પર ભાજપ હાર તરફ આગળ વધી રહ્યું હોય તેવું લાગી રહ્યું છે અને ત્યાં સમાજવાદી પાર્ટીના ઉમેદવાર ડિમ્પલ યાદવ સતત પોતાની લીડ જાળવી રહી છે અને તેની લીડ હવે જીતમાં ફેરવાઈ રહી છે. આ સીટ પર બીજેપીના રઘુરાજ શાક્યને 84099 વોટ મળ્યા છે. જ્યારે સપાના ડિમ્પલ યાદવને 162136 વોટ મળ્યા હતા. આ રીતે સપાના ડિમ્પલ યાદવને 78037 મતોની મજબૂત લીડ મળી છે.
રામપુર સદરમાં પણ ભાજપ પાછળ
રામપુર સદર પેટાચૂંટણીમાં પણ ભાજપ પાછળ હોય તેવું દેખાઈ રહ્યું છે. અહીં સમાજવાદી પાર્ટીના અસીમ રાજા ભાજપના આકાશ સક્સેના પર 5100 વોટથી આગળ છે. ખતૌલી સીટ પર આઠમા તબક્કાની મતગણતરી બાદ આરએલડી ઉમેદવાર મદન ભૈયા બીજેપીથી 8534 વોટથી આગળ છે. અત્યાર સુધીમાં આરએલડીના ઉમેદવારને 32915 અને ભાજપના ઉમેદવારને 24381 વોટ મળ્યા છે.
આ બેઠક પર ભાજપ પાછળ
બિહારની કુધાની વિધાનસભા પેટાચૂંટણીમાં 11 રાઉન્ડની મતગણતરી બાદ JDU ઉમેદવાર 1176 મતોથી આગળ છે. અહીં બીજેપી બીજા નંબર પર ચાલી રહી છે. આ સિવાય છત્તીસગઢની ભાનુપ્રતાપપુર સીટ પર પણ કોંગ્રેસ ભાજપને હરાવતી જોવા મળી રહી છે. અહીં કોંગ્રેસના સાવિત્રી મનોજ માંડવી ભાજપના બ્રહ્માનંદ નેતામથી 12436 મતોથી પાછળ છે. ઉપરાંત ઓડિશામાં પદમપુર વિધાનસભા બેઠક માટે પેટાચૂંટણીમાં બીજુ જનતા દળ બીજેપી પર આગળ છે. અહીં BJD ઉમેદવાર વર્ષા સિંહ બરિહા ભાજપના પ્રદીપ પુરોહિતથી 19425 મતોથી આગળ છે. અને રાજસ્થાનના સરદારશહેર વિધાનસભા પેટાચૂંટણીમાં ભાજપની હાલત ખરાબ થતી જોવા મળી રહી છે. આ બેઠક પર ભાજપના અશોક કુમાર કોંગ્રેસના અનિલ કુમાર શર્માથી 21000 મતોથી પાછળ છે.