ટ્રાવેલ / ક્રિસમસ અને ન્યૂ યરમાં આ જગ્યાએ ફરવા જવાનો પ્લાન બનાવો, પડી જશે મોજ

• આ ટૂરિસ્ટ પ્લેસ ન્યૂ યર સેલિબ્રેશન માટે છે બેસ્ટ
• થાઈલેન્ડ, દુબઈ, ગોવા જેવા સ્થળો છે ભારતીયોના હોટ ફેવરિટ
• ક્રિસમસ અને ન્યૂ યર બની જશે યાદગાર

કાબ્રી, થાઇલેન્ડ

થાઇલેન્ડમાં વેકેશન માણવા માટે કાબ્રી આઇલેન્ડ તમને ખૂબ જ પસંદ આવી શકે છે. તે 130 નિર્જન અને શાંત દ્રિપનો એક સમુહ છે, ત્યાંના સીન, પ્રાકૃતિક ગુફાઓ, સમુદ્ર તટ તમને જાણે સ્વર્ગનો અનુભવ કરાવશે. અહીં ઢળતો સૂરજ ખૂબ જ સુંદર દેખાય છે.

કેપટાઉન, સાઉથ આફ્રિકા

સાઉથ આફ્રિકાનું સ્થળ કેપટાઉન, ફરવાનો શોખ ધરાવતા ઘણા લોકોનું ફેવરિટ ડેસ્ટિનેશન છે. કેપટાઉન તેના સુંદર બીચ અને પોતાની સંસ્કૃતિ માટે ટ્રાવેલર્સની વચ્ચે ખાસું લોકપ્રિય છે. આઇકોનિક ટેબલ માઉન્ટેનથી ઘેરાયેલું કેપટાઉન અને મિશ્ર સંસ્કૃતિ અહીં જોવા મળશે.

માલદીવ

રજાઓ ગાળવા માટે માલદીવ ભારતીયોનું મોસ્ટ પ્રીફર્ડ ડેસ્ટિનેશન છે. તે એક પરફેક્ટ રોમેન્ટિક ડ્રીમ આઇલેન્ડ ડેસ્ટિનેશન છે, જે તેના બીચની સુંદરતા માટે જાણીતું છે. માલદીવના બીચ પર તમને સ્વચ્છ અને ક્રિસ્ટલ ક્લિયર સમુદ્રનું પાણી જોવા મળશે. સાથે અહીં સનસેટ જોવો પણ સુંદર અને રોમાંચક અનુભવ થાય છે.

ગોવા, ભારત

દેશના સૌથી ફેવરિટ ડેસ્ટિનેશનમાં ગોવા હંમેશા ટોપ પર રહ્યું છે. દેશ-વિદેશથી ભારે સંખ્યામાં અહીં સહેલાણીઓ બીચ લાઇફની મજા માણવા આવે છે. ડિસેમ્બરમાં ગોવામાં સહેલાણીઓની સંખ્યા ખૂબ વધી જાય છે. કેમકે તે સમયે મોસમ ખૂબ જ સારો હોય છે. ક્રિસમસ ન્યૂ યરની અહીં ભવ્ય પાર્ટીઓ થાય છે. 

બાલી, ઈન્ડોનેશિયા

ઈન્ડોનેશિયાનું સૌથી પ્રસિદ્ધ શહેર બાલી એક ટુરિસ્ટ ડેસ્ટીનેશન પણ છે. તે પોતાના જ્વાળામુખીવાળા પહાડ, ચોખાના ખેતરો, બીચ અને અંડર વોટર કોરલ રીફ માટે દુનિયાભરમાં લોકપ્રિય છે. અહીં મોટી સંખ્યામાં મંદિરો પણ પ્રવાસીઓને આકર્ષિત કરે છે. બજેટ પ્રમાણે પણ આ ખૂબ સસ્તું શહેર છે. 

મોરેશિયસ

મોરેશિયસ પણ ભારતીયોના પસંદગીના ટુરિસ્ટ સ્પોર્ટ્સમાંથી એક છે. અહીં તમારા માટે સ્કુબા ડાઇવિંગ, રેનફોરેસ્ટ્સ, ડીપ સી ફિશિંગ અને વાઇલ્ડલાઇફ જેવા અન્ય શાનદાર વિકલ્પ પણ ઉપલબ્ધ છે. અહીંના પેકેજ 50,000 રૂપિયાથી શરૂ થાય છે. 

મિયામી, ફ્લોરિડા

અમેરિકી રાજ્ય ફ્લોરિડાનું મિયામી પોતાની રોમાંચક નાઇટલાઇફ માટે જાણીતું છે. તે પોતાના સુંદર બીચ માટે પણ પ્રખ્યાત છે. અહીં તમે બીચ પાર્ટી ઉપરાંત ડાન્સ, મ્યુઝિક અને ડ્રિંકની મજા લઇ શકો છો. અહીં આવવાનો સૌથી સારો સમય નવેમ્બરથી એપ્રિલની વચ્ચે હોય છે.

દુબઇ

દુબઇ પણ ભારતીયો માટેનું ફેવરિય ટુરિસ્ટ સ્પોટ છે. ખાસ કરીને યંગ ઇડિયન્સના વિશ લિસ્ટમાં દુબઇનુ નામ જરુર આવે છે. દુબઇ ફરવાનો પ્લાન હંમેશા વિન્ટર સીઝનમાં બનાવવો જોઇએ. કેમકે આ સમયે દુબઇની સીઝન પર્યટન માટે સારી છે. 

સિડની, ઓસ્ટ્રેલિયા

સિડની ઓસ્ટ્રેલિયાનુ સૌથી મોટુ અને સૌથી જુનુ શહેર છે. ન્યુ સાઉથ વેલ્સનું સૌથી સુંદર માનવામાં આવતુ આ શહેર આધુનિક વાસ્તુકળા અને શહેરી વિકાસનું પ્રતિક છે. સાથે તે બ્રાઉન સેન્ડના સુંદર બીચ, સુંદર વાતાવરણ અને ડાર્લિંગ હાર્બર માટે પણ પ્રસિદ્ધ છે. ડિસેમ્બરમાં અહીંના બીચ પર ક્રિસમસ પાર્ટીનુ આયોજન થાય છે. 

સ્પેન, યુરોપ

દક્ષિણી યુરોપના સૌથી સુંદર દેશોમાંથી એક સ્પેન પોતાના કલ્ચર, આર્કિટેક્ચર, ફૂડ અને ડ્રિંક્સની સાથે ફેસ્ટિવલ્સ અને બીચ માટે પણ ફેમસ છે. સાથે અહીંની નાઇટ લાઇફ પણ ફેમસ છે. સ્પેનમાં સ્થિત ભૂ-મધ્ય સાગર અને એટલાન્ટીક ઓસનના સેન્ડી બીચ ઉત્તરી યુરોપની સાથે દુનિયાભરના ટુરિસ્ટ્સને દાયકાઓથી પોતાની તરફ આકર્ષે છે. 

આલેખનઃ ભૂમિકા ત્રિવેદી