બીલિંગ કૌભાંડ / GSTના 146 જગ્યાએ મોટા દરોડાઃ સુરતમાં પ્લાસ્ટિકના વેપારીઓની 241 કરોડની ઝડપાઈ કરચોરી

• સુરત: 241 કરોડની GST ચોરી ઝડપાઇ
• 146 સ્થળોએ પાડયા દરોડા
• 14.14 કરોડની વસુલાત કરવામાં આવી

સુરતમાંથી 241 કરોડની GST ચોરી ઝડપાઇ છે. પ્લાસ્ટિક, સ્ટીલના ભંગારના વેપારીઓનું બોગસ બીલિંગ કૌભાંડ આચર્યું હોવાનું સામે આવ્યું છે. 10 રાજ્યોમાં 79 બોગસ કંપનીઓ બનાવી કૌભાંડ કર્યું હતું 

10 રાજ્યોમાં બોગસ બીલિંગ કૌભાંડના તાર
સુરત, દિલ્લી, મુંબઇ, ચેન્નાઇ, અમદાવાદ, જયપુર, ભુવનેશ્વર, હૈદરાબાદ, લખનઉ, બેંગલુરૂમાં બોગસ બીલિંગ કૌભાંડ સામે આવ્યું છે.  સુરત GST ટીમ દ્વારા 146 સ્થળોએ તપાસ હાથ ધરી છે. કૌભાંડમાં 6 લોકોની ધરપકડ કરવામાં આવી છે. બોગસ ટ્રાન્સપોર્ટ રસીદો પણ કબજે કરવામાં આવી છે. GST વિભાગ દ્વારા 14.14 કરોડની વસુલાત કરવામાં આવી છે. 33 સ્થળોએ હજુ GST દ્વારા તપાસ ચાલુ છે.

બોગસ ટ્રાન્સપોર્ટેશન રસીદો ઊભી કરાઇ
સુરતના DGGIએ ઉપરોક્ત રાજ્યોની 79 કંપનીઓના 46 ઠેકાણે તપાસ કરાતાં 241 કરોડની કરચોરીમાં થતી ઘાલમેલ પકડાઈ હતી. 6 કૌભાંડીની ધરપકડ હજુ પૂછપરછ ચાલુ છે. તપાસ દરમિયાન સુરતની ટીમે 11 ટ્રાન્સપોટર્સ અને ઓવરલોડ ચેક કરનારા ઓપરેટરોને ત્યાં પણ દરોડા પાડ્યા હતા અલગ અલગ કુલ 33 જગ્યાએ તપાસ કરતાતાં વજનના ખોટા પુરાવા પણ વેપારીઓએ આપ્યા હતા.ભંગારના વ્યવસાય સાથે સંકળાયેલાં વેપારીઓ મળતીયાની જેમ બોગસ બિલો મેળવીને ITC લઇ પાસઓન પણ કરી રહ્યા હતા. નવાઈની વાત એ છે કે એવી કંપનીઓ પાસે બિલ મેળવાયા જેનું કોઈ અસ્તિત્વ જ ન હતું. માલની ડિલિવરી માટે પણ બોગસ ટ્રાન્સપોર્ટેશન રસીદો (LR) દેખાડવામાં આવી હતી. તેમાંય કેટલીય કંપનીઑ પણ બોગસ હતી.