ખેતરમાં અનાજ, શાકભાજી સાથે, અફિણના ગાંજાનું વાવેતર નવું નથી પણ ગુજરાતમાં અવાર નવાર અફિણ, ગાંજાના ખેતર પકડાઈ રહ્યા છે. ભાવનગર વરતેજ નજીકના સોડવદરા ગામેથી ગાંજાનું વાવેતર ઝડપાયું છે.
શાકભાજીની આડમાં ગાંજાનું વાવેતર ભાવનગરમાં સામાન્ય વાત
ઘોઘા તાલુકમાં રૂા. 4.34 લાખનો 72.450 કિલો ગાંજો ઝડપાયો હતો
ભાવનગર એસઓજીનું ઓપરેશન
ભાવનગર SOG એ એક ઓપરેશન હાથ ધરીને આ ખેતરને ઝડપી પાડ્યુ હતુ. અરવિંદ ઉર્ફે અન્નો નામનો શખ્સ આ મામલે ગિરફ્તાર થયો હતો. જો કે ભાવનગરમાં ખેતીની આડમાં ગાંજાનું વાવેતર એ નવાઈની વાત નથી. અવારનવાર ભાવનગરમાંથી ગાંજાના વાવેતરના ખેતરો, વાડીઓ કે છોડ પકડાઈ આવે છે.
ઘોઘા તાલુકમાં 72.450 કિલો ગાંજો ઝડપાયો હતો
અગાઉ પણ ભાવનગરના ઘોઘા તાલુકાના રામપર ગોરીયાળી ગામની સીમમાંથી પોલીસે 72.450 કિલો ગાંજાના જથ્થા સાથે લાલજી મોહનભાઇ ચૌહાણ નામના શખ્સને ઝડપી પાડ્યો હતો. ખેતરમાં ગાંજાનું વાવેતર કરી વેચાણની ફિરાકમાં હતો તે પૂર્વે જ પોલીસના હાથે ઝડપાઇ ગયો હતો.
લાલજી પોતાની ગોરીયાણી ગામે આવેલી સોનારી નામે ઓળખાતી વાડીએ કપાસ, એરંડા તથા મરચીના વાવેતર વચ્ચે ગાંજાના છોડનું વાવેતર કર્યું હતું. હાલ ગાંજાના છોડ વાઢી (કાપી)ને સુકવણી કરવા વાડીએ રાખ્યા હતા. બાતમીના આધારે રેડ કરતા લાલજીના ઘરમાં રાખેલા 72. 450 કિલો ગાંજો કિંમત 4.34 લાખનો જથ્થો કબ્જે કર્યો હતો. આરોપી સામે NDPS એક્ટ તળે કાયદેસરની કાર્યવાહી કરી ઘોઘા પોલીસ સ્ટેશનમાં ગુન્હો રજીસ્ટર કરાવામાં આવ્યો છે.
બોરતળાવમાં પડાયો હતુ ગાંજાનું વાવેતર
ભાવનગર શહેરના બોરતળાવ વિસ્તારમાં આવેલ મફતનગરમાં રહેતા એક શખ્સએ તેના પ્લોટમાં ઉગાડેલ શાકભાજીના છોડની વચ્ચે ગાંજાનું વાવેતર કર્યું હોવાની બાતમીના આધારે SOG પોલીસે રેડ કરી ગાંજો સાથે આરોપીને ઝડપી પાડ્યો હતો.
બોરતળાવ મફતનગરમાં રામાપીરના ચોક પાસે પ્લોટ ધરાવતા રામજી ઉર્ફે રામદાસ જેસીંગભાઈ પરમારને SOG પોલીસે બાતમીના આધારે રેડ પાડતા આરોપીએ શાકભાજીના છોડની આડમાં ગાંજાનું વાવેતર કર્યું હતું. પોલીસે રૂા.28,210ની કિંમતના ગાંજાના સો જેટલા છોડ અને 290 ગ્રામ જેટલો સુકો ગાંજો કબજે કર્યો હતો. પોલીસે આરોપીની ધરપકડ કરી હતી.