અમેરિકાની સંસદમાં પસાર થયેલો એક વટહુમક ભારત માટે રાહતના સમાચાર લઇને આવ્યો છે. અત્યાર સુધી અમેરિકાનો કાયદો હતો કે તે કોઇ દેશ પર પ્રતિબંધ લગાવે તો અન્ય દેશ તેની અવગણના ન કરી શકે. અને જો કોઇ દેશ આ કાયદાની ઉપરવટ જાય તો તેના પર પણ પ્રતિબંધ લગાવી દેવામાં આવતો હતો. પરંતુ રક્ષા ક્ષેત્રે થનારી ડિલને આ નિયમથી હટાવી દેવામાં આવી. એટલે એક ઝાટકે જ આ કાયદામાં ફેરફાર કરી દેવાતા રશિયા અને ભારત વચ્ચે થનારી મિસાઇલ ડીલનો રસ્તો સાફ થઇ ગયો.
આર્થિક સદ્ધરતાના કારણે જગત જમાદાર બની બેઠેલા અમેરિકાએ વેપાર ક્ષેત્રે નમતુ જોખ્યું છે. આંતરરાષ્ટ્રીય વેપાર મામલે પ્રતિબંધનો પાવર બતાવતા અમેરિકાની મહાનતા કહો કે પછી વિદેશી કુટનીતિ. પરંતુ હાલ પુરતી હકિકત એટલી છે કે રક્ષા ક્ષેત્રે થનારી ડિલ પરથી પ્રતિબંધ હટાવી લિધો છે. એટલે હવે જે ભારત અને રશિયા થનારી મિસાઇલ ડીલ પર અમેરિકા કોઇ જ અડચણ ઉભી નહી કરે.
ભારત અને રશિયા વચ્ચે S-400 મિસાઇલ ડીલ થવાની છે. આ પાંચ મિસાઇલ ખરીદવા માટે સરકાર 39 હજાર કરોડ રૂપિયા ખર્ચશે. પરંતુ તેના બદલે મળનારી મિસાઇલ દેશની સુરક્ષા ક્ષેત્રે મહત્વનો ફાળો આપશે. S-400 મિસાઇલ 400 કિલોમીટર દૂર અને 30 કિલોમીટર ઉંચાઇએ આવેલા ટાર્ગેટના ગણતરીની ક્ષણોમાં જ ધ્વસ્ત કરી શકે છે. પછી ભલેને તે હેલિકેપ્ટર ફાઇટર પ્લેન ડ્રોન કે પછી અન્ય કોઇ મિસાઇલ હોય. તેના રસ્તામાં જે આવ્યું તેનું અસ્તીત્વ કાયમ માટે મીટાવી દેવાની ક્ષમતા S-400 મિસાઇલ પાસે છે.
પ્રાથમિક ધોરણે જ તેની રડારની ક્ષમતા 600 કિલોમીટર સુધીની છે. આટલું જ નહીં ચાર પ્રકારની એક જ સમયે મિસાઇલ અલગ અલગ રેન્જના ટાર્ગેટને ટ્રેક કરી શકે છે. આટલી બધી ખાસીયત હોવાના કારણે ચીને પણ રશિયા પાસેથી આવી 6 મિસાઇલ ખરીદી છે. જેના કરાર વર્ષ 2014માં થયા હતા. ભારત અને રશિયા વચ્ચે આ મિસાઇલ મામલે ઓક્ટોબર 2015થી વાત ચાલી રહી છે. પરંતુ વિવિધ કારણોના કારણે ડીલને આખરી ઓપ નથી આપી શકાયો.
થોડા સમય પહેલા જ રશિયા અને અમેરિકા વચ્ચે વિવાદ ચરમસીમાએ પહોંચ્યો હતો. તો ડોનાલ્ડ ટ્રમ્પે રશિયા પર વેપાર ક્ષેત્રે પ્રતિબંધ લગાવી દિધા. એટલે જો ભારત રશિયા સાથે મિસાઇલ ડીલ કરે તો અમેરિકાના વિરોધનો સામનો કરવો પડે તેમ હતો. પરંતુ હવે આ સંભાવના પર કાયમી પૂર્ણ વિરામ લાગી ગયું છે.