સાવચેતી / 'મહા' વાવાઝોડાથી બચવા ધ્યાન રાખો આ વાત, નહીં થાય વધારે નુકશાન

• 'મહા' વાવાઝોડાને લઈને ભયનો માહોલ
• વાવાઝોડાથી બચવા રાખી લો આ સાવધાની
• નાની સાવચેતી કરશે મોટી મદદ

મહા વાવાઝોડાને કારણે સાઉથ ગુજરાતના જિલ્લાઓ અને સૌરાષ્ટ્રમાં ભારે વરસાદ પડી શકે છે. બોટાદ, ભાવનગર, અમરેલી, જૂનાગઢ, ગીર સોમનાથ, દીવ અને રાજકોટામં ભારેથી અતિ ભારે વરસાદ પડી શકે છે. તો પોરબંદર, દ્વારકા, જામનગરમાં પણ ભારેથી અતિભારે વરસાદની શક્યતા છે. 6 નવેમ્બરે સૌરાષ્ટ્ર અને કચ્છમાં અને 7 નવેમ્બરે ગુજરાતના અન્ય જિલ્લાઓમાં વરસાદ પડી શકે છે. આ સમયે પહેલાંથી જ નીચે મુજબની સાવચેતી રાખવામાં આવે તે જરૂરી છે.

વાવાઝોડા પહેલાં

• રહેઠાણની મજબૂતીની તપાસ કરો.
• બાંધકામની ક્ષતિને દૂર કરો.
• સમાચારો અને ચેતવણીને ધ્યાનમાં રાખો.
• રેડિયો અને ટીવી પર સતત નજર રાખો.
• સ્થાનિક અધિકારીઓના સંપર્કમાં રહો.
• ઢોર-ઢાંખરને ખૂંટાથી છૂટા રાખો.
• માછીમારો દરિયો ખેડવાનું ટાળો.
• બોટને સલામત સ્થળે લંગારવી.
• આશ્રય લઈ શકાય તેવા સલામત સ્થળોને ધ્યાનમાં રાખો.
• સૂકો નાસ્તો, પાણી, ધાબળા, કપડા, ફર્સ્ટ એડ કિટ તૈયાર રાખો.
• અગત્યના ફોનનંબર સાથે રાખો.
• મોબાઈલ ફોન અને પાવરબેંકને હંમેશા ચાર્જ કરીને રાખો.
• ચાર્જર હાથવગા રાખો.

વાવાઝોડા દરમિયાન

• જર્જરિત મકાનોમાં આશ્રય ન લો.
• ઝાડ નીચે આશ્રય ન લો.
• સમાચારમાં આપવામાં આવતી સૂચનાનો અમલ કરો.
• વાવાઝોડા સમયે બહાર ન નીકળો.
• રેલ કે દરિયાઈ મુસાફરી ટાળો.
• લાઈટના કનેક્શન કે ગેસ કનેક્શન બંધ રાખો.
• ખોટા ન્યૂઝ કે અફવાથી બચો.

વાવાઝોડા બાદ

• બચાવ કામગીરી ચાલી રહી હોય તેની મદદ લો.
• ફાયર બ્રિગેડ, પોલિસ, મ્યુનિસિપાલિટી, કંટ્રોલ રૂમની મદદ લો.
• અસરગ્રસ્તોની શક્ય તેટલી મદદ કરો.
• તબીબી સારવાર મળી રહે તેવી વ્યવસ્થા કરો.
• હવામાન ખાતાની આગાહીને અનુસરો.
• અજાણી જગ્યાએ જવાનું ટાળો.