બાબા કા ઢાબાની દિલ્હીમાં ખૂબ ચર્ચા થઈ હતી. થોડા મહિના પહેલા આ ઢાબાના માલિક કાંતા પ્રસાદ (બાબા) ગ્રાહક ન આવવાના કારણે રડી પડ્યા હતા. હવે મદદ મળ્યા પછી, બાબાએ એક નવી રેસ્ટોરન્ટ ખોલી દીધી છે.
મહત્વનું છે કે થોડા સમય પહેલાં દિલ્હીમાં બાબાના ઢાબાનો એક યુટ્યુબરે વીડિયો શૅર કર્યો હતો. જેમાં બાબાની વ્યથા દર્શાવી હતી જેમાં તેઓ રડી પડ્યાં હતાં. આ વીડિયો સોશિયલ મીડિયા પર વાયરલ થયો હતો, ત્યારબાદ લોકો તેમની મદદ માટે આવ્યા હતા. આલમ એ બની ગયો હતો કે બાબાના ખાલી ઢાબામાં ગ્રાહકોની લાઇનો લાગી ગઈ હતી. હવે બાબા કાંતા પ્રસાદે ઢાબા પાસે એક નવી રેસ્ટોરન્ટ ખોલી નાંખી છે. બાબા કાંતા પ્રસાદના નવા ઢાબામાં ફર્નિચરથી માંડીને સ્ટાફની મદદ સુધીની દરેક સુવિધા છે.
નવી રેસ્ટોરન્ટમાં કિચન પણ ખૂબ મોટું
બાબાએ આ રેસ્ટોરન્ટમાં સીસીટીવી કેમેરા પણ લગાવ્યા છે. આ નવી રેસ્ટોરન્ટમાં એક અલગ કાઉન્ટર પણ છે, જ્યાં કાંતા પ્રસાદ બેસે છે. રસોઈની સાથે-સાથે તેઓ હિસાબ પણ જોશે. તેમની નવી રેસ્ટોરન્ટમાં કિચન પણ ખૂબ મોટું છે. જો કે રસોઈ તો બાબા જ બનાવશે અને મદદ માટે હેલ્પર પણ રાખી દીધો છે.
Delhi: Kanta Prasad, the 80-year-old owner of 'Baba Ka Dhaba', starts a new restaurant in Malviya Nagar.
"We're very happy, god has blessed us. I want to thank people for their help, I appeal to them to visit my restaurant. We will serve Indian & Chinese cuisine here," he says. pic.twitter.com/Rg8YAaJ1zk
તસવીરોમાં જોઇ શકાય છે કે બાબા કાંતા પ્રસાદ કાઉન્ટર પર બેઠા છે. બીજા ફોટોમાં રેસ્ટોરન્ટનો આંતરિક ભાગ બતાવવામાં આવ્યો છે. ત્રીજા ફોટામાં રસોડું બતાવવામાં આવ્યું છે.
"હું લોકોની મદદ બદલ આભાર માનું છું"
બાબાએ કહ્યું, "અમે ખૂબ ખુશ છીએ. ભગવાન આપણને આશીર્વાદ આપે છે. હું લોકોની મદદ બદલ આભાર માનું છું. હું તેમને મારી રેસ્ટોરન્ટની મુલાકાત લેવા અપીલ કરું છું. અમે અહીં ભારતીય અને ચાઇનીઝ વાનગીઓ પીરસીશું.