મહામારી / શું કોવેક્સિનને ઈમરજન્સી ઉપયોગની WHOની મંજૂરી મળશે ? જુઓ ભારત બાયોટેકે કેન્દ્ર સરકારને શું જવાબ આપ્યો

• ભારત બાયોટેકે WHO પાસે માંગી કૌવેક્સિનની ઈમરજન્સી મંજૂરી
• કૌવેક્સિન ભારત બાયોટેકની વેક્સિન 
• ભારતમાં તો કૌવેક્સિન ચાલી રહી છે
• વિદેશમાં વેક્સિન પહોંચતી કરવા કંપનીએ માંગી મંજૂરી 

ભારત બાયોટેકે મંગળવારે આ માહિતી શેર કરતા જણાવ્યું કે કંપનીએ વર્લ્ડ હેલ્થ ઓર્ગેનાઈઝેશન પાસે ઈમરજન્સી લિસ્ટિગ અપ્રુવલની મંજૂરી માંગી છે જે તેને ચાલુ વર્ષના જુલાઈ કે સપ્ટેમ્બર સુધીમાં મળી શકે તેવી કંપનીને આશા છે. ભારત બાયોટેકની કોવેક્સિનને સૌથી પહેલા ભારતમાં ઉપયોગની મંજૂરી મળી હતી. 

ભારત બાયોટેકે વર્લ્ડ હેલ્થ ઓર્ગેનાઈઝેશનની ઈમરજન્સી મંજૂરી માંગી હતી

પરંતુ દુનિયાના દેશો સુધી વેક્સિન પહોંચતી કરવા ભારત બાયોટેકે વર્લ્ડ હેલ્થ ઓર્ગેનાઈઝેશનની ઈમરજન્સી મંજૂરી માંગી હતી જેથી કરીને કેનેડા, અમેરિકા, બ્રિટન સહિતના બીજા દેશો કૌવેક્સિનનો ઉપયોગ કરી શકે. હાલમાં ફક્ત ભારતમાં જ ભારતીય બાયોટેકની વેક્સિન ચાલી રહી છે. વર્લ્ડ હેલ્થ ઓર્ગેનાઈઝેશ મંજૂરી આપે તો ભારત બાયોટેકની આ વેક્સિન વિદેશ જઈ શકે છે. 

60 દેશોમાં કૌવેક્સિનની નિયમનકારી મંજૂરી પ્રોસેસમાં

ભારત બાયોટેકે જણાવ્યું કે અમેરિકા, બ્રાઝિલ અને હંગેરી સહિત કુલ 60 દેશોમાં કૌવેક્સિનની નિયમનકારી મંજૂરી પ્રોસેસમાં છે. કંપનીએ જણાવ્યું કે મોટાભાગના દેશો બહારથી આવતા પ્રવાસીઓ કોરોનાની વેક્સિન લઈને આવે તેવી ભલામણ કરતા હોય છે. વેક્સિન ન લેનાર લોકોએ RT-PCR ટેસ્ટ સાથે રાખવો પડતો હોય છે. 

કંપનીએ WHO ને 90 ટકા દસ્તાવેજો જમા કરાવી દીધા

કંપનીએ કેન્દ્ર સરકારને જાણ કરી છે કે કંપનીએ WHO ને 90 ટકા દસ્તાવેજો જમા કરાવી દીધા છે. જુન સુધીમાં બાકીના દસ્તાવેજો જમા કરાવી દેવામાં આવશે.