સરકારની 'અટલ પેન્શન યોજના'ની શરૂઆત મે 2015થી શરૂ થઈ હતી. નાણાકીય વર્ષ 2020-21માં અત્યાર સુધી આ યોજનાથી 28 લાખ લોકો જોડાયા છે.
અટલ પેન્શન યોજનામાં કરો રોકાણ
દર મહિને મળશે પેન્શન
જાણો સરકારની આ યોજના વિશે
હાલના સમયમાં સરકાર પેન્શનની ઘણી યોજનાઓ ઉપલબ્ધ છે. અટલ પેન્શન યોજના તેમાંથી જ એક છે. જે લોકોને ખૂબ પસંદ આવી રહી છે. પેન્શન ફંડ રેગ્યુલેટરી એન્ડ ડેવલોપમેન્ટ એથોરિટી (PFRDA) અનુસાર, 25 ઓગસ્ટ સુધી દેશમાં અટલ પેન્શન યોજના સાથે જોડાયેલા લોકોની સંખ્યા 3.30 કરોડ પર પહોંચી ગઈ છે. ચાલુ નાણાકીય વર્ષમાં આ પહેલા 28 લાખ લોકો જોડાયા હતા.
મહિલાઓને પણ ખૂબ પસંદ આવી રહે છે આ યોજના
રાજ્યોની વાત કરવામાં આવે તો ઉત્તર પ્રદેશ, બિહાર, બંગાળ, મહારાષ્ટ્ર, તમિલનાડુ, આંધ્ર પ્રદેશ, કર્ણાટક, મધ્યરપ્રદેશ, રાજસ્થાન, ગુજરાત અને ઓડિશાથી સૌથી વધુ લોકો અટલ પેન્શન યોજના સાથે જોડાયા છે. આ રાજ્યોમાં 25 ઓગસ્ટ સુધી 10 લાખથી વધારે લોકો આ સરકારી યોજનાની સ્કીમ સાથે જોડાયા છે. મહત્વનું છે કે 78 ટકા લોકોએ 1,000 રૂપિયાના પેન્શન સ્કીમની પસંદગી કરી. 14 ટકા લોકોએ 5,000 રૂપિયા પ્રતિ મહિનાના પેન્શનની પસંદગી કરી. સ્કીમ લેનારમાં 44 ટકા મહિલાઓ અને 44 ટકા યુવાઓ છે. જેની ઉંમર 18થી 25 વર્ષ છે.
શું છે અટલ પેન્શન યોજના?
અટલ પેન્શન યોજનાને 18થી 40 વર્ષની ઉંમરના દરેક એવા નાગરિકો લઈ શકે છે જેમની પાસે બેન્ક ખાતુ છે. તે 60 વર્ષથી વધુની ઉંમર પ્રાપ્ત કરવા પર 1000 રૂપિયાથી લઈને 5000 રૂપિયા સુધીની ઓછામાં ઓછી ગેરેન્ટીકૃત પેન્શન પ્રદાન કરે છે. યોજના હેઠશ ગ્રાહકના મૃત્યુ પર પતિ અથવા પત્નીને આજીવન પેન્શનની રકમ ગેરેન્ટી આપવામાં આવે છે. ત્યાં જ ગ્રાહકોના મોતની સ્થિતિમાં પેન્શનની સંપૂર્ણ રાશિ નોમિનીને આપવામાં આવે છે.