Punjab Election 2022 / પંજાબ ચૂંટણીમાં AAP નો મુખ્યમંત્રી પદનો ચહેરો નક્કી, જલ્દી થઈ શકે છે મોટી જાહેરાત

Punjab Election 2022

પંજાબમાં 2022 માં વિધાનસભાની ચૂંટણી છે અને તેની તૈયારીઓ થઈ રહી છે. 

પંજાબ વિધાન સભા ચૂંટણી 2022 માટે આમ આદમી પાર્ટીના મુખ્યમંત્રીના ઉમેદવારનું નામ હવે લગભગ નક્કી થઈ ગયું છે. 

ભગવંત માનના નામ પર મહોર
 ભગવંત માન હાલમાં પંજાબની સંગરુર લોકસભા સીટથી સાંસદ છે. પંજાબમાં ચૂંટણી પહેલા આમ આદમી પાર્ટી સતત પોતાનું સ્થાન બનાવવાનો પ્રયાસ કરી રહી છે. આ વખતે આપના જીતવાની શક્યતા પણ પ્રબળ દેખાઈ રહી છે. 

દિલ્હીના મુખ્યમંત્રી અરવિંદ કેજરીવાલે પોતે પંજાબમાં પાર્ટીના પ્રચાર માટે અનેક રેલીઓ કરી છે.

AAP ના મોટા ચૂંટણી વચનો 
નોંધનીય છે કે વિધાનસભા ચૂંટણીને ધ્યાનમાં રાખીને છેલ્લા એક વર્ષમાં આમ આદમી પાર્ટીએ દિલ્હીની વિકાસ ગાથાથી  આગળ વધીને ઘણા ચૂંટણી વચનો આપ્યા છે.

દિલ્હીના મુખ્યમંત્રી અરવિંદ કેજરીવાલે વચન આપ્યું હતું કે જો પંજાબમાં આમ આદમી પાર્ટીની સરકાર બનશે તો રાજ્યની 99 લાખ મહિલાઓના ખાતામાં દર મહિને 1000 રૂપિયા આપવામાં આવશે. આ મદદ વિધવા અને વૃદ્ધાવસ્થા પેન્શન ઉપરાંત આપવામાં આવશે. જો ઘરમાં ચાર મહિલાઓ હોય તો દરેકને 1000 રૂપિયા મળશે.

પોલના આધારે  દેખાઈ રહી છે શક્યતા 

અગાઉ ઓપીનિયન પોલમાં પંજાબમાં આમ આદમી પાર્ટી સારું પ્રદર્શન કરીને ચૂંટણી જીતતી દર્શાવાઈ રહી હતી માટે એક શક્યતા તો ઊભી થઈ છે કે આ વખતે AAM ADMI PARTY  પંજાબમાં સરકાર બનાવે અને તો ભગવંત માનને મુખ્યમંત્રી બનવા પણ મળી શકે છે.