ઉત્તરપ્રદેશના કાનપૂરમાં ગયા અઠવાડિયે 8 પોલીસકર્મીઓની હત્યા કરીને ફરાર કુખ્યાત ગેંગસ્ટર વિકાસ દૂબેને મધ્ય પ્રદેશથી મહાકાલના દર્શન દરમિયાન દબોચી લેવામાં આવ્યો હતો. વિકાસને જોઇને જે સિક્યુરિટી ગાર્ડને શંકા ગઇ હતી તેણે તેના ડિપાર્ટમેન્ટમાં જાણ કરી હતી અને આ ગેંગસ્ટરને પકડવામાં પોલીસને સફળતા મળી હતી. બાદમાં પ્રખ્યાત સ્ટેન્ડ-અપ કોમેડિયન અતુલ ખત્રીએ આ મુદ્દે ટ્વિટ કરી હતી જે ખુબ જ વાયરલ થઇ રહી છે.
અતુલ ખત્રીએ કરી વિકાસ પર ટ્વિટ
લોકસભા ઇલેક્શન માટે આપ્યુ નિવેદન
અતુલ ખત્રીએ વિકાસ દૂબે પર વ્યંગ કરતા લખ્યુ હતું કે, 10 રૂપિયાની શરત લગાવી લો, વિકાસ 2024ના ઇલેક્શનમાં ઉમેદવારી નોંધાવશે. આ ટ્વિટ પર ઘણા રિએક્શન આવી રહ્યાં છે અને ઘણા ઓછા સમયમાં આ ટ્વિટ વાયરલ થઇ ગઇ હતી. અતુલ ખત્રી પ્રખ્યાત સ્ટેન્ડ-અપ કોમેડિયન છે અને તે હોંગકોંગમાં યોજાનાર ઇન્ટરનેશનલ કોમેડી મહોત્સવમાં પ્રદર્શન કરવાવાળા એકમાત્ર ભારતીય હતા.
Rs. 10/- bet?
Vikas Dubey will stand for Lok Sabha Elections 2024
ઉજ્જૈન મહાકાલ મંદિરના સિક્યોરીટી ગાર્ડે જણાવ્યુ કે તેમણે વિકાસની તસવીર જોયેલી હતી અને જ્યારે વિકાસ મંદિરમાં પ્રવેશ્યો ત્યારે તેની ઓળખ કરી લેવામાં આવી હતી. તેણે વધુમાં જણાવ્યું કે વિકાસ સાથે બીજા બે-ત્રણ લોકો હતા. પોલીસકર્મીઓની હત્યા કરીને ફરાર કુખ્યાત ગેંગસ્ટર વિકાસ દૂબેને પોલીસે ઝડપી પાડયો હતો.
વિકાસનું થયુ એનકાઉન્ટર
મધ્યપ્રદેશની પોલીસ વિકાસને લઇને કાનપૂર જવા રવાના થઇ હતી, ત્યારે રસ્તામાં ગાડી પલ્ટી જતાં વિકાસને ભાગવાની તક મળી હતી. વિકાસે પોલીસની બંદૂક છીનવીને ભાગવાનો પ્રયત્ન કર્યો હતો, જેથી પોલીસ પાસે કોઇ પણ વિકલ્પ ન બચતા તેના પર ગોળીઓ ચલાવવી પડી હતી અને આ અથડામણમાં વિકાસનું મોત નિપજ્યું હતું.
अपराधी का अंत हो गया, अपराध और उसको सरंक्षण देने वाले लोगों का क्या?
— Priyanka Gandhi Vadra (@priyankagandhi) July 10, 2020
પ્રિયંકાએ કરી ટ્વિટ
વિકાસના મોતના સમાચાર મળતાંની સાથે જ લોકોમાં ખુશીની લહેર છવાઇ ગઇ હતી અને લોકોએ ગેંગસ્ટરના મોતથી હાશકારો અનુભવ્યો હતો. પ્રિયંકા ગાંધીએ પણ વિકાસના એનકાઉન્ટર પર ટ્વિટ કરી છે અને લખ્યું કે અપરાધીનો થયો અંત.