IPLIN
 

ચિરવિદાય / અરૂણ જેટલીનું નિધન, ઉપરાષ્ટ્રપતિ એમ વેંકૈયા નાયડૂએ આપી શ્રદ્ધાંજલિ

Team VTV 09:40 PM, 24 Aug 19 | Updated: 09:58 PM, 24 Aug 19
Follow us
arun jaitley passes away

ભારતનાં પૂર્વ નાણાંમંત્રી અને ભાજપના વરિષ્ઠ નેતા અરૂણ જેટલીનું  66 વર્ષની ઉંમરે અવસાન થયું છે. દિલ્હીની AIIMS ખાતે આજે બપોરે 12.07 વાગ્યે અંતિમ શ્વાસ લીધાં હતા. ઉલ્લેખનીય છે કે છેલ્લાં ઘણાં દિવસથી તબિયત લથડતાં AIIMS હોસ્પિટલ દાખલ કરાયાં હતાં. તેઓનાં આવતી કાલે 2 વાગ્યે નિગમબોધ ઘાટ પર અંતિમ સંસ્કાર કરાશે.

AIIMS દ્વારા આજે પ્રેસ રિલીઝ જાહેર કરીને જણાવવામાં આવ્યું હતું કે અમે ભારે દુઃખ સાથે જણાવીએ છીએ કે 24 ઓગસ્ટના રોજ 12.07 મિનિટે અરૂણ જેટલી આપણી વચ્ચે નથી રહ્યાં. ઉલ્લેખનીય છે કે અરૂણ જેટલીને 9 ઓગસ્ટના રોજ AIIMSમાં દાખલ કરવામાં આવ્યાં હતાં અને વરિષ્ઠ ડોક્ટર્સની ટીમ તેમનો ઈલાજ કરી રહી હતી.

ઉપરાષ્ટ્રપતિ એમ વેંકૈયા નાયડૂએ અરુણ જેટલીના ઘરે જઇ શ્રદ્ધાંજલિ આપી.

અરૂણ જેટલીના નિધન પર પ્રધાનમંત્રી મોદીએ પણ ટ્વિટ કરીને દુઃખ વ્યક્ત કર્યુ હતું. તેમણે લખ્યું હતું કે "અરૂણ જેટલી રાજકીય જગતના એક દિગ્ગજ નેતા હતા અને તેમનો ભારતના નિર્માણમાં ફાળો રહ્યો હતો. તેમની વિદાય એક મોટી ખોટ છે. તેમની પત્ની સંગીતાજી અને પુત્ર રોહન સાથે વાત કરીને સાંત્વના પાઠવી. ઓમ શાંતિ.

 

સોનિયા-રાહુલ અને મનમોહનસિંહે જેટલીને પાઠવી શ્રદ્ધાંજલિઃ

સોનિયા ગાંધી, રાહુલ અને મનમોહનસિંહે જેટલીને શ્રદ્ધાંજલિ પાઠવી. તે વેળાએ સોનિયા ગાંધી  ભાવુક થઇ ગયાં.

બીજેપીનાં દિગ્ગજ નેતા લાલકૃષ્ણ અડવાણીએ અરૂણ જેટલીને આપી શ્રદ્ધાંજલિઃ

અરૂણ જેટલીનાં નિધન પર રાહુલ ગાંધીએ શોક દર્શાવ્યોઃ

પ્રધાનમંત્રી નરેન્દ્ર મોદી તરફતી પણ રક્ષામંત્રી રાજનાથ સિંહે દિવંગત અરૂણ જેટલીને શ્રદ્ધાંજલિ અર્પી

અરવિંદ કેજરીવાલે અરૂણ જેટલીને અર્પી શ્રદ્ધાંજલિઃ

દિલ્હીનાં મુખ્યમંત્રી અરવિંદ કેજરીવાલ અને ઉપમુખ્યમંત્રી મનીષ સિસોદિયાએ પૂર્વ નાણાંમંત્રી અરૂણ જેટલીનાં ઘરે જઇને શ્રદ્ધાંજલિ પાઠવી.

વિદેશમંત્રી જયશંકર પ્રસાદે દિવંગત પૂર્વ નાણાંમંત્રી અરૂણ જેટલીને શ્રદ્ધાંજલિ આપી.

અરૂણ જેટલીનાં ઘરે શ્રદ્ધાંજલિ આપવા પહોંચ્યા રામનાથ કોવિંદ અને જ્યોતિરાદિત્ય સિંધિયા.

