દોડધામ / VIDEO: આવાસના ફોર્મ મેળવવા માટે વડોદરામાં લોકોએ એકબીજાને કચડ્યા,તંત્ર માથે હાથ દઈ બેસી રહ્યું

• વડોદરામાં આવાસ યોજનાના ફોર્મ લેવા પડાપડી 
• લોકોએ લાંબી લાઈન લગાવીને ધમચકડી કરી 
• દીવલો કૂદી કૂદીને લોકો અંદર ઘૂસી ગયા 

વડોદરામાં પ્રધાનમંત્રી આવાસ યોજનાના ફોર્મ લેવા માટે આજે લોકોની લાંબી લાંઈન લાગી સાથેજ ભારે ધમાચકડી મચી ઉઠી હતી. રાતથી લાઈનમાં ઉભેલા લોકો ભયંકર રીતે અકળાઈ ગયા હતા. જેના કારણે સ્થળ પરિસ્થિતી ગંભીર બની હતી. લોકોને ભીડ એટલી બધી હતી કે પોલીસ પણ તેમને કાબૂ કરી શકે તેવી સ્થિતી ન હતી.

દીવાલો કૂદીને લોકો ફોર્મ લેવા દોડ્યા 

આવાસ યોજનાના ફોર્મ લેવા માટે લોકો દીવાલો કૂદી કૂદીને અંદર ઘૂસી ગયા હતા. જેના કારણે પરિસ્થિતી ભયંકર વણસી હતી. લોકો કંટ્રોલમાં નહોતા આવી રહ્યા અને જે પોલીસ ફોર્સ ત્યા હાજર હતી તે પણ ઓછી પડી રહી હતી. ટોકન આપીને ફોર્મ વિતરણ શરૂ કરવામાં આવ્યું હતું પરંતુ તેમ છતા લોકોએ પડાપડી કરી હતી. આ બનાવ વડોદરાની રાવપુરા આવાસ યોજનાની ઓફિસ પર બન્યો હતો. જેમા મનપાના કોંગ્રેસના નેતા અમીબેન રાવત પણ ઘટનાની જાણ થતા સ્થળ પર પહોચ્યા હતા. લોકોની ભીડ ભેગી થતા અમીબેન રાવત સ્થળ પર પહોચ્યા અને તેમણે પરિસ્થિતીનું નિરીક્ષણ કર્યું હતું. જોકે ત્યા સુધીમાં પરિસ્થિતી વણસી ચૂકી હતી. 

ધક્કામુક્કીમાં લોકો કચડાયા 

ઉલ્લેખનીય છે કે સમગ્ર મામલે પરિસ્થિતી એટલી ખરબા થઈ ગઈ હતી કે ધક્કામુક્કીમાં અમુક મહિલાઓ નીચે પડી જેમા તેમના પર બીજી મહિલાઓ  ધક્કામુક્કીમાં ચઢી ગઈ જેના આ મામલો વધારે વણસી ગયો અને તે સમયે પોલીસ ફોર્સ પણ ઓછી પરિસ્થિતી કાબૂ કરવા ઓછી પડી હતી.