સટીક વિશ્લેષણ / નીતિન પટેલની મહેસાણા બેઠક પર 32 વર્ષથી ભાજપનું જ રાજપાઠ, આ વખતે નવો ચહેરો રાજ કરશે કે પાઠ ભણાવશે?

• મહેસાણા બેઠક પર ભાજપનો 32 વર્ષથી દબદબો
• ગત ચૂંટણીમાં નીતિન પટેલને 90 હજાર મતો મળ્યા હતા
• ભાજપે મુકેશ પટેલને આપી ટિકિટ

ભાજપનો દબોદબો રહ્યો
ગુજરાતમાં મહેસાણા બેઠક આ ચૂંટણીમાં સૌથી વધુ ચર્ચાસ્પદ બની છે. પૂર્વ નાયબ મુખ્યમંત્રી નીતિન પટેલની જગ્યાએ ભાજપે મહેસાણા જિલ્લા ભાજપ પ્રમુખ મુકેશ પટેલને ટિકિટ આપી છે. આ સીટ પર એવુ માનવમાં આવે છે કે, 1960 પછી ચૂંટણી અને પેટા ચૂંટણી સહિત 14 વાર ચૂંટણી યોજાઈ છે જેમાં સૌથી વધુવાર વિજય ભાજપનો થયો છે.

32 વર્ષથી આ સીટ ભાજપ જીતે છે
છેલ્લા 32 વર્ષમાં આ સીટ ભાજપ જીતતી આવે છે. ભાજપ લગાતાર સાત વાર મહેસાણા બેઠક પરથી જીતી છે. તેના પહેલા સાત વાક ચૂંટણીમાં છવાર કોંગ્રેસ અને એક વાર સ્વતંત્ર પાર્ટી જીતી હતી. 2012 અને 2017માં આ બેઠક પર નીતિન પટેલ જીત્યા છે.  ત્યારે બાદ નીતિન પટેલ નાયબ મુખ્યમંત્રી પણ બન્યા છે. 

નીતિન પટેલને 90 હજાર મતો મળ્યા હતા
2017ની વિધાનસભાની ચૂંટણીમાં નીતિન પટેલે કોંગ્રેસના ઉમેદવાર જીવાભાઈ પટેલને સાત હજારથી વધુ મતોથી હરાવ્યા હતા. જેમાં આ બેઠક પરથી 34 ઉમેદવારો ચૂંટણી લડ્યા હતા અને જેમાંથી 32 ઉમેદવારોની ડિપોઝિટ પણ જપ્ત થઈ ગઈ હતી. જેમાં સૌથી  વધુ નીતિન પટેલને 90 હજારથી વધુ જેટલા વોટ મળ્યા હતાં અને કોંગ્રેસના ઉમેદવાર જીવાભાઈ પટેલને 83,098 મત મળ્યા હતાં. 

15 મહિના અને નીતિન પટેલ
વર્ષ 2017ની વિધાનસભા ચૂંટણીના લગભગ 15 મહિના પહેલા વિજય રૂપાણી મુખ્યમંત્રી બન્યા ત્યારે નીતિન પટેલ પણ મુખ્યમંત્રીના દાવેદાર હતા. જો કે રૂપાણી સરકારમાં તેમને નાયબ મુખ્યમંત્રી બનાવવામાં આવ્યા હતા. 2022ની વિધાનસભા ચૂંટણીના લગભગ 15 મહિના પહેલા જ વિજય રૂપાણીને મુખ્યમંત્રી પદથી અને નીતિન પટેલને નાયબ મુખ્યમંત્રી પદ પરથી હટાવ્યા હતા.

નીતિન પટેલનો કડીમાં દબદબો
2012ની વિધાનસભા ચૂંટણી પહેલા ભાજપના નીતિન પટેલ કડીથી જીતતા હતા. તેમણે કોંગ્રેસના નટવર લાલને 24 હજારથી વધુના માર્જીનથી હરાવ્યા હતા. જે ચૂંટણીમાં 14 ઉમેદવારો મેદાનમાં હતા. ભાજપ અને કોંગ્રેસના ઉમેદવારોને બાદ કરતાં બાકીના 12 ઉમેદવારોની ડિપોઝીટ પણ જપ્ત થઈ હતી. 2012ની વિધાનસભાની ચૂંટણી પહેલા નીતિન પટેલ મહેસાણા જિલ્લાની કડી બેઠક પરથી ચૂંટણી લડતા હતા.  

સાતમાંથી પાંચ ભાજપને મળી હતી
આ શહેરી બેઠક પર પટેલ મતદારોનો દબદબો છે અને જે નિર્ણાયક ભૂમિકા ભજવે છે. નીતિન પટેલ આ વખતે ચૂંટણીની રેસમાંથી બહાર છે ત્યારે ભાજપે આ વખતે મુકેશ પટેલને આ બેઠક પરથી ઉતાર્યા છે. આ સીટ પર બીજા તબક્કામાં 5 ડિસેમ્બરે મતદાન થશે જેનો પરિણામ 8 ડિસેમ્બરે આવશે. મહેસાણા જિલ્લામાં વિધાનસભાની સાત બેઠકો છે જો વાત કરીએ 2017ની તો ભાજપે જિલ્લાની સાતમાંથી પાંચ બેઠકો જીતી હતી તો કોંગ્રેસે બે બેઠકો જીતવામાં સફળ રહી હતી.   

આ બેઠકનું જ્ઞાતિ ગણિત
મહેસાણા વિધાનસભાની મતદારયાદી પરથી જાણી શકાય છે અહીં સૌથી વધુ મત પટેલો 55828 છે, ઠાકોરોના 43919 મત છે તેમજ પ્રજાપતિ સમાજના 16726 છે. અહી રાવળના 9619 અને ચૌધરી સમાજના 7548 મત છે.

જુઓ, મહેસાણા બેઠકની અટક પ્રમાણેની યાદી....