RBIના નિયમ અનુસાર બેંકમાં પોતાની ફરિયાદ તમારે તમારી સાથે થયેલા ફ્રોડના 3 દિવસમાં નોંધાવવાની રહેશે. જો તમારી સાથે ફ્રોડ તમારી બેદરકારીના કારણે થયું છે તો પણ ખાતેદારને બેંક તરફથી રૂપિયા આપવામાં આવશે.
ડેબિટ કે ક્રેડિટ કાર્ડ સાથે ફ્રોડ થાય તો કરો આ કામ
આ રીતે બેંકમાં 3 દિવસમાં કરો ફરિયાદ
બેંક તમને તમારા રૂપિયા પરત આપશે
કોરોના સંકટમાં દેશમાં કેશલેસ ટ્રાન્ઝેક્શન ઝડપથી વધી રહ્યું છે. ટ્રાન્ઝેક્શનમાં ક્રેડિટ અને ડેબિટ કાર્ડનું ચલણ વધ્યું છે. તેમાં દગાખોરીનો વધારો થઈ રહ્યો છે. ડેબિટ અને ક્રેડિટ કાર્ડના દગાખોરીને કારણે ફ્રોડ કરનારા તમારું એકાઉન્ટ પણ ખાલી કરી શકે છે. તમારી સાથે પણ આવું થાય છે તો જાણો શું કરવું અને ક્યાં અને કેવી રીતે ફરિયાદ કરવી.
જો તમને પણ ડેબિટ અને ક્રેડિટ કાર્ડ સાથે લેનદેનને લઈને શંકા છે જે તમે નથી કર્યા તો તમે મોડું કર્યા વિના બેંકને ફરિયાદ કરો. બેંકે આ સુવિધા માટે અલગ અલગ નંબર જાહેર કર્યા છે. તેની પર કોલ કરીને તમે તેના લેનદેન અંગેની ફરિયાદ કરી શકો છો અને સાથે જ તમારા કાર્ડને પણ બ્લોક કરાવી શકો છો.
આ રીતે કરો ફરિયાદ
ક્રેડિટ કે ડેબિટ કાર્ડની સાથે ફ્રોડની ફરિયાદ કરવા માટે તમારી પાસે જાણકારી હોવી જરૂરી છે. સંબંધિત બેંકથી છેલ્લા 6 મહિનાનું બેંક સ્ટેટમેન્ટ લો. શંકાસ્પદ ટ્રાન્ઝેક્શન સંબંધિત પ્રાપ્ત એસએમએસની એક કોપી બનાવો. બેંકની પાસબુકની કોપી પણ સાથે રાખો. બેંકના રેકોર્ડ અનુસાર આઈડી પ્રૂફ, એડ્રેસ પ્રૂફની કોપી સાથે રાખો. આ દસ્તાવેજની સાથે નજીકના પોલીસ સ્ટેશન જાઓ અને અને ઘટનાની જાણ કરીને ફરિયાદ કરો.
બેંકથી આવેલો ફોન સાચો છે કે ખોટો તે આ રીતે જાણો
બેંક કે તેની તરફથી આવેલા ફોન ખાતેદારોને ગેરમાર્ગે દોરી શકે છે. જ્યારે પણ બેંક તરફથી કોઈ ફોન આવે તો ખાતેદારોએ કોઈ પણ પર્સનલ માહિતી, પાસવર્ડ, વન ટાઈમ એસએમએસ પાસવર્ડ માંગવામાં આવતો નથી. તેમાં ગ્રાહકના એકાઉન્ટથી ઈન્ટરનેટ બેંકિંગની મદદથી દગાખોરીથી રૂપિયા કાઢવા માટે આવી જાણકારી માંગવામાં આવે છે. આ પ્રકારના ફોનના ક્યારેય જવાબ ન આપો. જો કોઈ તમારી પાસે જાણકારી માંગી રહ્યું છે તો સમજો કે તે ફ્રોડ કોલ છે.
એપની મદદથી ફ્રોડની સ્થિતિમાં શુ કરશો
દગાખોરી કરવા કેટલાક ખોટા એપ્સ પણ કાર્યરત છે. સાથે કોઈ એપની મદદથી નાણાંકીય ફ્રોડ થાય છે તો તમે આ દસ્તાવેજની સાથે તેનો સ્ક્રીન શોટ લો. સાથે કોઈ જગ્યાએ તેને તમે ડાઉનલોડ કર્યું છે તો તેની જાણકારી અને સ્ક્રીન શોટ રાખો. આ પણ પોલીસને આપો. તેનાથી તેમને મદદ મળશે.
આ સિવાય ક્રેડિટ કે ડેબિટ કાર્ડની સાથે ફ્રોડથી બચવા માટે ફોન, એસએમએસ કે ઈમેલ પર માંગવામાં આવેલો વન ટાઈમ પાસવર્ડ, ક્રેડિટ કે કાર્ડ નંબર, કાર્ડનો સીવીવી નંબર, એક્સપાયરી ડેટ, સિક્યોરીટી પાસવર્ડ અને એટીએમ પિનની જાણકારી ન આપો.