- અરવિંદ કેજરીવાલ તથા ઇસુદાન ગઢવીની VTV ન્યૂઝ સાથે ખાસ વાતચિત
- કોંગ્રેસની પાંચ જ સીટ આવશે : અરવિંદ કેજરીવાલ
- કોંગ્રેસ ગુજરાતમાં શૂન્ય થઇ રહી છે : ઇસુદાન ગઢવી
ગુજરાતમાં ચુંટણીનો જોરદાર માહોલ જામ્યો છે. તમામ પક્ષો જીત અને પોતાની સરકાર બનતી હોવાના દાવા કરી રહ્યા છે. તેવામાં આમ આદમી પાર્ટીના સર્વેસર્વા અને દિલ્હીના મુખ્યમંત્રી અરવિંદ કેજરીવાલ તથા ગુજરાત આપના મુખ્યમંત્રીના ચહેરા ઇસુદાન ગઢવીએ VTV ન્યૂઝ સાથે ખાસ વાતચિત કરી હતી.
સવાલ: હિન્દુત્વના નામે ભાજપના મત મેળવવા પ્રયાસ ..?
ચલણી નોટો પર હિન્દુ દેવી-દેવતાના ફોટા લગાવવાની વાત કરી હિન્દુત્વના નામે ભાજપના મત મેળવવા આપ દ્વારા પ્રયાસ કરાતા હોવાની વાતના જવાબમાં અરવિંદ કેજરીવાલે કહ્યું હતું. આમાં મારી કોઈ રાજનીતિ નથી લક્ષ્મીજીને ધનની દેવી માનવામાં આવે છે. જેથી તેમનો ફોટો લગાવવાથી કૃપા પ્રાપ્ત થાય છે. તેમના આશીર્વાદ માટે તસ્વીર લગાવીએ તો તેમાં સમસ્યા શું છે. તેમ કહીને કેજરીવાલે ઉમેર્યું કે આખા દેશમાંથી કોઈને આમ કરવાથી વાંધો નથી. તો ભાજપને કેમ પ્રશ્ન ઊભા થાય છે?
સવાલ : લોકોના મતોનું ધ્રુવીકરણ થશે?
આ સવાલના જવાબમાં આપના સીએમ પદના ચેહરા ઇસુદાન ગઢવીએ કહ્યું હતું કે ગુજરાતમાં ત્રિપંખીયો જંગ છે જ નહી! માત્ર ભજપની સામે આપની આશા અને ઉદયનો આ જંગ છે. આપના વિજયની સાથે જ શિક્ષણ ફ્રી સસ્તી થશે. જેનો તમામ ગુજરાતીઑને લાભ થશે.મોરબીની ઘટનાને ટાંકીને ઇસુદાન ગઢવીએ જણાવ્યું કે 150 થી વધૂ લોકોના મોત થયા હોવા છતાં કોઈ મંત્રીના રાજીનામાં લેવાયા નથી. હવે આપ ગુજરાતમાં એક મજબૂત વિકલ્પ બની ગયા હોવાનું જણાવ્યું હતું. જ્યારે કોંગ્રેસ ગુજરાતમાં શૂન્ય થઇ રહી હોવાનું પણ કહ્યું હતું.
સવાલ : ટિકિટ માટે આપનો માપદંડ શું રહ્યો ?
ટિકિટ માટેના માપદંડ અંગે અરવિંદ કેજરીવાલે કહ્યું હતું કે અમારો એક એક ઉમેદવાર ભણેલ ગણેલ અને સામાન્ય પરિસ્થિતિમાંથી આવતો હોય તેવા છે. ઉપરાંત મોટા ભાગના ઉમેદવારો પ્રથમ વખત ચુંટણી લડી રહ્યાં છે.
સવાલ : ગુજરાતમાં આપની સરકાર બનશે તો કેબીનેટમાં પ્રથમ ત્રણ કયા નિર્ણય હશે?
આપની કેબીનેટમાં પ્રથમ ત્રણ કયા નિર્ણય હશે? તેના જવાબમાં આમ આદમી પાર્ટીના સંયોજન અરવિંદ કેજરીવાલે જણાવ્યું હતું. પ્રથમ તો 1 માર્ચથી રાજ્યમાં દરેક ઘરોમાં મફત વિજળીની જાહેરાત કરી દેવામાં આવશે. જ્યારે મોંઘવારી અને ખાસ સૌથી મોટી સમસ્યા બેરોજગારી છે આ રાક્ષશને નાથવા અંગેના નિર્ણય કરી અને પ્રથમ કેબીનેટમાં જ તેની જાહેરાત કરી દેવામાં આવશે. તેવો કેજરીવાલે દાવો કર્યો હતો.
સવાલ : ગુજરાતમાં વિપક્ષની કેટલી સીટ આવશે ?
સીટ અંગેના સવાલમાં કેજરીવાલે કહ્યું હતું કે ગુજરાતમાં કોંગ્રેસની 5 સીટ જ આવશે.આથી કોંગ્રેસને મત આપવો બેકાર છે. વધુમાં આપની સીટ અને અન્ય સીટો અંગે ચુંટણી અગાઉ જણાવવાનું અરવિંદ કેજરીવાલે અંતમાં ઉમેર્યું હતું.
