સાવધાન! / પૃથ્વી તરફ આવી રહ્યો છે તાજમહલથી પણ બમણો એસ્ટરોઇડ, અથડાશે તો સર્જાશે વિનાશ

• વિશાળ એસ્ટરોઇડ પૃથ્વી તરફ આવી રહ્યું છે
• તાજમહેલ કરતાં પણ બમણું છે
• નાસા રાખી રહ્યું છે નજર 

જો તમે અંતરીક્ષ સાથે જોડાયેલ વાતોમાં વિશ્વાસ કરો છો, તો તમારા માટે મહત્વપૂર્ણ સમાચાર છે. એક વિશાળ એસ્ટરોઇડ પૃથ્વી તરફ આવી રહ્યું છે જે તાજમહેલ કરતાં પણ બમણું છે.  વૈજ્ઞાનિકોએ ચેતવણી આપી છે કે થોડા સમયમાં આ લઘુગ્રહ પૃથ્વી સાથે અથડાઇ શકે છે. હજુ સુધી એ વાત નથી જાણી શકાય કે આ એસ્ટરોઇડ ક્યાં અથડાશે. જો કે જણાવી દઈએ કે એ વાતની સંભાવના ઓછી છે કે તે એસ્ટરોઇડ પૃથ્વીના વાતાવરણમાં પ્રવેશ કરશે. તેમ છતાં સાવચેતીના ભાગરૂપે દરેક લોકોને એલર્ટ કરવામાં આવી રહ્યા છે. 

2008 RW છે નામ 
આ લઘુગ્રહ એટલે કે એસ્ટરોઇડનું નામ 2008 RW છે. આ વિશાળ અંતરીક્ષ ખડક ત્રણ કે ચાર વર્ષમાં માત્ર એક જ વાર પૃથ્વીની નજીક આવે છે. આ વખતે તેની નવીનતમ ફ્લાયબાય એટલે કે પૃથ્વીની ભ્રમણકક્ષાની નજીક આવવું) પહેલા કરતાં વધુ નજીક આવવાની છે અને તે એસ્ટરોઇડ આપણી ભ્રમણકક્ષામાં અથડાઈ જવાની તૈયારીમાં છે. જો કે 13 સપ્ટેમ્બરે બપોરે 1:50 વાગ્યે આપણી ભ્રમણકક્ષામાં પ્રવેશ કરશે અને લગભગ 10 કિલોમીટર પ્રતિ સેકન્ડની ઝડપે મુસાફરી કરશે.

નાસા રાખી રહ્યું છે નજર 
તે એસ્ટરોઇડ પૃથ્વીથી લગભગ 6.7 મિલિયન કિલોમીટર દૂરથી યાત્રા કરીને આવી રહ્યું છે, જે પૃથ્વીના ગુરુત્વાકર્ષણ દ્વારા સંભવિત રૂપે ખેંચાઈ શકે છે. જો તે એસ્ટરોઇડ પૃથ્વી સાથે અથડાશે તો તે ક્યાં ખૂણે અથડાશે તે હજુ સ્પષ્ટ નથી, પરંતુ તે એટલું નજીક હશે કે તેને નાસાની વોચ લિસ્ટમાં મૂકવામાં આવ્યું છે. ધ સ્કાય નિષ્ણાતોએ જણાવ્યું હતું કે "એસ્ટરોઇડ 2008 RW ની શોધ 02 સપ્ટેમ્બર 2008 ના રોજ થઈ હતી. તે 1023 દિવસમાં સૂર્યની આસપાસ એક પરિક્રમા કરે છે.