ચૂંટણી પંચની જાહેરાત પહેલા જ અમુક રાજ્યોમાં અઘોષિત રીતે પ્રચાર શરૂ થઈ ગયું હતું.
કોરોના કેસની સંખ્યામાં થઈ રહ્યો છે નિરંતર વધારો
બંગાળ, કેરળ, તમિલનાડુ, આસામ અને પુદૂચ્ચેરીમાં કોરોના કેસમાં બમ્પર વધારો
પ્રચાર દરમિયાન ઘણી પાર્ટીના નેતા/કાર્યકર્તાઓ કોવિડ પ્રોટોકોલનું પાલન કરતાં નથી દેખાયા
ચૂંટણી પંચ દ્વારા મતદાનની તારીખોની ઘોષણા કર્યા પછીથી જ બંગાળ, તમિલનાડુ, કેરળ, આસામ અને પુદૂચ્ચેરીમાં પ્રચાર કરવાનું શરૂ થઈ ગયું હતું, જો કે આની સાથે જ કોરોના પ્રોટોકોલના પણ ધજાગરા ઉડતા દેખાઈ રહ્યા છે.
અડધીથી વધુ ચૂંટણી કામગીરી પૂરી થઈ ગઈ છે
આવા સમયમાં જ્યારે કે દેશના પાંચ રાજ્યોમાં ચૂંટણી પ્રક્રિયા અડધીથી વધારે સમાપ્ત થઈ ગઈ છે, છેલ્લા 15 દિવસમાં કોરોના પોઝિટિવ કેસ લગભગ બમણા થયા છે. પશ્ચિમ બંગાળ અને આસામ જેવા રાજ્યોમાં ચૂંટણી પંચે મતદાનની તારીખ જાહેર કરે તે પહેલાં જ ચૂંટણી પ્રચાર શરૂ થયો હતો. ચૂંટણી પંચ દ્વારા તારીખોની ઘોષણા કરવામાં આવ્યા બાદ આ અભિયાન જોરશોરથી શરૂ થયું હતું અને આ દરમિયાન, કોરોના પ્રોટોકોલના નિયમો પણ તૂટતાં દેખાઈ રહ્યા હતા. આ જ કારણ છે કે છેલ્લા 14 દિવસમાં, કોરોના કેસોના આંકડામાં વધારો જોવા મળ્યો છે.
ચૂંટણી વાળા રાજ્યોમાં સૌથી વધુ અસરગ્રસ્ત રાજ્ય પશ્ચિમ બંગાળ છે જ્યાં જૂન કેસોની સરખામણીએ 378 ટકાનો વધારો જોવાયો છે. અહીં, કોરોના કેસની 29 માર્ચથી 11 એપ્રિલની વચ્ચે 30,230 પર પહોંચી ગઈ છે. રાજ્યમાં આઠ તબક્કામાં ચૂંટણી યોજાવાની છે, છેલ્લો અને અંતિમ રાઉન્ડ 27 એપ્રિલે પૂરો થશે.
ઇલેક્શન કમિશન બધી તકેદારી લઈ રહ્યું છે
ચૂંટણી પંચ મતદાન કેન્દ્રોમાં સંપૂર્ણ સાવચેતી લઈ રહ્યું છે. બોડી ટેમ્પરેચર મપાઈ રહ્યું છે, હેન્ડ સેનિટાઇઝર પણ વાપરવામાં આવી રહ્યું છે અને મતદારોમાં સોશિયલ ડિસટેન્સિંગ પણ રાખવામાં આવી રહ્યું છે, પરંતુ આ બધા પ્રયત્નો દરમિયાન દરેક રાજકીય પાર્ટી કે નેતાઓ અને તેમના ટેકેદારો ઘણી વાર કોરોના ગાઈડલાઇન્સનું પાલન કરતા જોવા મળ્યા નથી.
કોરોના સંકટની તીવ્રતાનું મૂલ્યાંકન કરતાં ચૂંટણી પંચે શુક્રવારે સાવચેતીભર્યા સૂરમાં કહ્યું કે કોરોના સુરક્ષા નિયમોનું પાલન ન કરતા ઉમેદવારો અને સ્ટાર પ્રચારકો માટે આ અભિયાન પર પ્રતિબંધ લગાવી શકાય છે. જો કે, એ જુદી વાત છે કે પંચની વતી આ ઘોષણા એવા સમયે કરવામાં આવી છે જ્યારે ચૂંટણીની અડધાથી વધુ પ્રક્રિયા પૂરી થઈ ગઈ છે.
બંગાળ સિવાયના રાજ્યોમાં પણ કેસ વધ્યા છે
કોરોના કેસના કિસ્સામાં, અન્ય રાજ્યોની સ્થિતિ પણ બંગાળથી ઘણી અલગ નથી. અસમના કેસોમાં 331%નો વધારો જોવા મળ્યો છે. તમિલનાડુમાં કોરોના કેસોમાં 173 ટકા, કેન્દ્રશાસિત પ્રદેશ પુડ્ડુચેરીમાં પણ છેલ્લા 14 દિવસમાં કેસના વધારાનો દર 170 ટકાથી વધુનો રહ્યો છે. દક્ષિણના રાજ્ય કેરળમાં છેલ્લા 14 દિવસમાં નવા કેસોમાં 84 ટકાનો વધારો નોંધાયો છે.