ગૃહમંંત્રી અમિત શાહે અરૂણ જેટલીને પાઠવી શ્રદ્ધાંજલિઃ

ગૃહમંત્રી અમિત શાહ ભાજપનાં અધ્યક્ષ જે.પી નડ્ડા સહિત અરૂણ જેટલીનાં ઘરે પહોંચ્યાં છે. તેઓએ અરૂણ જેટલીને શ્રદ્ધાંજલિ પાઠવી છે.

અટલજીનાં નિધનનાં એક વર્ષ દરમ્યાન બીજેપીએ અનેક દિગ્ગજ નેતાઓ ખોયાં: પ્રકાશ જાવડેકર
​
કેન્દ્રીય મંત્રી પ્રકાશ જાવડેકરે અરૂણ જેટલીનાં નિધન પર દુઃખ જતાવતા કહ્યું કે, 'અટલજીનાં દેહાંતનાં એક વર્ષની અંદર ભારતીય જનતા પાર્ટીએ પોતાનાં અનેક દિગ્ગજ નેતાઓને ખોઇ દીધાં છે. અટલજી બાદ અનંત કુમાર, મનોહર પર્રિકર અને સુષ્મા સ્વરાજ ને હવે જેટલી.'

અરૂણ જેટલીનાં નિધન પર ટીમ ઇન્ડીયાએ દર્શાવ્યું દુઃખ, મેદાન પર કાળી પટ્ટી બાંધીને ઉતરશે ખેલાડીઓઃ

સાંજનાં 5 વાગ્યે અરૂણ જેટલીને શ્રદ્ધાંજલિ આપશે CM કમલનાથઃ

મધ્યપ્રદેશનાં મુખ્યમંત્રી કમલનાથ સિંહ સાંજનાં 5 વાગ્યે દિવંગત પૂર્વ નાણાંમંત્રી અરૂણ જેટલીને તેમનાં ઘરે જઇને શ્રદ્ધાંજલિ આપશે.

ઘરે પહોંચ્યો અરૂણ જેટલીનો પાર્થિવ દેહઃ
પૂર્વ નાણાંમંત્રી અરૂણ જેટલીનો પાર્થિવ દેહ એમ્સથી તેમનાં કૈલાશ કોલોની સ્થિત આવાસ પર પહોંચી ગયો છે. કાલે 10 વાગ્યે તેમનાં પાર્થિવ દેહને ઘરે અંતિમ દર્શન માટે રાખવામાં આવશે. ત્યાર બાદ બીજેપી મુખ્યાલય લાવવામાં આવશે.

તમને જણાવી દઇએ કે આવતી કાલે બે વાગ્યે નિગમબોધ ઘાટ પર અરૂણ જેટલીનાં અંતિમ સંસ્કાર કરાશે. અરૂણ જેટલીનાં પાર્થિવ શરીરને તેમનાં કૈલાશ કોલોની સ્થિત રહેઠાણ પર લાવાવામાં આવશે. ત્યાર બાદ સવારનાં 10 વાગ્યે પાર્ટી ઓફિસમાં અંતિમ દર્શન માટે મૂકવામાં આવશે. 2 વાગ્યે નિગમબોધ ઘાટ પર અંતિમ સંસ્કાર થશે.

એલ કે અડવાણીએ કહ્યું, 'શાનદાર સાંસદ અને પ્રશાસક હતાં જેટલી'

બીજેપીનાં વરિષ્ઠ નેતા લાલકૃષ્ણ અડવાણીએ પણ અરૂણ જેટલીનાં નિધન પર શોક દર્શાવ્યો. તેમણે કહ્યું કે, કાયદાકીય વિદ્ધાન હોવાં સિવાય તેઓ એક શાનદાર સાંસદ અને પ્રશાસક હતાં.

જેટલીજીનું જવું એ મારા માટે વ્યક્તિગત ક્ષતિઃ અમિત શાહ

ગૃહમંત્રી અમિત શાહે દુ:ખ વ્યક્ત કરતા કહ્યું કે, ''અરૂણ જેટલીનાં નિધનથી ખૂબ જ દુખી છું. જેટલીજીનું જવું મારા માટે વ્યક્તિગત ક્ષતિ છે. તેમના રૂપે સંગઠનાના એક નેતાની સાથે પરિવારનો એક અભિન્ન સભ્ય પણ ગુમાવ્યા. જેમનો સાથ અને માર્ગદર્શન મને વર્ષો સુધી મળ્યું.''

