ઑફર / માત્ર 3000 રૂપિયા આપીને ઘરે લઇ આવો Bajajની સૌથી વધારે માઇલેજવાળી બાઇક

તાજેતરમાં 110cc સેગમેન્ટમાં Bajaj ઑટોમાં પોતાની નવી પ્લેટિના H-Gearને માર્કેટમાં લોન્ચ કર્યો છે અને હવે કંપની આ બાઇક પર એક એવી ઑફર રજૂ કરી છે.  જે ગ્રાહકને બાઇક ખરીદવા માટે આકર્ષી શકે છે.

શું છે ઑફર?
ગ્રાહકોને આકર્ષિત કરવા માટે Bajaj એ આ બાઇક પર બહુ ઓછાં ડાઉન પેમેન્ટની ઓફર આપી છે. માત્ર 3,068 રૂપિયા ડાઉન પેમેન્ટ આપી તમે આ બાઇક ઘરે લઈ જઈ શકો છો. આ બાઇકની એક્સ શો રૂમ કિંમત 53,376થી શરૂ થાય છે.

શું છે H Gear ટેક્નોલોજી?
આ દુનિયાની પ્રથમ એવી બાઇક છે જેમાં H-Gear ટેક્નોલોજી સામેલ કરી છે, એક્સ્ટ્રા હાઇવે ગિયર અને ગિયર શિફ્ટ ગાઇડની મદદથી રાઇડ સારી અને આરામદાયક બને છે. વાસ્તવમાં સામાન્ય રીતે 100cc અને 110cc બાઇકમાં 4 ગિયર હોય છે, જે નોર્મલ રાઇડ માટે બેસ્ટ માનવામાં આવે છે. પરંતું જ્યારે તમે 60ની ઉપર સ્પીડ પકડો તો બાઇકમાં વાઇબ્રેશન થવા લાગે છે અને બાઇક થોડી હાર્ડ બની જાય છે. એવામાં રાઇડને સ્મૂધ બનાવવા માટે બજાજે નવી પ્લેટિનામાં 4 ગિયરને બદલે 5 ગિયર લગાવ્યાં છે અને આ પાંચમા ગિયરને કંપનીએ H-ગિયર એટલે કે હાઇવે ગિયર નામ આપ્યું છે.

એન્જિન:
આ બાઇકમાં 115.5cc એર-કૂલ્ડ સિંગલ સિલિન્ડર એન્જિન લાગેલું છે, જે 8.6PS પાવર અને 9.81Nm ટોર્ક જનરેટ કરે છે. કંપનીએ આ બાઇકની રાઇડ ક્વોલિટી સારી બનાવવા તેનાં સસ્પેન્શન અને ગિયર બોક્સ પર પણ ઘણું કામ કર્યું છે. આ બાઇકમાં ડિસ્ક બ્રેકનો પણ ઓપ્શન મળી રહ્યો છે, આ સિવાય બાઇક એન્ટી સ્કિડ બ્રેકિંગ સિસ્ટમની સાથે આવે છે.