કેળાનુ બિલ 35 લાખ રૂપિયા, દરરોજનો ખર્ચ 49 લાખ 58 હજાર રૂપિયા, પાણીની બોટલ માટે 22 લાખ રૂપિયા ઉડાવવામાં આવ્યાં અને કોરોનાકાળમાં 11 લાખ રૂપિયા ખર્ચાયા અલગ. એટલેકે કુલ મળીને 1 કરોડ 74 લાખ રૂપિયાના બોઝ હેઠળ દબાયેલા છે ઉત્તરાખંડના ક્રિકેટ ખેલાડી. પરેશાની માત્ર એટલી નથી પરંતુ સમસ્યા પૈસા અને સિલેક્શનના નામે થનારા ગોટાળાની પણ છે. ઉપરથી હવે તો જીવથી મારી નાખવાની ધમકી પણ મળી રહી છે.
પોલીસની રડાર પર ઉત્તરાખંડ ક્રિકેટ એસોસિએશન
પોલીસે ઉત્તરાખંડ ક્રિકેટ એસોસિએશનના સેક્રેટરી માહિમ વર્મા, ટીમના હેડ કોચ મનીષ ઝા અને એસોસિએશનના પ્રવક્તા સંજય ગોસાઈ સાથે સવાલ જવાબ કર્યો છે. આ બધાના નામ એ FIRમાં નોંધાયેલા છે, જે ભારતના પૂર્વ અંડર 19 ક્રિકેટરના પિતાએ પુત્રને જીવથી મારવાની ધમકી મળ્યાં બાદ લખાવી છે. દહેરાદૂનના SSPએ ઈન્ડિયન એક્સપ્રેસ સાથેની વાતચીતમાં કહ્યું કે છેલ્લાં ત્રણ દિવસમાં અમે માહિમ વર્મા, મનીષ ઝા અને સંજય ગોસાઈને અલગ-અલગ બોલાવ્યો છે. અમે તેના નિવેદન નોંધ્યા છે. જો જરૂર પડી તો અમે ફરીથી તેમને બોલાવીને પૂછપરછ કરીશું.
વિજય હજારે દરમ્યાન જાનથી મારી નાખવાની આપી ધમકી
ઉત્તરાખંડ ક્રિકેટના અધિકારીઓની સામે FIR દહેરાદૂનના વસંત વિહાર પોલીસ સ્ટેશનમાં નોંધાવવામાં આવી છે. આ FIR કલમ 120B, કલમ 323, કલમ 384, કલમ 504 અને 506 હેઠળ ફરિયાદ નોંધાવવામાં આવી છે. જેને ભારતના પૂર્વ અંડર 19 ક્રિકેટ આર્ય સેઠીના પિતા વિરેન્દ્ર સેઠીએ નોંધાવી છે. તેમણે પોતાના રિપોર્ટમાં લખાવ્યું કે મનીષ ઝા, ટીમ મેનેજર નવનીત મિશ્રા, વીડિયો એનાલિસ્ટ પીયુષ રઘુવંશીએ ગયા વર્ષે વિજય હજારે ટુર્નામેન્ટ દરમ્યાન તેના પુત્રને જીવથી મારવાની ધમકી આપી હતી.