લોકો ડોક્ટર્સને ભગવાનની ઉપાધી આપે છે, કેમ કે દર્દીને યોગ્ય સમયે સારવાર આપીને તેને મોતના મુખમાં જતા જો કોઈ બચાવી શકે છે તો તે છે ડોક્ટર.
બેંગલુરુમાં હાલ ભારે વરસાદના કારણે અનેક જગ્યાએ પાણી ભરાયેલા છે
કેટલાય રસ્તા પર હાલમાં પણ ટ્રાફિક જામ થાય છે
આ ટ્રાફિક જામમાં એક ડોક્ટર ફસાઈ જતાં, કાર છોડી હોસ્પિટલ તરફ ભાગવા લાગ્યા હતા
બેંગલુરુ હાલમાં ખૂબ ચર્ચામાં છે. ભારતની સિલિકોન વેલી કહેવાતા આ શહેરમાં હાલના દિવસોમાં ભારે વરસાદ થયો છે. તેના કારણે કેટલાય વિસ્તારોમાં પાણી ભરાયા છે. પાણી એટલા ભરાયા હતા કેસ લોકોને હોડી પર સવાર થઈ જવું પડતું હતું. કેટલાય ઘરોમાં અંદર સુધી પાણી ભરાયેલા હતા. જો કે, હવે થોડી સ્થિતિ સુધરી છે. પણ હજૂ પણ બેંગલુરુના અમુક વિસ્તારોમાં પાણી ભરાયેલા જોવા મળી રહ્યા છે. આવો જ નજારો 30 ઓગસ્ટના રોજ જોવા મળ્યો હતો. પણ તે દિવસે એક ડોક્ટરે જે કર્યું તે જોવા જેવું હતું.
હકીકતમાં બેંગલુરુની મણિપાલ હોસ્પિટલમાં ડોક્ટર ગોવિંદ નંદકુમાર ગેસ્ટ્રોએન્ટ્રોલોજીના સર્જન છે. તેમને 30 ઓગસ્ટના રોજ એક મહિલા દર્દીની ઈમરજન્સી લેપ્રોસ્કોપિક ગલોબ્લેડર સર્જરી કરવાની હતી. તેઓ ઘરેથી તો સમયસર નિકળ્યા, તેમની ટીમે હોસ્પિટલમાં પુરી તૈયારી કરી લીધી હતી. પણ રસ્તામાં તેમને લાંબા ટ્રાફિક જામનો સામનો કરવો પડ્યો. આ જામ સરજાપુર-મારાથલ્લીની વચ્ચે હતો.
આ જામમાં ફસાવવાના કારણે ઘણો બધો સમય ત્યાં જ વેડફાઈ ગયો. તેમને દર્દીનું ઓપરેશન નિશ્ચિત સમયે કરવાનું હતું, કારણ કે જો તેમા મોડુ થઈ જાય તો, દર્દીની તબિયત અને હાલત બગડી શકે. તેથી આગળ જતાં મોટુ તકલીફ આવી શકે છે. આ બધી વાતોને લઈને ડોક્ટર ખૂબ જ ચિંતિત હતા. પણ જામમાં ફસાયેલા હોવાના કારણે તેઓ કંઈ કરી શકતા નહોતા. બાદમાં તેમણે પોતાની કાર ટ્રાફિક જામમાં છોડી અને હોસ્પિટલ બાજૂ દોડવા લાગ્યા.
ટ્રાફિક જામમાં કાર છોડી દોડવા લાગ્યા
ડોક્ટર ગોવિંદે લગભગ 3 કિમી સુધી દોડતા હોસ્પિટલે પહોંચ્યા. તેમણે કહ્યું કે, હું દરરોજ બેંગલુરુના સરજાપુરની મણિપાલ હોસ્પિટલમાં જાવ છું. તે દક્ષિણ પૂર્વી બેંગલુરુમાં રહે છએ. હું સમયસર ઘરેથી નિકળ્યો હતો, જેથી દર્દીની સર્જરી કરી શકું. મારી ટીમે ઓપરેશન માટે તમામ તૈયારી કરી રાખી હતી. તેઓ મારી રાહ જોઈ રહ્યા હતા. પણ રસ્તામાં લાંબો ટ્રાફિક જામ નડી ગયો. હું મારી કાર છોડીને ભાગી નિકળ્યો. કારમાં ડ્રાઈવર હતો. મેં કંઈ વિચાર વગર હોસ્પિટલ બાજૂ દોડવાનું શરુ કરી દીધું.
સમયસર દર્દીનું ઓપરેશન થયું
ડોક્ટર ગોવિંદની ટીમે ઓપરેશન માટે અગાઉથી તૈયારી કરી રાખી હતી. ડોક્ટર સમય પર હોસ્પિટલમાં પહોંચી ગયા. જેવા ડોક્ટર ઓપરેશન થિયેટરમાં અંદર ઘુસ્યા તો, ટીમે દર્દીને બેભાન કરવા માટે એનસ્થિસિયા આપી દીધું હતું. ડોક્ટરે સમયસર દર્દીનું ઓપરેશન કર્યું, તેમનું ઓપરેશન સફળ રહ્યું અને તેમને સમયસર હોસ્પિટલમાં રજા પણ આપી દેવાઈ. આ મહિલાએ ઘણા સમયથી બ્લેડરની સમસ્યાથી પિડાઈ રહી હતી.