CNGની ઝાળ / મુસાફરો માટે માઠા સમાચાર: હવે રિક્ષાભાડામાં થઈ શકે છે વધારો, એસોસિએશને જુઓ શું કરી માગ

• હવે રિક્ષા ભાડું વધવાના એંધાણ 
• દીપાવલી દરમિયાન મળી શકે 'સૌગાત'
• CNGનાં ભાવ વધતા ચાલકો પરેશાન 

રાજ્યના તમામ શહેરોના મુખ્ય માર્ગોને પ્રદુષણ મુક્ત રાખવા CNG ચાલિત રિક્ષાઓ બજારમાં આવી.જેથી પેટ્રોલ-ડીઝલથી થતા પ્રદુષણ સ્તરમાં ખાસો ઘટાડો થયા.પરંતુ હવે એ સ્થિતિ છે કે રિક્ષા ચાલકોને આ CNG ગેસનાં ભાવ દઝાડી રહ્યા છે. રીક્ષાનો સામાન્ય દર પણ પોસાતો નથી.પરિણામે,વારંવાર  સરકાર સમક્ષ રજૂઆત છતાં કોઈ ઉકેલ આવતો નથી.પરિણામે રિક્ષા ચાલકો ભાવ વધારો કરવા મજબૂર બન્યા છે. 

મોંઘવારીની માઝા 

દેશમાં મોંઘવારીએ માઝા મૂકી છે.પેટ્રોલ-ડીઝલ-રાંઘણ ગેસ, માલવાહક વાહન-વ્યવહાર ઉપરાંત CNG ગેસમાં પણ 15 દિવસમાં રૂપિયા 9 થી 10 જેટલો વધારો થતા 1 કિલો ગેસના 63 રૂપિયા આસપાસ ભાવ થયો છે.રિક્ષા ચાલકો આ ભાવ હવે જીરવી શકે તેમ નથી.આ પરિણામે રિક્ષા એસોસિએશને  બેઠકનું આયોજન કર્યું છે. રિક્ષા ચાલકો કહેછે કે, રિક્ષા ભાડા નક્કી કરવા એસોસિએશને સરકાર પાસે માગણી કરી છે અને વારંવાર અનેકવિધ રજુઆતો પણ કરી છે.છતાં કોઈ નિવેડો આવ્યો નથી.આના વિકલ્પે હવે ભાવ વધારા સિવાય અન્ય કોઈ રસ્તો નથી.