ચેતજો / ફ્લિપકાર્ટ પર ઓર્ડર કર્યો 93,900 રૂપિયાનો iPhone 11 Pro અને ગ્રાહકને મળ્યું કંઈક આવું કે તે ચોંકી ગયો

• ઈ-કોમર્સ કંપની ફ્લિપકાર્ટે કર્યો ફ્રોડ
• ગ્રાહકને iPhone 11 Pro બદલે મોકલાવ્યો ફેક ફોન
• આ પહેલાં પણ ઘણાં ગ્રાહકો ઠગાઈ ચૂક્યા છે

બેંગલુરુમાં રહેતા એક વ્યક્તિએ ઈ-કોમર્સ વેબસાઈટ Flipkart પર iPhone 11 Pro ઓર્ડર કર્યો હતો. ઈન્ટરનેશનલ બિઝનેસ ટાઈમ્સની એક રિપોર્ટ મુજબ, બેંગલુરુના એક એન્જિનિયર રજનીકાંત કુશવાહાએ ફ્લિપકાર્ટ પરથી 64 જીબી સ્ટોરેજવાળો iPhone 11 Pro ઓર્ડર કર્યો હતો. જેના માટે તેણે 93,900 રૂપિયા આપ્યા હતા. 

રિપોર્ટ મુજબ, જ્યારે રજનીકાંત કુશવાહાએ ફ્લિપકાર્ટ પર ઓર્ડર કરેલો iPhone 11 Pro મળ્યો ત્યારે ફોનને જોઈને તે ચોંકી ગયો, કારણ કે ફ્લિપકાર્ટે તેને નકલી આઈફોન મોકલ્યો હતો. ફોનના બેક પેનલ પર ટ્રિપલ કેમેરાનો સ્ટિકર લાગેલો હતો. 

બોક્સ ઓપન કર્યું ત્યારે પહેલી નજરમાં તે iPhone 11 Pro જેવો જ લાગ્યો પરંતુ જ્યારે તેણે ધ્યાનથી ફોન જોયો ત્યારે સમજાયું કે કેમેરા મોડ્યૂલની પાસે એક ફેક મોડ્યૂલ ચોંટાડેલું હતું. એક રિપોર્ટમાં રજનીકાંતે જણાવ્યું કે, ફોનને ઓન કર્યા પછી ખબર પડી કે ફોનમાં એપ્પલનું iOS સોફ્ટવેર નથી. તેમાં એન્ડ્રોઈડ સ્માર્ટફોન જેવા ફીચર્સ આપેલા હતા.