યજમાન ઈંગ્લેન્ડે વિન્ડીઝ સામે સાઉથમ્પ્ટન ખાતે રમાયેલી પ્રથમ ટેસ્ટ મેચની હારનો બદલો લઈ લીધો છે. ઈંગ્લેન્ડે બીજી ટેસ્ટ 113 રનથી જીતી લીધી છે. માન્ચેસ્ટરના ઓલ્ડટ્રેફોર્ડમાં ગઈ કાલે મેચના અંતિમ દિવસે 312 રનના લક્ષ્યનો પીછો કરવા ઊતરેલી વિન્ડીઝની ટીમ 198 રનમાં ઓલઆઉટ થઈ ગઈ હતી. આ જીત સાથે ઈંગ્લેન્ડે શ્રેણી 1-1થી સરભર કરી દીધી છે. શ્રેણીની અંતિમ અને ત્રીજી ટેસ્ટ મેચ માન્ચેસ્ટરમાં જ ૨૪ જુલાઈથી રમાશે. વિન્ડીઝ જો આ શ્રેણી ડ્રો કરી લે તો વિઝડન ટ્રોફી તેની પાસે રહેશે, કારણ કે ગત વર્ષે તેણે ઘરેલુ શ્રેણીમાં ઈંગ્લેન્ડને હરાવ્યું હતું.
બેન સ્ટોક્સે હિસાબ કર્યો ચૂકતે
વિન્ડિઝને કર્યુ ઘર ભેગુ
બેન સ્ટોક્સે કર્યુ શાનદાર પફોર્મન્સ
બેન સ્ટોક્સના ઓલરાઉન્ડ પ્રદર્શનથી વિન્ડીઝને 312 રનનું લક્ષ્ય મળ્યું હતું, જેના જવાબમાં વિન્ડીઝનો વાવટો 198 રનમાં સમેટાઈ ગયો હતો. શ્રેણીની પ્રથમ ટેસ્ટમાં કેપ્ટનશિપ કરવા ઊતરેલા બેન સ્ટોક્સને પરાજયનો સામનો કરવો પડ્યો હતો, જેનું સાટું બેન સ્ટોક્સે બીજી ટેસ્ટમાં વાળી દીધું હતું. પ્રથમ ઇનિંગ્સમાં સદી અને બીજી ઇનિંગ્સમાં ઓપનિંગમાં આવીને ઝડપી અડધી સદી ફટકારવા ઉપરાંત સ્ટોક્સે બોલિંગમાં પણ શાનદાર પ્રદર્શન કર્યું હતું.
આ ઓલરાઉન્ડ પ્રદર્શન બદલ સ્ટોક્સને મેન ઓફ ધ મેચ જાહેર કરાયો હતો. બીજી ઇનિંગ્સમાં વિન્ડિઝ તરફથી શામારા બ્રુક્સ અને જર્મેન બ્લેકવૂડની અડધી સદી એળે ગઈ હતી. કેપ્ટન જેસન હોલ્ડર રન બનાવીને આઉટ થયો હતો. આ પહેલા ઈંગ્લેન્ડે પોતાની બીજી ઈનિંગ ત્રણ વિકેટ પર 129 રન બનાવી ડિકલેર કરી હતી.