IPLIN
 
  • Home
  • India
  • bengal bjp protest march against tmc govt

હિંસક પ્રદર્શન / બંગાળમાં ફરી બબાલ: હિંસક બનેલ ભીડે કરી આગચંપી અને પથ્થરમારો, દિગ્ગજ નેતાઓની અટકાયત

Team VTV 05:10 PM, 13 Sep 22
Follow us
bengal bjp protest march against tmc govt

પશ્ચિમ બંગાળમાં ભાજપની માર્ચ દરમિયાન ભારે હોબાળો થયો હતો. કેટલીય જગ્યા પર પોલીસે અને ભાજપના કાર્યકર્તા વચ્ચે ઘર્ષણ થયા હતા.

  • પશ્ચિમ બંગાળમાં ભાજપે મમતા સરકાર વિરુદ્ધ હલ્લાબોલ કર્યું
  • રસ્તા પર ભાજપ અને ટીએમસીના કાર્યકર્તા વચ્ચે બઘડાટી બોલી
  • વિરોધને જોતા ભારે સંખ્યામાં પોલીસ તૈનાત, ટીયર ગેસના સેલ છોડ્યા

પશ્ચિમ બંગાળમાં ભાજપની માર્ચ દરમિયાન ભારે હોબાળો થયો હતો. કેટલીય જગ્યા પર પોલીસે અને ભાજપના કાર્યકર્તા વચ્ચે ઘર્ષણ થયા હતા. પોલીસે માર્ચ કાઢીને વિપક્ષના નેતા શુભેન્દુ અધિકારી, સાંસદ લોકેટ ચેટર્જી અને રાહુલ સિન્હા સહિતના નેતાઓ અને કાર્યકર્તાઓની અટકાયત કરી હતી. તેમને કલકત્તાની લાલબજારમાં આવેલ પોલીસ હેડક્વાર્ટર સાથે લઈ જવામા આવ્યા હતા. 

કેટલીય જગ્યા પર ભાજપ અને ટીએમસીના કાર્યકર્તાઓ વચ્ચે ઝપાઝપી થઈ હતી. અમુક જગ્યાએ આગના ફોટો પણ સામે આવ્યા છે. મોટી બજાર પાસે આવેલી પોલીસ ચોકીમાં ગાડીઓને આગ લગાવી દીધી છે. પ્રદર્શનકારીઓને હટાવવા માટે પોલીસે ટીયર ગેસને સેલ પણ છોડ્યા હતા. 

હકકીતમાં ભાજપે મંગળવારે કલકત્તામાં સચિવાલય સુધી માર્ચ બોલાવી હતી. તે અંતર્ગત રાજ્યભરમાંથી ભાજપના તમામ નેતાઓ અને કાર્યકર્તાઓ કલકત્તા અને હાવડા પહોંચ્યા હતા. ભાજપે આ માર્ચ મમતા સરકાર વિરુદ્ધ કથિત ભ્રષ્ટાચાર મામલાને લઈને બોલાવી હતી. માર્ચને જોતા મોટી સંખ્યામાં પોલીસ ફોર્સ તેનાત કરવી પડી હતી. 

પોલીસે હાવડાથી સચિવાલય તરફથી તમામ રસ્તા પર બેરીકેડિંગ લગાવી દીધી હતી. આ બાજૂ ઈસ્ટ મિદનાપુરમાં ભાજપ અને ટીએમસી કાર્યકર્તા વચ્ચે ઝપાઝપી થઈ હતી. તો વળી તામલુકમાં પણ ભાજપ કાર્યકર્તાની ટીએમસી કાર્યકર્તા સાથે બોલાચાલી થઈ હતી. માર્ચમાં સામેલ થવા માટે ભાજપના કાર્યકર્તાઓને લઈને કલકત્તા જઈ રહેલી બસને ઉત્તર 24 પરગણામાં પોલીસે રોકી લીધી હતી. 

Bengal BJP bengal bjp protest West Bengal protest suvendu adhikari
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