નિર્ણય / આ પડોશી દેશથી પણ ભારતને ખતરો, સેનાએ સરહદ પર અમેરિકાની તોપ ગોઠવવાનું કર્યું નક્કી

• ભારતીય સેનાનો મહત્વનો નિર્ણય
• અરૂણાચલ પ્રદેશની સીમા પર ગોઠવશે હોવિત્જર તોપ
• પાક અને ચીન વચ્ચે વધી રહેલા ઘર્ષણને પગલે લેવાયો નિર્ણય

ઉલ્લેખનીય છે કે, પાકિસ્તાન અને ચીન સાથે ઘર્ષણ વધી રહ્યું છે તેવા સમયે અલ્ટ્રાલાઈટ હોવિત્જરને પૂર્વી સીમા પર તૈનાત કરવાનો મહત્વનો નિર્ણય લેવાયો છે. હોવિત્જર તોપને એક જગ્યાએથી બીજી જગ્યાએ લઈ જવા માટે ભારતે અમેરિકન ચિનૂક હેલિકોપ્ટર્સ પણ ખરીદ્યા છે. વર્ષ 2015માં ભારતે અમેરિકા સાથે ચિનૂક માટે કરાર કર્યો હતો જેમાંથી 6 હેલિકોપ્ટર્સની ડિલિવરી મળી ચૂકી છે. 

એકદમ હલકા વજનવાળી તોપ 

તો, સેનામાં આધૂનિકીકરણના દૌરમાં હોવિત્જર ભારત માટે ફતેહનું કારણ બની શકે છે. હોવિત્જર તોપ અમેરિકામાં બનેલી એકદમ હલકા વજનવાળી તોપ છે. અફઘાનિસ્તાન અને ઈરાકના યુદ્ધમાં અમેરિકાએ તેનો ઉપયોગ કર્યો છે. 

અમેરિકા, કેનેડા તથા ઓસ્ટ્રેલિયા કરી રહ્યા છે હોવિત્જરનો ઉપયોગ 

તો, હાલમાં અમેરિકા, કેનેડા અને ઓસ્ટ્રેલિયા હોવિત્જર તોપનો ઉપયોગ કરે છે. તેના વજનની ખાસિયતને કારણે પર્વતો પર સહેલાઈથી પહોંચાડી શકાય છે. મારક ક્ષમતાને કારણે હોવિત્જર તોપ આપણા સૈનિકોની શક્તિ અને જોશ વધારી શકે છે. જે ફોરવર્ડ પોસ્ટ પર પહોંચતા સૈનિકોને બે દિવસ લાગે છે, તેવા દુર્ગમ વિસ્તારોમાં હોવિત્જર માત્ર કલાકોમાં હેલિકોપ્ટર દ્વારા પહોંચાડી શકાય છે.