રાણા દગ્ગુબતી / મંદિરમાં સેલ્ફી લેવા માટે આવેલ ફેન પર ભડક્યા ભલ્લાલદેવ, ફોન છીનવી કહ્યું એવું કે વાયરલ થયો VIDEO

• 'બાહુબલી' ફિલ્મથી રાણા દગ્ગુબતીની ઘણી મોટી ફેન ફોલોઇંગ છે
• તિરૂપતિ મંદિર પંહોચ્યાં હતા એક્ટર 
• સેલ્ફી લેવા આવેલ ફેનનો ફોન ખેંચી લીધો 

રાણા દગ્ગુબતી સાઉથ ઇન્ડસ્ટ્રીના જાણીતા અભિનેતા છે જેમને પ્રભાસની સુપરહિટ ફિલ્મ 'બાહુબલી' ફિલ્મના બંને ભાગમાં 'ભલ્લાલદેવ'નું પાત્ર ભજવીને ઘણી નામના મેળવી હતી. 'બાહુબલી' ફિલ્મથી રાણા દગ્ગુબતીની લોકપ્રિયતા ઘણી વધી ગઈ છે અને આજે એમની ઘણી મોટી ફેન ફોલોઇંગ છે. એવામાં હાલ સોશિયલ મીડિયા પર તેનો એક વીડિયો વાયરલ થઈ રહ્યો છે. આ વાયરલ વિડીયોમાં રાણા દગ્ગુબતી તેની સાથે સેલ્ફી લેવા આવેલા એક વ્યક્તિનો ફોન છીનવી લે છે એવું જોવા મળી રહ્યું છે. 

તિરૂપતિ મંદિર પંહોચ્યાં હતા એક્ટર 
 'બાહુબલી' ફિલ્મના 'ભલ્લાલદેવ' એટલે કે રાણા દગ્ગુબાતી તેની પત્ની મિહિકા બજાજ અને પિતા સાથે 'તિરુપતિ બાલાજી મંદિર' દર્શન કરવા માટે પહોંચ્યા હતા જ્યાં એમણે જોઈ તેમના ચાહકો તસવીર ખેંચવા લાગ્યા હતા અને એવામાં રાણા દગ્ગુબાતીએ દરેકને બાજુમાંથી ફોટો લેવા માટે કહ્યું હતું પણ તેનો એક ફેન સેલ્ફી લેવા માટે ત્યાં તેમની સામે દોડી આવ્યો હતો અને સેલ્ફી લેવા આગળ વધ્યો કે તરત જ એક્ટરે તેનો ફોન છીનવી લીધો હતો. જો કે એ પછી રાણા દગ્ગુબાતી તુરંત તેનો ફોન પાછો આપીને કહ્યું હતું કે "મંદિરમાં કોઈ સેલ્ફી ન લેવાઈ."

In a recently released clip, Actor @RanaDaggubati, who recently visited the #Tirupati temple along with wife #MiheekaBajaj & his father #DSureshBabu, snatched a fan’s mobile phone away after he approached the actor for a selfie #ranadaggubati #WATCH pic.twitter.com/8lxIPGiqly

— HT City (@htcity) September 19, 2022

લોકોએ આપ્યું આવું રીએક્શન 
હાલ સોશિયલ મીડિયા પર રાણા દગ્ગુબાતીનો આ વીડિયો ઘણો વાયરલ થઇ રહ્યો છે અને આના પર લોકો પોતાની અલગ-અલગ પ્રતિક્રિયાઓ આપી રહ્યા છે. આ વીડિયો પર કોમેન્ટ કરતાં એક યુઝરે લખ્યું હતું કે એક્ટરે આવું ન કરવું જોઈએ, તો અન્ય એક યુઝરે મજાક કરતા લખ્યું હતું કે, "બાહુબલી 3 માં નહીં આવી શકે એટલે ભલ્લાલદેવ ગુસ્સે થઈ ગયા." આ સિવાય રાણા  દગ્ગુબાતીના વર્ક ફ્રન્ટની વાત કરીએ તો તે આ વર્ષે જૂનમાં રિલીઝ થયેલ તેલુગુ ફિલ્મ 'વિરાટપર્વમ'માં જોવા મળ્યો હતો.