તસ્કરોનો તરખાટ મોડી રાતે જૈન દેરાસરમાંથી કરી સોના-ચાંદીના ઘરેણાંની ચોરી

બનાસકાંઠા: શિયાળા પહેલા તસ્કરો અત્યારથી સક્રીય થઈ ગયા છે. બનાસકાંઠાના ભટાણા ગામમાં તસ્કરોએ મોડી રાત્રે એક જૈન દેરાસરને નિશાન બનાવ્યું છે. ભટાણા ગામ રાજસ્થાનની બોર્ડરને અડીને આવેલું છે. ગઈકાલે આ ગામમાં આવેલા જૈન દેરાસરમાં તસ્કરોએ હાથ સાફ કર્યો.

દેરાસરમાં ભગવાનની મૂર્તિને પહેરાવેલા સોના-ચાંદીના આભૂષણો તેમજ 5 હજારની રોકડ ચોરી તસ્કરો ફરાર થઈ ગયા હતા. દેરાસરમાંથી દોઢ કિલો ચાંદી અને 50 ગ્રામ સોનાની ચોરી થયાનું સામે આવ્યું છે. જૈન દેરાસરમાં ચોરી કરનાર તસ્કરો સીસીટીવીમાં કેદ થયા છે. સીસીટીવીમાં ચોરોની કરતૂત પણ સાફ જોઈ શકાય છે. બનાસકાંઠા પોલીસે સમગ્ર મામલે ફરિયાદ દાખલ કરીને સીસીટીવીના આધારે તપાસ શરૂ કરી છે.
 

#Banaskantha માં તસ્કરો થયા સક્રીય રાજસ્થાન બોર્ડરને અડીને આવેલા ભટાણા ગામમાં ચોરી મોડી રાત્રે ગામમાં આવેલા જૈન દેરાસરને બનાવ્યું નિશાન દેરાસરમાં મૂર્તિને પહેરાવેલા આભૂષણોની ચોરી દોઢ કિલો ચાંદી અને 50 ગ્રામ સોનાની ચોરી
CCTVમાં કેદ ચોરીની ઘટના પોલીસે શરૂ કરી તપાસ pic.twitter.com/P58fk2hONR

— VTV Gujarati News (@VtvGujarati) October 27 2018

ઉલ્લેખનીય છે કે શિયાળાનો માહોલ શરૂ થઇ ગયો છે જેના કારણે મોડી રાતથી શરૂ કરીને વહેલી સવાર સુધી વાતાવરણમાં ઠંડકનો અહેસાસ થાય છે. જેના કારણે લોકો મોડે સુધી સુતા રહેવાનું પસંદ કરે છે ત્યારે આ શિયાળાનો લાભ લઇને તસ્કરો સક્રીય થયાં છે. 

બનાસકાંઠાના ભટાણા ગામે ગત મોડી રાતે એક જૈન દેરાસરમાં તસ્કરોએ ખાતર પાડ્યું હતું અને સોના-ચાંદીના આભૂષણો તેમજ 5 હજારની રોકડ ચોરી કરી રવાના થયાં હતા. આ સમગ્ર ઘટના CCTVમાં કેદ થતાં પોલીસે બનાવ અંગે ગુનો નોંધી તપાસ હાથ ધરી છે.