ભારત જ નહિ પેરિસમાં પણ ટ્રેનોમાં પેદા થાય છે બાળકો.......

અત્યાર સુધી તમે એવુ માનતા હશો કે ટ્રેનમાં બાળકો પેદા થવા જેવી બાબતો ભારત કે અન્ય ગરીબ દેશોમાં જ શક્ય છે. જો તમે એવુ વિચારો છો તો તમને જણાવી દઈએ કે તમે બિલકુલ ખોટા છો. જી હા થોડાક સમય પહેલા જ પેરિસમાં એક મહિલાએ ટ્રેનમાં એક બાળકને જન્મ આપ્યો હતો. શું તમે વિશ્વાસ કરશો કે પેરિસમાં પણ આવી ઘટનાઓ બની શકે છે.

અત્યાર સુધી ભારતમાં એવા ઘણા કીસ્સાઓ બન્યા છે જેમાં ગર્ભવતી મહિલાઓ ટ્રેનમાં બાળકોને જન્મ આપે છે કે બેન્કની લાઈનમાં બાળક પેદા થયું હોય. સમાચાર પત્ર અને ટીવીના માધ્યમોથી દેશના કોઈ પણ ખુણામાથી એવી ખબરો તમારા સુધી પહોંચતી હશે અને તેના પર તમે તમારી પ્રતિક્રિયા પણ આપતા હશો.

એવામાં લોકો સરકારની વ્યવસ્થા પર જ સવાલો ઉઠાવવા લાગે છે. અને એક તરફ મીડિયા પણ સરકારી વ્યવસ્થાની પોલ ખોલવાના દાવાઓ કરવા લાગે છે. ક્યારેક ટ્રેનમાં ક્યારેક રસ્તાના કિનારે તો ક્યારેક બેન્કોની લાઈનમાં આજે પણ મહિલાઓ બાળકો જણી રહી છે.

પેરિસમાં એક મહિલાએ ટ્રેનમાં એક બાળકને જન્મ આપ્યો છે. માતા અને બાળક બંન્ને સકુશળ છે. પેરિસની સાર્વજનિક પરિવહન કંપની RATPએ હવે આ બાળકને 25 વર્ષ સુધી એક ખાસ પ્રકારની રાહત આપવાની જાહેરાત કરી છે.

કંપનીએ કહ્યુ કે પેરિસ ઉપનગરીય ટ્રેનમાં પેદા થયેલા આ બાળકને હવે 25 વર્ષ સુધીની ઉંમર સુધી ફ્રાન્સમાં મફત સવારી આપવામાં આવશે. બાળક આરઈઆર એ લાઈન પર પેદા થયુ હતુ જેને યૂરોપમાં સૌથી વ્યસ્ત રેલવે લાઈન માનવામાં આવે છે. આ સંબંધમાં પેરિસના અધિકારીઓએ ટ્વિટ કરીને બાળકના લાંબા જીવનની અને માતાને અભિનંદન પાઠવ્યા હતા.