પ્રેમજાળ / સુરતમાં લવ જેહાદનો કેસઃ 20 વર્ષની યુવતીના 50 વર્ષીય વિધર્મી સાથે લગ્ન, 5 બાળકનો પિતા હોવાનો ખુલાસો

• સુરતમાં લવ જેહાદનો કિસ્સો 
• આધેડ વિધર્મી પિતાએ અપરણિત જણાવી લગ્ન કર્યા
• લગ્નના 3 વર્ષ બાદ ઓળખ છતી થઇ

સુરતના ડિંડોલી વિસ્તારમાં રહેતી પૂજા શાહુ 2018માં એક મોબાઈલ કંપની કામ કરતી હતી. અંકિતા (નામ બદલ્યું છે) અને મુકેશ ગુપ્તા વચ્ચે પરિચય સિમકાર્ડ વેચવાનું કમિશન લઈને શરૂ થયો હતો. તે પરિચય બંનેના પ્રેમમાં ફેરવાયો હતો. 20 વર્ષની અંકિતાને 50 વર્ષના મુકેશ ગુપ્તાએ અપરિણીત ગણાવ્યા હતાં અને અંકિતા સાથે લગ્નનો પ્રસ્તાવ મૂક્યો હતો. વર્ષ 2019માં, મુકેશ ગુપ્તા અને અંકિતાએ પણ સુરતના કડોન્દ્રા વિસ્તારમાં આવેલા હનુમાન મંદિરમાં હિન્દુ વિધિ મુજબ લગ્ન કર્યા હતાં. અને તે પછી બંનેને એક પુત્રનો જન્મ થયો.

મુકેશ ગુપ્તાએ રેલવેમાં નોકરી અપાવવાના બહાને અંકિતા ઘરનાં લોકો પાસેથી 12 લાખ રૂપિયા પણ વસૂલ્યા હતા. હવે મે મહિના 2021માં અંકિતાને ખબર પડી કે તે મુકેશ ગુપ્તાને સમજી રહી છે, તે વાસ્તવમાં મોહમ્મદ અખ્તર શેખ છે. જે 5 બાળકોનો પિતા છે અને તેની પત્ની પણ છે.

આ વ્યક્તિનું સત્ય સામે આવ્યા બાદ અંકિતા અને મોહમ્મદ વચ્ચે ઝઘડો શરૂ થયો હતો. અંકિતાએ સુરતના ડિંડોલી પોલીસ સ્ટેશનમાં અખ્તર શેખ વિરુદ્ધ કાયદાકીય કાર્યવાહી માટે અરજી કરી હતી. પરંતુ હિન્દુ સંગઠનોના દબાણ બાદ ડિંડોલી પોલીસે ત્રણ મહિના બાદ રિપોર્ટ દાખલ કર્યો છે, ગુજરાત સરકાર લવ જેહાદને લગતા કાયદામાં સુધારો કરે છે, તે જ રાજ્યમાં સુરત શહેરમાં લવ જેહાદની ફરિયાદ સરળતાથી નોંધાતા નથી.