પ્રેરણા / 67 વર્ષની ઉંમરે જુવાનિયાઓને શરમાવે તેવું માર્શલ આર્ટ્સ કરે છે આ વૃદ્ધા: ખૂંધની બીમારી થઈ તો કમજોરીને જ તાકાત બનાવી લીધી

• વૃદ્ધ મહિલા જેઓ જુવાનિયાઓને શરમાવે એવા કરે છે માર્શલ આર્ટ્સ
• વૃદ્ધ મહિલા સ્કોલિયોસિસની (ખૂંધ)બીમારી થી પડાઈ રહ્યાં છે
•  જુવાનિયાઓને શરમ એવા સ્ટન્ટ પર્ફોર્મ કરે છે વૃદ્ધ મહિલા

કહેવાય છે ને જો ભગવાન કંઈક લઈ લે છે, તો એના બદલામાં આપણને ઘણું આપે છે. ભગવાનમાં શ્રદ્ધા રાખો. જ્યારે તમારી નબળાઈ તમારી તાકાત બની જાય છે, ત્યારે તમે દુનિયાના દરેક અશક્ય કામ કરી શકો છો. આ જ વસ્તુ સાર્થક કરી છે. મૂળ સાઉથ આફ્રિકાના વતની અને નવસારીના એક વૃદ્ધા.

તેઓ સ્કોલિયોસિસની (ખૂંધ)બીમારી થી પડાઈ રહ્યાં છે
એન.આર.આઈ વૃદ્ધ મહિલા જેઓ જુવાનિયાઓને શરમાવે એવું માર્શલ આર્ટ્સ કરે છે.  જી હા 67વર્ષીય વૃદ્ધા નું નામ છે  તારા રણછોડ મમ્મા જેઓ સાઉથ આફ્રિકાના મોઝામ્બિકથી આવ્યાં છે ને તેઓ સ્કોલિયોસિસની (ખૂંધ)બીમારી થી પડાઈ રહ્યાં છે. પરંતુ એમના બુલંદહોશના કારણે આજે તેઓ પોતાની આગવી ઓળખ બનાવવામાં સક્ષમ બન્યા છે. જી હા તારા બધી બહેનને બીમારી હોવા છતાં તેઓ માર્શલ આર્ટસની સાથે સાથે કિક બોક્સિંગ પણ કરે છે. તેઓની ખામીને તેઓ ક્યારે પણ પોતાના ચહેરા પર આવવા દેતા નથી. 

હાલ બોક્સિંગ અને માર્શલ આર્ટસની ટ્રેનીંગ પણ લઈ રહ્યા છે
નવસારીમાં માર્શલ આર્ટસના કોચિંગ ક્લાસીસમાં તેઓ હાલ બોક્સિંગ અને માર્શલ આર્ટસની ટ્રેનીંગ પણ લઈ રહ્યા છે. અને જુવાનિયાઓને શરમ એવા સ્ટન્ટ પર્ફોર્મ કરે છે. નવસારીમાં એકલવાયું જીવન જીવતા આ વૃદ્ધાને હંમેશા કસરત અને ફિટનેસ ઉપર ધ્યાન આપતા હતા. પરંતુ બીમારીના કારણે તેઓ ઘણા સમયથી કસરતથી દૂર રહ્યા હતા. પરંતુ પોતાની કમજોરીને જ એની તાકાત બનાવી આજે તેઓ માર્શલ આર્ટસ અને કીક બોક્સિંગમાં  અન્ય મહિલાઓને પણ આવી કસરતો અને માર્શલ આર્ટસ સાથે જોડવા માટેની પ્રેરણા આપી રહ્યા છે.