ઈતિહાસ / 30 વર્ષ બાદ મે'ણું ભાંગ્યું, ઘરઆંગણે ઓસ્ટ્રેલીયાને સીરિઝ હરાવીને શ્રીલંકાએ રચ્યો ઇતિહાસ

• ઓસ્ટ્રેલિયાએ પાંચમી વન-ડેમાં યજમાન શ્રીલંકાને 4 વિકેટથી હરાવ્યું
• શ્રીલંકન ટીમનો પ્રથમ બેટિંગ કરવાનો નિર્ણય ખોટો સાબિત થયો
• શ્રીલંકન ટીમે 3-2થી સીરીઝ પોતાના નામે કરી

ઓસ્ટ્રેલિયાએ પાંચમી વન-ડેમાં શ્રીલંકાને 4 વિકેટથી હરાવ્યું

ઓસ્ટ્રેલિયાએ પાંચમી વન-ડેમાં શ્રીલંકન ટીમને 4 વિકેટથી હરાવ્યું છે. જો કે, શ્રીલંકન ટીમે 3-2થી શ્રેણી પોતાના નામે કરી. પ્રથમ બેટિંગ કરવા ઉતરેલી શ્રીલંકન ટીમ 43 ઓવરમાં 160 રન કર્યા. શ્રીલંકન ટીમના 160 રનના જવાબમાં ઓસ્ટ્રેલિયાએ 6 વિકેટના નુકસાને 164 રન બનાવી મેચ પોતાના ફાળે કરી. આની પહેલા શ્રીલંકન ટીમે ટૉસ જીતી પ્રથમ બેટિંગ કરવાનો નિર્ણય કર્યો. પરંતુ આ નિર્ણય સંપૂર્ણ રીતે ખોટો  સાબિત થયો. 

ચામિકા કરૂણારત્નેએ 75 રનની ઈનિંગ રમી

ટૉસ જીતીને બેટીંગ કરવા ઉતરેલી શ્રીલંકન ટીમની શરૂઆત કંગાળ રહી. ઓપનર બેટર પથુમ નિસંકા 2 અને ગુનાતિલકા 8 રન બનાવી આઉટ થયા. તો દિનેશ ચાંદીમલે 6 રનનુ યોગદાન આપ્યું. જ્યારે કુસલ મેન્ડિસે 26 રન બનાવ્યાં. શ્રીલંકાની ટીમના 8 બેટર અંદાજે 85 રન પર સમેટાઈ ગયા. પરંતુ ચામિકા કરૂણારત્નેએ સતત બાજી સંભાળી રાખી. તેમણે 75 બોલમાં 75 રનની શાનદાર ઈનિંગ રમી. 

લેબુશેન અને એલેક્સ કેરીએ ઈનિંગ સંભાળી 

ઓસ્ટ્રેલિયા માટે પેટ કમિન્સ સિવાય જોશ હેજલવુડ અને કુહનેમને 2-2 વિકેટ લીધી. શ્રીલંકાના 160 રનના જવાબમાં ઓસ્ટ્રેલિયાની ટીમની શરૂઆત સારી ના રહી. કેપ્ટન આરોન ફીંચ કોઈ પણ રન બનાવ્યાં વગર આઉટ થયા. જ્યારે ડેવિડ વોર્નરે 10 અને જોસ ઈંગ્લિશે 5 રનનુ યોગદાન આપ્યું. ખરેખર, 50 રન પર  કાંગારૂ ટીમ પોતાની 4 વિકેટ ગુમાવી ચૂકી હતી. પરંતુ લેબુશેન અને એલેક્સ કેરીએ મળીને પાંચમી વિકેટ માટે અર્ધસદી કરી ટીમને સંભાળી લીધી.