કહેવાય છે, પ્રેમ... જાતિ, ઉંચ-નીચ, અમીર-ગરીબી કશું જોતો નથી. હૃદયને સ્પર્શી જાય તેવી અનોખી પ્રેમ કહાની મધ્ય પ્રદેશના છિંદવાડા જિલ્લામાંથી સામે આવી છે. જ્યાં એક ભિખારી પત્ની સાથે પ્રેમનું કારણ ચર્ચાનો વિષય બન્યો છે.
હૃદયને સ્પર્શી જાય તેવી અનોખી પ્રેમ કહાની
ભિખારીએ પત્નીને મોપેડ ખરીદીને ભેટમાં આપ્યું
હવે બંને મોપેડ પર જ ભીખ માંગવા નિકળે છે
ભીખ માંગીને ગુજરાન ચલાવનારા સંતોષે મોપેડ ખરીદ્યુ
આખા જિલ્લામાં બંને વચ્ચેનો પ્રેમ ખૂબ ચર્ચામાં છે. ભીખ માંગીને ગુજરાન ચલાવનારા સંતોષે પત્નીને મોપેડ ખરીદીને ભેટમાં આપ્યું છે. હવે બંને મોપેડથી જ ભીખ માંગવા નિકળે છે. સંતોષ સાહૂ અને તેની પત્ની મુન્ની સાહૂ છિંદવાડા જિલ્લાના અમરવાડાની રહેવાસી છે. સંતોષ પગથી દિવ્યાંગ છે. તે ટ્રાઈસિકલ દ્વારા ફરી-ફરીને ભીખ માંગે છે અને પત્ની મુન્નીબાઈ તેની મદદ કરે છે. સંતોષ સાહૂએ જણાવ્યું કે તે પોતે ટ્રાઈસિકલ પર બેસતો હતો અને તેની પત્ની ધક્કો મારતી હતી. અમુક વખત સ્થિતિ એવી થતી હતી કે રસ્તો ખરાબ હોવાને કારણે પત્ની માટે ટ્રાઈસિકલને ધક્કો મારવો ખૂબ મુશ્કેલ થતુ હતુ. પત્નીની આ મુશ્કેલી સંતોષથી જોવાતી નહોતી.
આ શખ્સે તેની પત્નીને મોપેડ ખરીદીને ભેટમાં આપ્યું
આ દરમ્યાન ઘણી વખત તેની પત્ની બિમાર પણ થઈ. જેની સારવારમાં ઘણા રૂપિયા ખર્ચ કરવા પડ્યા હતા. એક દિવસ મુન્નીએ સંતોષને મોપેડ ખરીદવાની સલાહ આપી. મુશ્કેલ પરિસ્થિતિને ધ્યાનમાં રાખીને સંતોષે વિચારી લીધુ કે તે કોઈ પણ સ્થિતિમાં પોતાની પત્ની માટે મોપેડ ખરીદશે. બંને બસ સ્ટેન્ડ, મંદિર, દરગાહ જઇને ભીખ માંગતા હતા અને દરરોજ લગભગ 300 થી 400 રૂપિયા કમાતા હતા. આ સાથે બંનેને આરામથી બે ટાઈમનું ભોજન પણ મળતુ હતુ. એવામાં સંતોષે રૂપિયો-રૂપિયો ભેગો કરીને ચાર વર્ષમાં 90 હજાર રૂપિયા ભેગા કર્યા અને શનિવારે રોકડા આપીને મોપેડ ખરીદ્યુ.
હવે મોપેડ પર ભીખ માંગવા નિકળે છે
કોઈએ આ વીડિયો બનાવીને સોશિયલ મીડિયામાં અપલોડ કરી દીધો. જેને લોકોએ ખૂબ પસંદ કર્યો છે. હવે પતિ-પત્ની મોપેડથી જ ભીખ માંગવા નિકળે છે.