સોશ્યલ મિડીયા પર વાયરલ થયેલા બાબા કા ઢાબાના માલિક કાંતા પ્રસાદે તેને ઓળખાણ અપાવનાર યુટ્યુબર વિરુદ્ધ ફરિયાદ નોંધાવી છે. તેમણે આરોપ લગાવ્યો છે કે ગૌવર વાસને પૈસા હડપી લીધા છે.
બાબા કા ઢાબાના નામે કૌભાંડ
યુટ્યુબરે બાબાને ન આપ્યા પૈસા
બાબાએ નોંધાવી ફરિયાદ
નોંધનીય છે કે, ઓક્ટોબરમાં બાબા કા ઢાબાનો એક વીડિયો સોશ્યલ મિડીયા પર વાયરલ થયો હતો. કોરોનાના કારણે આ વૃદ્ધ દંપતિ આર્થિક તંગીથી પિડાઇ રહ્યું હતુ. બાદમાં એક યુટ્યુબરે તેમનો વીડિયો બનાવીને સોશ્યલ મિડીયા પર અપલોડ કર્યો જે વાયરલ થઇ ગયો હતો. વીડિયોમાં તે રડતા રડતા કહી રહ્યાં છે કે તે સવારે 4 વાગે ઉઠીને લોકો માટે ખાવાનું બનાવે છે પરંતુ તેમનુ જમવાનુ દિવસભરમાં કોઇ ખાસ ખરીદતુ નથી. તેમની પાસે ગ્રાહક જ નથી જેથી તે દિવસના 100 રૂપિયા પણ કમાઇ શકતા નથી.
તેમનો આ વીડિયો ગૌરવ નામના એક વ્યક્તિએ પોતાના અકાઉન્ટ પર શૅર કર્યો અને વાયરલ થઇ ગયો અને લોકોને મદદ માટે અપીલ કરી હતી. લોકોએ આ વીડિયો જોઇને મદદ કરી હતી અને ઘણા રૂપિયા ભેગા થઇ ગયા હતા, બાબાને આ વીડિયો વાયરલ થઇ જવાથી ઘણી મદદ મળી હતી.
જ્યારે આ રકમ બાબાના નામે ઉઘરાવવામાં આવી પરંતુ બાબને મળી નહી ત્યારે બાબાએ ગૌરવ વિરુદ્ધ કેસ કર્યો અને આરોપ લગાવ્યો કે ગૌરવે તેમના નામે મળેલા પૈસા પોતાની પાસે જ રાખી લીધા છે. બાબાના નામે જે લોકોએ પૈસા આપ્યા છે તે લોકોને ગૌરવે ઠગ્યા છે.