રાજનાથ સિંહે પણ દુઃખ વ્યક્ત કરતા જણાવ્યું હતું કે, 'મેં મારા સારા મિત્રને ગુમાવી દીધાં.'

RSS પ્રમુખ મોહન ભાગવત અને સરકાર્યવાહે આપી જેટલીને શ્રદ્ધાંજલિઃ

એસ જયશંકરે આ રીતે આપી વિદાયઃ

રવિશંકર પ્રસાદે કહ્યું, 'મારા મોટા ભાઇ જેવાં હતાં':

આપણાં વરિષ્ઠ નેતા અરૂણ જેટલીજીનાં નિધનથી ભારે શોક વ્યક્ત થયો છે. તેઓ મારા મોટા ભાઇની જેમ હતાં અને અમે બંનેએ વિદ્યાર્થી જીવનથી 45 વર્ષો સુધી સાથે કામ કર્યુ છે. તેઓ અદભુત નેતૃત્વ અને અસાધારણ પ્રતિભાનાં ધણી હતાં. આપણને સૌને તેમની ખૂબ યાદ આવશે. મારી સંવેદના તેમનાં પરિવારની સાથે જ છે.

યોગી આદિત્યનાથે રદ્દ કરી મથુરાની મુલાકાતઃ

જન્માષ્ટમીનાં મોકા પર યૂપીનાં મુખ્યમંત્રી યોગી આદિત્યનાથ મથુરા જનારા હતાં. પરંતુ અરૂણ જેટલીનાં નિધન બાદ તેમણે આ મુલાકાતને રદ્દ કરી દીધી છે. તેઓ દિલ્હી આવી રહ્યાં છે.

જેટલીનાં નિધન પર યોગી આદિત્યનાથે પણ દુઃખ વ્યક્ત કર્યુ:

યૂપીનાં પૂર્વ સીએમ યોગી આદિત્યનાથે પણ જેટલીનાં નિધન પર ભારે દુઃખ વ્યક્ત કર્યુ. તેમણે લખ્યું કે, દેશનાં પ્રખ્યાત વિધિવેત્તા અને પૂર્વ કેન્દ્રીય નાણાંમંત્રી અરૂણ જેટલીનાં નિધનનાં સમાચારથી હું સ્તબ્ધ છું. જેટલીજી વિદ્યાર્થી જીવનમાં જ ભાજપમાં જોડાયાં, આપાતકાળ વિરૂદ્ધ અવાજ ઉઠાવ્યો કે આજીવન સકારાત્મક રાજનીતિની સાથે સાથે માં ભારતીની સેવા કરતા રહ્યાં.

તેમણે આગળ વધુ એક ટ્વિટમાં એમ જણાવ્યું કે, અરૂણ જેટલીનું જવું એ દેશ અને સમાજની એવી અપૂરણીય ક્ષતિ છે કે જેનાં ખાલીપાનો અહેસાસ આપણે લાંબા સમય સુધી કરતા રહીશું. ઇશ્વરને પ્રાર્થના કરીએ છીએ કે પુણ્યાત્માને તેઓ પોતાનાં શ્રી ચરણોમાં સ્થાન આપે અને પરિવારજનોને આ અપાર દુઃખને સહન કરવાની શક્તિ આપે. ॐ શાંતિ:

નીતિન ગડકરીએ કહ્યું, 'દેશને સદાય તેમની ઉણપ રહેશે':


નિશબ્દ છું, અરૂણજીને મારી ભાવભીની શ્રદ્ધાંજલિ. દેશને તેમની ઉણપ હંમેશા રહેશે. રાજ્યસભામાં પક્ષ અને વિપક્ષમાં રહેતા તેમનાં ભાષણ હંમેશા ચિરન્તન રહેશે. આપણાં બે મોટાં નેતાઓનું એક બાદ એક જતા રહેવું એ એક વજ્રાઘાત સમાન છે. અરૂણજીની દિવંગત આત્માને શાંતિ મળે એ પ્રાર્થના. ॐ શાંતિ:

શિવપાલ યાદવ બોલ્યાં, 'જેટલીનાં નિધનથી સ્તબ્ધ અને આહતઃ

પ્રખર વક્તા, અધિવક્તા, રાજ્યસભામાં યૂપીનું પ્રતિનિધિત્વ કરનાર ભાજપનાં વરિષ્ઠ નેતા અને પૂર્વ કેન્દ્રીય મંત્રી અરૂણ જેટલીની સૂચનાથી સ્તબ્ધ અને આહત છું. તેમનું નિધન રાષ્ટ્ર માટે મોટું નુકસાન છે. ઇશ્વર તેમની આત્માને શાંતિ પ્રદાન કરે અને પરિવારજનોને દુઃખ સહન કરવાની શાંતિ અર્પે.

