asia cup 2023 / ભારત-પાકની મેચ બાદ ક્રિકેટ રસિયાઓ માટે મોટા સમાચાર, એશિયા કપની મેચો થશે શિફ્ટ, જાણો કેમ

• એશિયા કપ 2023 મામલે સૌથી મોટા સમાચાર
• કોલંબોમાં ભારે વરસાદને પગલે એશિયા કપની મેચો થઈ શકે છે શિફ્ટ  
• પલ્લેકેલે અથવા દામ્બુલામાં યોજાઈ શકે છે મેચ

ક્રિકેટપ્રેમીઓ જેની આતુરતાથી રાહ જોઈ રહ્યા હતા તે ભારત અને પાકિસ્તાન વચ્ચેની મેચની મજામાં ગઈકાલે વરસાદે વિઘ્ન પાડ્યું હતું. એશિયા કપ 2023 ની આ જોરદાર મેચ વરસાદને કારણે બગડી ગઇ હતી હવે આ મામલે સૌથી મોટા સમાચાર સામે આવી રહ્યા છે. કોલંબોમાં ભારે વરસાદને પગલે એશિયા કપની મેચો શિફ્ટ કરવામ અંગે નિર્ણય લેવાઈ શકે છે.

કોલંબોમાં આયોજીત મેચ પલ્લેકેલે અથવા દામ્બુલામાં યોજાઈ શકે છે
હવામાન વિભાગના જણાવ્યા અનુસાર કોલંબોમાં વરસાદ રોકાય તેવી કોઈ શક્યતા ન હોય એને આગામી સમયમાં પણ ભારે વરસાદ પડે તેવા અણસાર હોવાથી એશિયન ક્રિકેટ કાઉન્સિલ દ્વારા આવતા સપ્તાહે યોજાનાર સુપર 4 મેચોને શિફ્ટ કરવા વિચાર કરી હોવાના અહેવાલો મળી રહ્યા છે. જેને પગલે હવે કોલંબોમાં આયોજીત મેચ પલ્લેકેલે અથવા દામ્બુલામાં યોજાઈ શકે છે.

વરસાદ વચ્ચે શ્રીલંકા ક્રિકેટ બોર્ડ દ્વારા વરસાદની શક્યતા ઓછી તેવા શુષ્ક પ્રદેશ ડાંબુલામાં મેચના આયોજન અંગે સૂચન કરાયું હતું.પરંતુ બ્રોડકાસ્ટર્સ અને ક્રિકેટ ટીમો ડાંબુલાનો પ્રવાસ ન ખેડવા માંગતા હોવાથી આ સ્થિતિમાં પલ્લેકેલે અને કોલંબોની પસંદગી કરવામાં આવી શકે છે. આ બંને સ્થળોએ પણ મેઘમહેર અવિરત ચાલી રહી છે.

હવે ACC એ મેચને શિફ્ટ કરવા અંગે વિચારણા શરૂ કરી છે. પ્રથમ મેચ 9મી સપ્ટેમ્બરે કોલંબોમાં અને પાકિસ્તાનમાં 2 વધુ મેચ રમવાની છે. ત્યારે ACC આગામી 2 દિવસમાં સ્થળ અંગે નિર્ણય કરશે.