અમદાવાદની BCA પાસ અને ઘર કામ કરવાની સાથે રોડ પર ટેબલ લગાવી પાણીપુરી વેચતી 21 વર્ષીય યુવતીની સંઘર્ષગાથા અદભૂત છે.
નોકરી છૂટી તો મા વિનાની દીકરીએ શરૂ કર્યું પાણીપૂરીનું કાઉન્ટર
પિતાનો સહારો બની દીકરી
એકલીને જોઈ ખરાબ નજરવાળા લોકો આવતા હોવાનું કહી સગાસંબંધીઓ ટોણા મારતા
અમદાવાદની 21 વર્ષીય દીકરી જાનવી કડીયાની રડાવી દે તેવી સંઘર્ષની કહાની સામે આવી છે. BCAએ પાસ હોવા છતાં જાનવી કડીયા શહેરના સીટીએમ ચાર રસ્તા પાસે સાંજના સમયે પાણીપુરી, નાસ્તાનું કાઉન્ટર ચલાવી તેના પિતાને મદદ કરી રહી છે. જના માથેથીથી 12 વર્ષ પહેલા માતાનો હાથ છૂટ્યો અને એક વર્ષ પહેલા દાદીનો પણ સહારો છિનવાઈ ગયો હતો. છતાં પણ તેના પિતાને મદદરૂપ થવા બીસીએ પાસ જાનવી ખાનગી કંપનીમાં નોકરી કરતી હતી. આ દરમિયાન કોરોનાને પગલે અમલી કરાયેલા લોકડાઉન બાદ આ નોકરી પણ છીનવાઇ ગઈ હતી. બાદમાં શું કરવાથી પપ્પાને મદદ કરી શકાયના વિચારમાં 2 મહિના ઘરે બેસી રહ્યા બાદ નાસ્તાનું કાઉન્ટર શરૂ કર્યું હતું. અને છેલ્લા કેટલાક મહિનાથી જાનવી પાણીપુરી નાસ્તાનું કાઉન્ટર ચલાવી રહી છે.
સગાસંબંધીઓ ટોણા મારતા
જાનવીના સંઘર્ષ અને જીવન અંગે જાણવા મળતી વિગત અનુસાર જાનવીને પહેલાથી જ રસોઈ બનાવવાનો શોખ હતો. જેથી તેની દાદીમાંએ અલગ અલગ રસોઈ બનાવતા શીખવ્યું હતું. નોકરી ગયા બાદ બે મહિના ઘરે બેસી અને વિચાર આવ્યો કે ખાણીપીણીનો ધંધો શરૂ કરવો જોઈએ. પૈસે ટકે સુખી ના હોવાને કારણે વસ્ત્રાલમાં ભાગીદારીમાં ધંધો શરૂ કર્યો જે લાંબો સમય ચાલ્યો ના હતો. ત્યારબાદ સીટીએમ ચાર રસ્તા કે જ્યાં ભીડ હોવાના કારણે લોકોની અવર જવર વધારે રહેતી હોય છે, ત્યાં પાણીપુરીના કાઉન્ટરની શરૂઆત કરી હતી. જાનવીના જણાવ્યા અનુસાર એકલી મહિલાને જોઈને ખરાબ નજરના લોકો પણ ત્યાં પાણીપરી ખાવા આવતા હોવાનું કહી સગાસંબંધીઓ ટોણા મારતા હતા. પરંતુ જાનવીએ દરેક પડકારોનો સામનો કરી આજે નાસ્તાના કાઉન્ટર ચલાવીને સારી કમાણી કરે છે.
ભાવુક કરી દેતો BCA પાસ જાનવીનો સંઘર્ષ
મહત્વનું છેકે, જાનવીના પિતા પહેલા સિક્યોરિટી ગાર્ડની નોકરી કરતા હતા.. પરંતુ હાડકાની સમસ્યાને લઈને તેમની પણ નોકરી છૂટી ગઈ હતી. અને 4 મહિના પથારીમાં રહ્યા બાદ હવે જાનવીની મદદ કરે છે.માતા અને દાદીની ગેરહાજરી અને પિતા પણ ઓપરેશનવશ હોવા આમ છતાં પણ દીકરી થઈ સંબંધીઓના ટોળા વચ્ચે આજે જાનવી નીડરતાપૂર્વક સીટીએમ ચાર રસ્તા પાસે પાણીપુરીનું કાઉન્ટર ચલાવી રહી છે. જાનવીની આ સંઘર્ષ કહાનીથી નાસીપાસ થતાં તમામ લોકોને શીખ લેવી જરૂરી બની છે અને દીકરીને સાપનો ભારો માનતા લોકોના ગાલે તમાચા સમાન આ કિસ્સો સાબિત થયો છે.