ચીની એમ્બેસીએ દુઃખ વ્યક્ત કર્યું:

ભારતમાં ચીનીની એમ્બેસીએ પણ અરૂણ જેટલીનાં નિધન પર દુઃખ વ્યક્ત કર્યુ છે. તેઓએ કહ્યું કે, 'અરૂણ જેટલીનાં નિધન પર અમે ખૂબ દુઃખી છીએ. તેમનાં પરિવાર પ્રત્યે અમે સંવેદના પ્રગટ કરીએ છીએ.'

અખિલેશ યાદવે જેટલીને પાઠવી શ્રદ્ધાંજલિઃ


અરૂણ જેટલીજી એક કુશલ વક્તા, સફળ અધિવક્તા અને સૌમ્ય રાજનીતિજ્ઞનાં રૂપમાં સદૈવ સ્મરણીય રહેશે. વિનમ્ર શ્રદ્ધાંજલિ! ઇશ્વર તેમની આત્માને શાંતિ પ્રદાન કરે. શોકાકુળ પરિવારજનો પર્ત્યે હાર્દિક સંવેદના.

લતા મંગેશકરે આ રીતે અર્પી શ્રદ્ધાંજલિઃ


મહાન ગાયક લતા મંગેશકરે પણ અરૂણ જેટલીનાં નિધન પર ભારે શોક વ્યક્ત કર્યો છે. તેમણે લખ્યું કે, અરૂણ જેટલીનાં નિધનથી ભારે દુઃખ થયું છે. એક ગતિશીલ નેતા, સજ્જન વ્યક્તિ અને અમારા પૂર્વ મંત્રી. ખૂબ જ વિનમ્રતાથી તેઓ મને મળવા આવ્યાં હતાં અને અમે ખૂબ મોડેક સુધી વાત કરી. તેમની યાદને વાગોળતા તેમનાં પરિવાર પ્રત્યે હાર્દિક સંવેદના.

કોંગ્રેસે અરૂણ જેટલીને આ રીતે અર્પી શ્રદ્ધાંજલિઃ

રઘુબર દાસે કહ્યું, 'તેમનાં યોગદાનને દેશ હંમેશા યાદ કરશે'

સોનિયા ગાંધીએ પણ શોક વ્યક્ત કર્યોઃ
કોંગ્રેસની અંતરિમ અધ્યક્ષ સોનિયા ગાંધીએ અરૂણ જેટલીનાં અસામયિક નિધન પર ઘેરો શોક અને દુઃખ વ્યક્ત કર્યુ છે. તેમનાં મૃત્યુ પર શોક વ્યક્ત કરતા તેઓએ કહ્યું કે, જેટલીએ એક સાર્વજનિક વ્યક્તિ, સાંસદ અને મંત્રીનાં રૂપમાં એક લાંબી ઇનિંગ રમી અને સાર્વજનિક જીવનમાં તેમનાં યોગદાનને હંમેશા યાદ રાખવામાં આવશે.

દિગ્વિજય સિંહે આ રીતે જેટલીને અર્પી શ્રદ્ધાંજલિઃ
અરૂણ જેટલી નહીં રહે. તેઓ ઘણાં લાંબા સમયથી બીમાર હતાં. તેમનાં નિધનથી ભારતીય રાજનીતિને અપૂર્ણીય ક્ષતિ પહોંચી છે. તેઓ સારા વકીલ, સારા સાંસદ હોવાંને કારણ એક સારા વ્યક્તિ પણ હતાં. હું તેમને શ્રદ્ધાંજલિ અર્પણ કરું છું અને ઇશ્વરને પ્રાર્થના કરું છું કે ભગવાન તેમની આત્માને શાંતિ પ્રદાન કરે.

બીજી બાજુ કોંગ્રેસ તરફથી પણ અરૂણ જેટલીનાં નિધન પર કપિલ સિબ્બલે પણ દુઃખ વ્યક્ત કર્યુ હતું.

