Bharat Vs India / ભારત કે ઈન્ડિયા? દેશના નામ પર વિવાદ વચ્ચે UNનું મોટું નિવેદન, તુર્કીયેનું ઉદાહરણ આપીને જુઓ શું કહ્યું

• ઈન્ડિયા Vs ભારત પર UNએ આપ્યું નિવેદન 
• સંસદના ખાસ સત્ર પહેલા થઈ રહી છે તેની ચર્ચા 
• નામને લઈને થઈ રહ્યા છે રાજનૈતિક વિવાદ 

ઈન્ડિયાનું નામ બદલીને ભારત કરવાની સંભવિત અફવાઓની વચ્ચે સંયુક્ત રાષ્ટ્રના એક અધિકારીએ બુધવારે કહ્યું કે યુનાઈટેડ નેશનને જ્યારે પણ દેશોનું નામ બદલવાની રિક્વેસ્ટ મળે છે તો તે તેના પર વિચાર કરે છે. UN મહાસચિવ એન્ટોનિયો ગુટેરેસના ઉપ પ્રવક્તા ફરહાન હકે તુર્કીનું નામ બદલીને તુર્કેય કરી ઉદાહરણ પણ આપ્યું. 

રિપોર્ટ અનુસાર ફરહાને કહ્યું, "તુર્કિયેના મામલામાં અમે સરકારની તરફથી અમને મોકવામાં આવેલા ઔપચારિક અનુરોધનો જવાબ આપ્યો હતો. મહત્વનું છે કે જો અમને આ પ્રકારની રિક્વેસ્ટ મળે છે તો અમે તેના પર વિચાર કરીએ છીએ." તેમણે આ વાત એ સવાલના જવાબમાં કહી જ્યારે તેમને પુછવામાં આવ્યું હતું કે ઈન્ડિયાનું નામ બદલીને ભારત કરવામાં આવી શકે છે? 

શું છે મામલો? 
હકીકતે જી-20 શિખર સન્મેલનના રાત્રિભોજન નિમંત્રણમાં રાષ્ટ્રપતિ દ્રૌપદી મુર્મૂને પ્રેસિડેન્ટ ઓફ ઈન્ડિયાની જગ્યા પર પ્રેસિડેન્ટ ઓફ ભારત કહ્યા બાદ મંગળવારે રાજનૈતિક વિવાદ ઉભો થયો હતો. તેના બાગ અટકળો લગાવવામાં આવી રહી હતી કે ભારત સરકાર દેશનું નામ બદલશે. આ સવાલ ત્યારે સામે આવ્યો જ્યારે સંસદનું ખાસ સત્ર પણ શરૂ થવાનું છે અને તેના એજન્ડાનો ખુલાસો નથી થયો. એવામાં અફવાહો ઉડી રહી છે કે આ સત્રમાં નામમાં ફેરફારને લઈને ચર્ચા થઈ શકે છે. 

PM મોદીએ આપી આ સલાહ 
જોકે પ્રધાનમંત્રી નરેન્દ્ર મોદીએ બુધવારે પોતાના મંત્રિમંડળ સહયોગીઓને 'ભારત' નામના મુદ્રા પર રાજનૈતિક વિવાદથી બચવાની સલાહ આપી છે. રિપોર્ટ અનુસાર ઈન્ડિયાનું નામ બદલીને ભારત કરવા માટે ફક્ત સંવિધાનમાં સંશોધનની જરૂર છે. જેને સંસદના બન્ને સદનોમાં બે તૃત્યાંસ બહુમતીથી પાસ કરવું પડશે.