મહાસત્તા..ફેલ / સુપર પાવર બનવા મથતા ચીનને મોટો ફટકો, આ કાર્યમાં મળી મોટી નિષ્ફળતા

• ચીનને છે અવકાશી સુપર પાવર બનવાના અભરખા
• સેટેલાઈટ લોન્ચિંગ પરીક્ષણમાં મળી મોટી નિષ્ફળતા 
• અવકાશમાં છોડેલો ઉપગ્રહ માર્ગ ભટક્યો અને ક્રેશ થઈ ગયો 

ચીનની અંતરિક્ષ એજન્સીઓ મિશનની નિષ્ફળતાના કારણોની તપાસ કરી રહી છે. નોંધનીય છે કે હજુ થોડો સમય પહેલા જ ચીનનુઈ એક અન્ય અવકાશી મિશન લોન્ચિંગ ફેલ થઈ ગયું હતું. ચીનને વૈજ્ઞાનિક શોધખોળ કરતા જલ્દીથી બીજા દેશોથી આગળ નીકળી જઈને વર્લ્ડમાં પોતાની ધાક જમાવી અને બનાવી રાખવામાં વધુ રસ છે. જો કે તેની આ જ લાલસા તેને વધુ નિષ્ફળતાઓ તરફ દોરી જઈ રહી છે. 

ચીની અખબારે કહ્યું, સેટેલાઈટ તેની કક્ષામાં પહોંચવામાં નિષ્ફળ રહ્યો 

ચીનના સત્તાવાર અખબાર ગ્લોબલ ટાઇમ્સે એક ન્યૂઝ રિપોર્ટ પ્રકાશિત કર્યો જેમાં જણાવ્યું છે કે ચીનના ઓપ્ટિકલ રિમોટ સેન્સિંગ સેટેલાઇટ જિલિન -1 ગોફેન 02 સી( Jilin-1 Gaofen 02C) તેની પૂર્વનિર્ધારિત કક્ષામાં પહોંચવામાં નિષ્ફળ ગયો છે.

તેને ગોબી રણમાં જીકુઆન સેટેલાઇટ લોન્ચ સેન્ટરથી સ્થાનિક સમય પ્રમાણે 1 વાગીને 2 મિનિટ પર લોન્ચિંગ કરાયો હતો. ઉપગ્રહને Kuaizhou-1a સોલિડ રોકેટથી લોન્ચ કરવામાં આવ્યો હતો. પ્રક્ષેપણ કેન્દ્રએ જણાવ્યું હતું કે પ્રક્ષેપણ સમયે સેટેલાઇટ પ્રવૃત્તિઓ અસામાન્ય બની ગઈ હતી અને મિશન નિષ્ફળ ગયું. નિષ્ણાતોએ જણાવ્યું છે કે ઉપગ્રહ અવકાશમાં ભટકી ગયો છે અને ક્રેશ થઈ ગયો છે.

ચીનની 2020માં આ ચોથી અવકાશીય નિષ્ફળતા છે

વિશ્વ બહારના અવકાશી મિશનો પર નજર રાખવા વાળી વેબ્સાઈટ સ્પેસ ન્યૂઝ ડોટ કોમ અનુસાર, Jilin-1 Gaofen 02C સેટેલાઈટ કથિત રૂપથી હાઇ રેઝોલ્યુશન કેમેરાથી સજ્જ હતો. આ વેબ્સાઈટના અનુસાર 2020 માં ચીને 26 લોન્ચ પ્રોગ્રામ હાથ ધર્યા હતા જેમાં આ તેની અત્યાર સુધીની ચોથી નિષ્ફળતા છે.