વખાણ / પ્લેનમાં મુસાફરની તબિયત બગડી તો પ્રોટોકોલ તોડીને કેન્દ્રીય મંત્રી બચાવ્યો મુસાફરનો જીવ, PM મોદીએ કર્યા વખાણ 

• કેન્દ્રીય મંત્રીએ પ્લેનમાં બેસેલા પેસેન્જરનો જીવ બચાવ્યો 
• મુસાફરનું બ્લડ પ્રેશર ઓછું હતું અને તેને સતત પરસેવો આવતો હતો
• મંત્રીએ મુસાફરને પ્રાથમિક સારવાર આપી અને તેનો જીવ બચાવ્યો.

Union Minister Dr Bhagwat Karad gave primary medical aid to a co-passenger on-board Delhi-Mumbai flight last night

"Patient was sweating profusely & had low BP. I removed his clothes, raised his legs, rubbed his chest & gave glucose. He felt better after 30 minutes," Karad says pic.twitter.com/xPrhADxZSG

— ANI (@ANI) November 16, 2021

કેન્દ્રીય મંત્રીએ પ્લેનમાં બેસેલા પેસેન્જરનો જીવ બચાવ્યો 

કહેવાય છે કે ભગવાન ધરતી પર ડૉક્ટરના રૂપમાં વસે છે... કેન્દ્રીય નાણા રાજ્ય મંત્રી ડૉ.ભગવત કરાડ દ્વારા આ વાત સાચી સાબિત થઈ. વાસ્તવમાં, સોમવારે ડો. ભાગવત કરાડ ઈન્ડિગોની ફ્લાઈટમાં દિલ્હીથી મુંબઈ જઈ રહ્યા હતા અને તેમની પાછળની સીટ પર બેસીને મુસાફરી કરી રહેલા એક મુસાફરની અચાનક તબિયત લથડી હતી. ક્રૂ મેમ્બર્સે મદદ માટે અપીલ કરી તે સાંભળીને કેન્દ્રીય મંત્રી ડૉ. કરાડએ એક ક્ષણ પણ બગાડ્યા વિના મુસાફરને પ્રાથમિક સારવાર આપી અને તેનો જીવ બચાવ્યો.

મુસાફરનું બ્લડ પ્રેશર ઓછું હતું અને તેને સતત પરસેવો આવતો હતો

પ્લેનમાં એક મુસાફર બીમાર પડ્યો છે તેવુ ક્રૂ મેમ્બર્સના એનાઉન્સમેન્ટ બાદ અને ડોક્ટર કરાડ તેની મદદ કરી રહ્યા છે. આ અંગે કરાડ કહે છે, 'મુસાફરનું બ્લડ પ્રેશર ઓછું હતું અને તેને સતત પરસેવો આવતો હતો. મેં તેના કપડાં કાઢી નાખ્યા અને તેના પગ સીધા કર્યા. આ પછી તેણે તેની છાતીમાં ઘસવાનું શરૂ કર્યું. તેને ગ્લુકોઝ પણ આપ્યું. લગભગ 30 મિનિટ પછી તે ઠીક થઈ ગયો. કેન્દ્રીય મંત્રી કરાડ પણ બાળરોગ નિષ્ણાત છે. તેણે પેસેન્જરને પ્રાથમિક સારવાર આપી. તેમના કામની વડાપ્રધાન નરેન્દ્ર મોદીએ પણ પ્રશંસા કરી છે.

મુસાફરે બ્લડ પ્રેશરની સમસ્યાને કારણે ચક્કર આવવાની ફરિયાદ કરી 

કેન્દ્રીય નાણા રાજ્ય મંત્રી કરાડના કાર્યાલય દ્વારા જાહેર કરાયેલા એક નિવેદનમાં કહેવામાં આવ્યું છે કે મુસાફરે બ્લડ પ્રેશરની સમસ્યાને કારણે ચક્કર આવવાની ફરિયાદ કરી હતી. તેની હાલત સારી ન હતી. આ પછી કરાડ મુસાફર પાસે પહોંચ્યો અને તેને પ્રાથમિક સારવાર આપી.  

A doctor at heart, always!

Great gesture by my colleague @DrBhagwatKarad. https://t.co/VJIr5WajMH

— Narendra Modi (@narendramodi) November 16, 2021

PM મોદીએ કેન્દ્રીય મંત્રીની ટ્વિટ કરીને પ્રશંસા કરી  

બીજી તરફ, વડા પ્રધાન નરેન્દ્ર મોદીએ મંગળવારે ફ્લાઇટ દરમિયાન બીમાર પડેલા સહ-યાત્રીને મદદ કરવા બદલ કેન્દ્રીય પ્રધાન ભાગવત કરાડની પ્રશંસા કરી હતી. પીએમ મોદીએ કહ્યું, 'હંમેશા હૃદયથી ડૉક્ટર, મારા સાથી દ્વારા કરવામાં આવ્યું અદ્ભુત કામ.'

કેન્દ્રીય મંત્રી કરાડે PM મોદીનો આભાર માન્યો 

કેન્દ્રીય મંત્રી કરાડે પણ PM મોદીનો આભાર માન્યો હતો. તેમણે લખ્યું કે, આભાર, માનનીય વડાપ્રધાન નરેન્દ્ર મોદીજી હું વિનમ્ર છું. અને મારી ફરજોમાં આપણા દેશ અને નાગરિકો પ્રત્યેની તમારી પ્રતિબદ્ધતા અને સમર્પણને પરિપૂર્ણ કરવા માટે આતુર છું. સેવા અને સમર્પણ દ્વારા લોકોની સેવા કરવા તમારા માર્ગદર્શનને અનુસરીએ છીએ. જય હિંદ