ભાવનગર પોલીસે બાતમીના આધારે 2 વાહન ચોરને દબોચી લીધા

ભાવનગરના પોલીસ અધિક્ષક પી.એલ.માલેના આદેશ મુજબ હાથ ધરવામાં આવેલ ગુનાહિત પ્રવૃત્તિને અટકાવવાની ઝુંબેશના ભાગ રૂપે શહેરની એસ.ઓ.જી.શાખાના સ્ટાફ દ્વારા ભાવેણા ખાતે સતત પેટ્રોલીંગ કરવામાં આવી રહ્યું છે ત્યારે મળેલ એક ખાસ બાતમીને આધારે હલુરીયા ચોક પાસે રાજગોર બ્રાહ્મણ જ્ઞાતિના વાડી વાળા ખાંચા પાસેથી બે શંકાસ્પદ લોકો સાથે હિરો હોન્ડા કંપનીના મોટર સાયકલ તથા ટ્રકની 2 બેટરીઓ સાથે દબોચી લીધા હતા.

આ મોટરસાયકલ તથા ટ્રકની બેટરી અંગે પુછપરછ કરવામાં આવતા બંને લોકોએ સર.ટી. હોસ્પીટલની કેન્ટીંગ પાસેથી તથા એક મોટર સાયકલ કાલે બપોરે મોતીબાગ રોડ ઉપરથી ચોરી કરેલ હોવાનું કબુલી લીધુ હતુ. તેમજ બેટરીઓ રાત્રીના જુના બંદરરોડ મોહન ગેરેજ પાસે રોડ ઉપર પડેલ ટ્રકમાંથી ચોરી કરેલ હોવાની કબુલાત આપેલ છે.બાઇકની ચોરી અંગે ભાવનગર પોલીસ મથકમાં ફરિયાદ નોંધાયેલ છે.

ઉલ્લેખનીય છે કે આ બંન્ને આરોપીઓ પાસેથી કુલ રૂપિયા ૩૮ ૦૦૦/- નો મુદ્દામાલ કબ્જે કરી આરોપીઓની ધરપકડ કરી ગંગાજળીયા પોલીસ સ્ટેશનમાં સોંપી આપેલ છે. આમ એસ.ઓ.જી. પોલીસે ભાવનગર શહેરમાંથી ચોરી થયેલ બે મો.સા. તથા ટ્રકની બે બેટરીઓ સાથે બે ઇસમોને ઝડપી બે વાહનચોરીનો ભેદ ઉકેલ્યો હતો