શશી થરૂરે ટ્વિટ કરીને જેટલીના નિધન પર શોક વ્યક્ત કર્યુ હતું. તેમણે કહ્યું કે તેમણે પોતાના મિત્ર અને દિલ્હી યુનિવર્સિટીના સીનિયરના નિધન  પર ઘણાં દુઃખી છે. અમે સૌપ્રથમ ત્યારે મળ્યાં હતાં જ્યારે તેઓ દિલ્હી યુનિવર્સિટી છાત્ર સંઘમાં હતા અને સૅન્ટ સ્ટીફન્સ કૉલેજ યુનિયનના અધ્યક્ષ હતાં.

કાર્યકાળ દરમ્યાન ઘણાં મંત્રાલયો સંભાળ્યા

અરૂણ જેટલીનો જન્મ 28 ડિસેમ્બર 1952માં થયો હતો. અરૂણ જેટલીએ નાણા મંત્રાલય, કોર્પોરેટ અફેર્સ મંત્રાલય, સરક્ષંણ મંત્રાલય અને માહિતી અને પ્રસારણ મંત્રાલય સંભાળેલ છે. જેટલી રાજ્યસભાના સભ્ય રહ્યા છે. તેઓ ક્યારેય લોકસભાના સભ્ય તરીકે ચૂંટાયા નથી. જેટલી 1991થી ભારતીય જનતા પાર્ટીની રાષ્ટ્રીય કાર્યકારિણીની સદસ્ય હતાં. તેઓ 1999ની લોકસભાની ચૂંટણી પહેલાં ભાજપના પ્રવક્તા બની ગયાં હતાં. 

આ સપ્તાહમાં તમામ દિગ્ગજ નેતાઓ ખબર અંતર પૂછી આવ્યાં હતાં

અત્રે ઉલ્લેખનીય છે કે, અરૂણ જેટલીને દાખલ કરવામાં આવ્યા બાદ એક પછી એક નેતાઓ ખબર અંતર પહોંચ્યા હતાં. 9 ઓગસ્ટે પણ તેમની નાદુરસ્ત તબિયતના પગલે પ્રધાનમંત્રી મોદી સહિત ગૌતમ ગંભીર, કાયદા મંત્રી રવિશંકર પ્રસાદ, જે.પી નડ્ડા, શરદ યાદવ, મિનાક્ષી લેખી, રાજનાથ સિંહ, લોકસભા સ્પીકર ઓમ બિરલા જેવાં ટોચનાં નેતાઓ તેમની ખબર પૂછી આવ્યાં હતાં. 

સોફ્ટ ટિશ્યુ કેન્સરથી પીડિત હતાં જેટલી

અરૂણ જેટલીનું કિડની ટ્રાન્સપ્લાન્ટ થયું ત્યાર બાદ જેટલીના ડાબા પગમાં સોફ્ટ ટિશ્યું કેંસર થઇ ગયું હતું જેની સર્જરી માટે તેઓ આ વર્ષે જાન્યુઆરીમાં અમેરિકા પણ ગયા હતા. ચાલુ વર્ષે મે મહિનામાં પણ જેટલીને સારવાર માટે દાખલ કરાયા હતા. વ્યવસાયે વકીલ એવા જેટલી મોદી સરકારના એક મહત્ત્વના હિસ્સો છે. મોદીની પ્રથમ સરકારમાં તેઓ નાણા મંત્રી હતા, પરંતુ તબીયત ખરાબ રહેતી હોવાના કારણે તેઓ આ વખતે લોકસભા કે રાજ્યસભાની ચૂંટણી લડયા ન હતા અને મંત્રી મંડળમાં પણ રહ્યા ન હતા.

પત્ર લખીને મંત્રીમંડળમાંથી બહાર રહેવાનો નિર્ણય કર્યો હતો  

છેલ્લા ઘણા સમયથી અરૂણ જેટલી અસ્વસ્થ હતાં અને આ જ કારણે બીજી વખત મોદી સરકારની કેબિનેટમાં રહેવાનો પણ ઇન્કાર કરી દીધો હતો. અરૂણ જેટલીએ વડાપ્રધાન મોદીને પત્ર લખીને મંત્રીમંડળમાં સમાવિષ્ટ નહી થવાની ઇચ્છા વ્યક્ત કરી હતી. અરૂણ જેટલીએ ટ્વીટર પર પત્ર શેર કરતા લખ્યું હતું કે, છેલ્લા 18 મહિનાથી હું બિમાર છું. મારી તબિયત ખરાબ છે, એટલા માટે મારો મંત્રીમંડળમાં સમાવેશ ન કરવામાં આવવો જોઇએ.

Arun Jaitley Arun Jaitley Death News અરૂણ જેટલી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